Bandormur Jóhönnu og Steingríms

Hef verið að fylgjast með umræðunni á þinginu hér hinum megin frá á jarðkúlunni okkar.  Ef ríkisstjórnin og þingmenn hennar eru einhvers konar þverskurður af mannkyninu, sem vel má hugsa sér, þá er rétt að rifja upp úrskurð geimveranna sem lentu á Snæfellsjökli hér um árið um mennina og sem m.v. þingumræðuna virðist hárréttur:  "Ehemm...."

Nú hefur ríkisstjórnin og þingmenn hennar búið til bandorm sem virkar sem slíkur í eiginlegri merkingu og mun éta að innan innviði samfélagsins og þá fyrst sem minnst mega sín.  Eitthvað sem hefði mátt búast við úr frjálshyggju armi Sjálfstæðisflokksins en ekki frá þingmönnum VG og jafnvel ekki Jóhönnu.  Þessu hafa samt þingmenn VG og Samfylkingar greitt atkvæði og margir gegn betri vitund og samvisku.  Þingið hefur að því leitinu ekkert breyst.  Það saman stendur af fremur kjarklausum eiginhagsmunaseggjum sem fyrst og fremst hugsa um eigin völd og áhrif heldur en hag almennings.  Það er dapurlegt að vita til þess hvernig þingmenn láta kúga sig, sumir í VG til hlýðni við Steingrím, allir í VG til hlýðni við Samfylkingu og Samfylkingin eins og hún leggur sig til hlýðni við Jóhönnu.  Jóhanna eltir svo embættismennina í faðm IMF og Evrópusambandsins og á meðan verða auðlindir seldar úr landi og VG stingur höfðinu í sandinn hafandi brotið nánast allar samþykktir hreyfingarinnar.  Aldraðir, öryrkjar, ESB, og nú síðast með hinni s.k. þjóðarsátt þá fuku umhverfismálin í faðm ALCAN og Norðuráls.

Að venju virðast þingmenn Borgarahreyfingarinnar þeir einu sem standa upp úr í umræðum á þinginu, sem er að stærstum hluta alveg jafn firrt og það var þann 20. janúar síðastliðinn.

Hér er svo innlegg Brigittu, Margrétar og Þráins frá í gær um frumvarpið sem bitnar mest á öldruðum og öryrkjum.

http://www.althingi.is/altext/hlusta.php?raeda=rad20090626T190551&horfa=1

http://www.althingi.is/altext/hlusta.php?raeda=rad20090626T191152&horfa=1

http://www.althingi.is/altext/hlusta.php?raeda=rad20090626T191530&horfa=1

 

Athugasemdir

[Alexander (IP-tala skráð) 27.6.2009 kl. 12:38]

Já Þór, sumir eru aumkunarlegri en aðrir og þessi þistilsfjarðarþurs er sennilega botninn. Annars er bara hugarfarsbreyting það sem við íslendingar þurfum á að halda eða ætlum við að reyna að halda áfram í þessu neysluæði? Og svo þetta skrítna dæmi með öll lánin sem við erum að slá þessa daganna Við tókum of mikið af lánum og lentum í vandræðum, þá á bara að slá fleiri lán til að redda því. Er þetta ekki kallað hundalókík

[Valsól (IP-tala skráð) 27.6.2009 kl. 16:42]

Ég hef núna fylgst með þér frá því rétt fyrir kosningar og verið sammála þér oftar en ekki og ert þú einn af þeim þingmönnum borgarahreyfingarinnar sem gerir það að verkum að ég gæti vel hugsað mér að kjósa borgarahreyfinguna í næstu kosningum. En þegar þú talar um að auðlindir verði seldar úr landi og ert þar með að hengja þig á vagn þeirra sem reyna kasta ryki í augu fólks til að örva eigin framgang þá missti ég allt álit á þér. Þú veist það alveg jafn vel og ég að auðlindir okkar eru ekkert á leiðinni eitt né neitt. Þetta er hræðsluáróður manna sem eru á móti því að við gögnum í ESB. Ef okkur ber gæfa til að ganga þangað inn, þá væri meiri möguleiki á að þeir sem minnst hefðu væru varðir með reglum sambandsins en ella. ESB er í raun einn stór félagsmálapakki og það er það sem öfgafolkið til hægri óttast, en hvað öfgafólkið til vinstri óttast, það skil ég ekki. ég fyrir mína parta vill ekki gangast undir það að þurfa borga 17 falt til baka af mínu húsnæðisláni þegar mér stendur til boða að borga af sama láni 1,5 falt til baka. Það væri besta kjarabótin sem láglaunafólkið (sem þú talar um) gæti fengið.

Svo langar mig að spyrja ykkur snillingana, hvað ef þeir hafa rétt fyrir sér sem segja að allar lánalínur lokist ef við samþykkjum ekki Icesave? Ætlið þið þá að axla ábyrgð og segja af ykkur þingmennsku fyrir skaðsemina sem þið hafið valdið þjóð ykkar?

[Magnús Helgi Björgvinsson, 27.6.2009 kl. 19:44]

Sammál þér Valsól

Það verður líka rukka Borgarahreyfingunna um hvernig nákvæmlega þau vilja loka þessu fjárlagagati upp á 180 milljarða á rúmum 3 árum.

Nema náttúrulega að þau séu komin alfarið í framsóknargírinn og búin að finna leið til að láta þetta fjárlaga gat lenda á erlendum kröfuhöfum eðð Bretum og Hollendingum!

Eins þá ítreka ég það sem Valsól segir varðandi ríkisábyrgð á Icesave. Skil ekki hvernig fólk sem þar hvergi kom nærri getur verið á móti einhverju sem enn er ekki búið að leggja fyrir þingið. Mér skildst að þar með verði birt þingmönnum ítarleg greinargerð auk þess sem þeir eiga að fá nánar upplýsignar um samskipðti milli Íslands og alþjóðasamfélagsins varðandi þennan samning. En Þór og fleiri eru bara alfarið á móti honum og segja þá vara við því að fella hann séu bara gungur og haldi uppi hræðsluáróðri. Því að þetta fólk er alveg með það á hreinu að Bretar og Hollendingar komi hlaupandi til okkar og vilji semja upp á nýtt og helst að bæta við sig okkar skuldubindingum vegna IceSave að hluta.

En ef að ríkisábyrgð verður hafnaðí þjóðaratkvæðagreiðslu eða á þingi.  Hvað þýðir það? Þýðir það þar með að  þessari ábyrgð  sér hafnað eða bara yfir höfuð öllum ábyrgðum á icesave? Hvað ef að gerðir verða nýjir samningar þar sem samið verður um 5,4% vexti. Þarf þá aftur að fara með málið í þjóðaratkvæðagreiðsu eða er þá heimilt að semþykkja það?  Og hversu lengi mun þetta tefja alla fyrirgreiðslu til okkar. Þetta ferli gæti orðið með nýjum samningum kannski ár eða meira.

[Guðmundur Gunnarsson (IP-tala skráð) 27.6.2009 kl. 19:59]

Þór, takk fyrir góð skrif sem og það sem þú og þínir félagar í Borgaraflokknum hafið verið að gera á þingi og utan þess, sem er örugglega gagnlegra og verðmætara þjóðinni en það sem allir þingheimur og flokkarnir hafa verið að gera til samans.  Biðst afsökunar að hafað ekki kosið ykkur í vor.

[AK-72, 27.6.2009 kl. 20:01]

Hérna er hugmynd sem tikkar upp í að brúa fjárlagagatið. Setja 4% toll á innflutt súrál. Sem stendur er súrál tollfrjálst og því reynist þarna vera tekjulind sem ekki mun hafa áhrif á neysluvísitöluna. Þetta er eitthvað sem ríkistjórnin á að keyra í gegn ASAP.

Svo er spurning með algjöra eignaupptöku allra þeirrra sem stóðu að IceSave. Fyrst við eigum að borga fyrir það, þá er réttlátt að allt þeirra fari fyrst upp í reikninginn.

[Séra Jón (IP-tala skráð) 27.6.2009 kl. 23:21]

Sæll Þór.

Sjálfsagt má gagnrýna eitt og annað sem þessi stjórn er að leggja til og framkvæma. Í byrjun þings tók þingflokkur Borgararhreyfingarinnar afstöðu til mála eftir hvernig þeir samræmdust ykkar stefnu og hugmyndum um hvernig mætti laga hlutina. Nú hinsvegar finnst mér einsog þið séuð komin í sama farið og stjórnarandstöðuflokkar á Alþingi hafa verið undanfarna áratugi. Ég kalla það sjónvarpmínútuandstöðu. Hafa hátt, vera á móti en leggja fátt til málanna  (minnir þetta nokkuð á SJS í stjórnarandstöðu ) Í guðanna bænum ekki smitast af stjórnarandstöðuveikinni. Komið með uppbyggilegar tillögu og hættið að tala í fyrirsögnum. Fyrirgefðu en þessi grein þín er innantómt raus.

[Jóna Kolbrún Garðarsdóttir, 28.6.2009 kl. 03:08]

Flott færsla.  Ræðurnar hjá Birgittu og Margréti voru frábærar, Þráinn er ekki að standa sig eins vel.  Plástrar hans og meiddið voru ekki að skila sér til mín. 

[Brjánn Guðjónsson, 28.6.2009 kl. 06:03]

er þetta ekki hringormur?

[Vilhjálmur Örn Vilhjálmsson, 28.6.2009 kl. 06:16]

Brjánn, ekki veit ég hvað ormur þetta er, en þetta er greinilega spóluormur hjá Þór. Alþingi er Ormagryfja. Kannski ekki rétti staðurinn fyrir menn með háa lýðræðisvitund eins og Þór. 

[Sævar Finnbogason, 28.6.2009 kl. 14:40]

Sæll Þór 

Það lá nú alltaf fyrir að skattar myndu hækka EN þetta er alveg svakalegt!

Nú fáum við að reyna það sem svo margar þjóðir þekkja, BRAIN DRAIN! Það er alveg á hreinu að ungt og vel menntað fólk mun fara af landi brott í stórum hópum. Það tekur enn lengri tíma fyrir samfélagið að jafna sig á því en að  ná halla ríkissjóðs hægar niður. Sjálfur er ég með tvö börn á grunnskólaaldri og mun geta risið undir 90 Þ kr viðbótarskatti á mánuði, kanski helmingi þess og ég veit að þannig er um flesta í þessarri stöðu.

Það er svosem ágætt að leifa strandveiðar og slásig með riddara með því, það leysir bara ekki vandann, við þurfum á öllum að halda til að búa til nýjar leiðir til að auka tekjur þjóðarinnar. Við verðum að gera það á annan hátt en með frumvinnslu, háðri náttúruaðlindum einsog fiskveiðum og álbræðslu sem skilar hlutfallslega alltof litlu í kassann miðað við fjárfestingu. 

Kanski er það bara stefna ríkisstjórnarinnar að vera hér með eymd og volæði í nokkur ár til að geðjast IMF og halda að það því loknu verði allt í sómanum og hægt að fara gera einhverjar rósir. Gott og vel, hverjir munu gera þessarr rósir ef  ríkisstjórnin verður búin að hrekja stórna hluta kynslóðarinnar sem myndi að öllu gera það úr landi? 

[Rollo (IP-tala skráð) 3.7.2009 kl. 13:56]

Ertu sammála?: http://olii.blog.is/blog/olii/entry/907664/#comment2489231 

[Einar Björn Bjarnason, 4.7.2009 kl. 02:03]

Skuldir Íslands vs. ríkissjóðs:

Á borgarafundinum, í síðustu viku, sagði Steingrímur J., að skuldir ríkisins, væru rúmlega 1,5 landsframleiðsla. En, skv. nýjum upplísingum, eru þær hvorki meira né minna, en 2,5.

En, ef við erum að tala um skuldir Íslands sem heild, þá erum við að tala um umtalsvert hærri tölur. En, skv. 1. ársfjórðungsskýrslu Seðlabanka Íslands, fyrir árið 2009, eru heildar erlendar skuldir þjóðarbúsins, 4.580 milljarðar króna. Inni í þessari tölu, eru skuldir þrotabúa gömlu bankanna, sem skýrir hrollvekjandi hæð heildarsummunnar, áður en eignir eru dregnar frá, en einnig Landsvirkjunar, Orkuveitunnar og sveitarfélaga. Þannig, að 4.580 eru nettó erlendar skuldir þjóðarbúsins. Ekki, veit ég, af hverju menn, eru stöðugt með, einhverja talnaleikfimi. En augljóslega, skapar hún tortryggni. Þarna, er þá sannleikurinn kominn í ljós.

Ég veit ekki um ykkur. En, mér finnst sannleikurinn vera sannkölluð hrollvekja.

Seðlabanki Íslands: 1. ársfjóðrungur 2009

"Hrein staða við útlönd var neikvæð um 4.580 ma.kr. í lok fyrsta árs¬fjórðungs og réttist af um rúma 131 ma.kr. frá síðasta fjórðungi. Erlendar eignir námu 8.479 ma.kr. í lok ársfjórð¬ungsins en skuldir 13.059 ma.kr."

Af þessu er ljóst, að skuldir Íslands, eru gríðarlega alvarlegar. Það er ekki hægt, með sanngirni, að láta eins og að heildar skuldastaða þjóðfélagsins, sé eitthvert auka-atriði. Ríkið, er ábyrgt fyrir skuldum Landsvirkjunar, ef hún lendir í erfiðleikum. Önnur íslensk ríkisfyrirtæki, eru einnig á ríkisábyrgð. Ríkið, getur ekki heldur látið, eins og gríðarlega erfið skuldastaða sveitarfélaga, sem mörg hver eru einnig að bera erfiðar byrðar í formi erlendra lána, komi því ekkert við. Því, ef sveitarfélag fer í þrot, þá lendir allt klabbið á ríkinu.

Kv.

Einar Björn Bjarnason, 4.7.2009 kl. 01:56

[Toti (IP-tala skráð) 4.7.2009 kl. 04:46]

Er thad ekki malid ad sama hvad stjornmalaflokkurinn heitir tha fara their bara eftir hvad raduneytisstjorarnir og adrir 3dju valdamestu mennirnir segja ad se peningur fyrir? Nuna er flokkurinn sem var i stjornarandstaedu i 18 ar ad hegda ser alveg nakvaemlega eins og flokkurinn sem var i stjorn i 18 ar, er etta ekki bara bull allt saman, er ekki eina raunhaefa ad reyna ad rada sinu lifi eins og haegt er, th.m.t. haetta ad borga skatta thvi madur er ekki sattur vid i hvad their fara, eru thad ekki bara mannrettindi?

[Einar Björn Bjarnason, 5.7.2009 kl. 16:14]

Heildar-Skuldir Íslands - 13.059 ma.kr.

Staðreyndin um heildar erlendar skuldir þjóðfélagsins, kemur fram á vef Seðlabanka Íslands: 1. ársfjórðungur 2009. Athugið, 13.059 milljarðar, eru heildarskuldir. Þessi upphæð skiptir þó máli. Nettóupphæðin, er 4.580 milljarðar, þegar reiknað verðmæti eigna upp á 8.479 milljarða hefur verið dregið frá.

"Hrein staða við útlönd var neikvæð um 4.580 ma.kr. í lok fyrsta árs¬fjórðungs og réttist af um rúma 131 ma.kr. frá síðasta fjórðungi. Erlendar eignir námu 8.479 ma.kr. í lok ársfjórð¬ungsins en skuldir 13.059 ma.kr."

Til að allt teljist rétt, ber að geta, inni í þessari tölu, eru skuldir þrotabúa gömlu bankanna, sem skýrir hrollvekjandi hæð heildarsummunnar, áður en eignir eru dregnar frá, en einnig Landsvirkjunar, Orkuveitunnar og sveitarfélaga.

Athugið þó, að hvergi kemur fram hjá Seðlabanka Íslands, hvernig skuldirnar skiptast á milli aðila, t.d. hvaða hlutfall telst til gömlu bankanna.

Einungis upphæðin, 4.580 milljarðar jafngildir u.þ.b. 3,5 þjóðarframleiðslum,,,þá hafa allar eignir verið dregnar frá. Upphæðin, 13.059 á móti jafngildir u.þ.b. 10 þjóðarframleiðslum.

Það sem þarf að hafa í huga, að í þessum eignum, upp á 8.479 milljarða er ekki einungis að finna, eignir sem tilheyra uppgjörum hrundu bankanna. Heldur einnig, Landsvirkjun, orkukerfið, flutningskerfi hitaveitunnar, Orkuveitan og önnur skild orkufyrirtæki, hafnir og önnur mannvirki í eigu ríkis og sveitarfélaga; sem fræðilega er allt hægt að selja til að minnka skuldir. En, "common" það vita allir, að slíkt kemur ekki til greina.

Raunverulega staðan, er því einhvers staðar á milli  4.580 milljarða eða 3,5 þjóðarframleiðsla; 13.059 eða 10 þjóðarframleiðsla. Það skiptir, ef til vill ekki meginmáli, hvort raunveruleg staða er 9.000 milljarða eða 6.000 milljarðar. Því, meira að segja, 4.580 eða 3,5 þjóðarframleiðslur, er of mikið.

Þetta er raunveruleg staða mála. Sannleikurinn, er kominn í ljós.

Icesave í samhengi erlendra skulda þjófélagsins

Skv. því sem ríkisstjórnin segir, sjá Lagafrumvarp um: Icesave

"Innlend skuldabréf 471 ma. kr. 33 % af VLF
Skuldir vegna tapaðra veðlána o.fl. 296 ma. kr. 21 % af VLF
Erlend lán (sjá að framan) 315 ma. kr. 22 % af VLF
Skuldbinding vegna Icesave 373 ma. kr. 26 % af VLF
Samtals 1455 ma. kr. 102 % af VLF"

Rétt er að taka fram, að útkoma upp á 373, úr Icesave uppgjörinu, er besta hugsanlega útkoma, eins og ríkisstjórnin setur þetta fram. Lagafrumvarp um: Icesave

"Eftir bankahrunið, eða í árslok 2008, voru skuldir ríkissjóðs 931 milljarður króna. Þar
munar mest um endurfjármögnun ríkissjóðs á Seðlabanka Íslands (270 milljarðar króna) vegna tapaðra veðlána bankans, aukna útgáfu ríkisbréfa og ríkisvíxla (181 milljarður króna) og lántöku vegna gjaldeyrisforða (130 milljarðar króna). Mat fjármálaráðuneytisins er að skuldirnar nái hámarki í árslok 2009 og hafi þá náð 1.810 milljörðum króna, sem svarar til um 125% af VLF. Þá hafa bæst við lán í tengslum við efnahagsáætlun stjórnvalda og Alþjóðagjaldeyrissjóðsins (338 milljarðar króna) og eiginfjárframlag til nýju bankanna (385 milljarðar króna)"

 Samkvæmt því, eru erlendar skuldir ríkisins: 315 + 375 (eða 415) + 130 +338 = 1.158

 Ef við leikum okkur með tölur. Þá er 4.580 - 1.158 = 3.422  (2.63 þjóðarframleiðslur) eða 13.059 - 1.158 = 11.901 (9,15 þjóðarframleiðslur).

Erlendar skuldir, aðrar en skuldir ríkisins, skipti ekki máli?

Ríkisstjórnin, ætlar sem sagt, að láta eins og aðrar erlendar skuldir, en skuldir ríkisins, komi því ekkert við. Það er ástæða þess, að ríkið þykist geta haldið fram eftirfarandi:

Lagafrumvarp um: Icesave

"Í nýlegri úttekt hagfræðinga hjá Alþjóðagjaldeyrissjóðnum
er áætlað að skuldir ríkissjóðs hjá tíu ríkustu þjóðum G20 hópsins
verði að meðaltali 114% af VLF árið 2014 og að mögulega kunni þessi tala að vera svo há sem 150% af VLF. Þó eru þessar þjóðir ekki að takast á við nær algert kerfishrun, þ.e. hrun 90% bankakerfisins líkt og í tilfelli Íslands, né hrun bankakerfis sem skuldaði tífalda þjóðarframleiðslu landsins (um 13.600 milljarða króna). Í þessum samanburði er skuldastaða ríkissjóðs vel viðunandi, enda ljóst að þrátt fyrir umfang skulda bankanna og stærð hrunsins sker ríkissjóður Íslands sig ekki sérstaklega úr þegar kemur að skuld hans sem hlutfalli af VLF."

Þetta er ekkert minna, en helvítis þvæla. Hið fyrsta, er þegar komið í ljós, að raunverulegar heildarskurldir ríkisins, eru 2,5 þjóðarframleiðsla, en ekki 1,3. Í annan stað, er það einfaldlega rangt, að hægt sé að láta sem, aðrar skuldir þjóðarbúsins, komi ríkinu ekkert við.

• Skv. uppgjöri Landsvirkjunar, skuldar hún 2.975.269.000 dollara. Ríkið, er ábyrgt fyrir þessum skuldum, er Landsvirkjun lendir í vandræðum.
• Sveitarfélög, mörg hver, freystuðust til að taka erlend lán, í gróðærinu, og þau lán eins og önnur erlend lán, hafa hækkað mjög í krónutölu. Ef, sveitarfélög lenda í vandræðum, þá er ríkið einnig ábyrgt fyrir skuldum þeirra.
• Ríkið er ábyrgt, fyrir skuldum allra aðila í eigu þess. Auk þessa, hefur ríkið beint eða óbeint, nú tekið yfir fjölmörg fyrirtæki, sem álitin eru of mikilvæg fyrir þjóðarbúið til að hrynja og er þá einnig orðið ábyrgt fyrir skuldum þeirra, þó svo að ekki sé gert ráð fyrir þeim ábyrgðum, í framsetningu ráðherra á skuldum ríkisins.

Síðast en ekki síst, þá þurfa þeir sem skulda þær óhemju erlendu skuldir þjóðarbúsins, að borga af þeim með gjaldeyri.

Þessir aðilar, eru því að keppa við ríkið, um þann gjaldeyri sem eftir verður, þegar búið er að gera ráð fyrir nauðsynlegum innflutningi.

Hvernig, ætlar ríkið að fara að því, að tryggja sér nægan gjaldeyri fyrir sig, þegar aðrir hafa einnig á sama tíma svo ríka þörf fyrir hann?

Greiðslubyrði af Icesave vs. greiðslubyrði almennt af erlendum skuldum

Lagafrumvarp um: Icesave

"Tafla 3: Afborganir og vextir af skuldum ríkissjóðs
Ár         Erlendar skuldir Icesave Innlendar skuldir Samtals
2009           9,2%                                    5,6%           14,8%
2010           3,2%                                    4,5%            7,8%
2011         18,7%                                    4,8%          23,5%
2012           8,9%                                    4,8%          13,7%
2013           7,5%                                    4,5%          12,0%
2014           6,1%                                    4,3%          10,3%
2015           5,4%                                    4,0%            9,4%
2016           4,1%             3,7%               3,8%           11,6%
2017           3,4%             3,6%               3,6%           10,6%
2018           3,0%             3,5%               3,4%            9,8%
2019           2,7%             3,3%               3,2%            9,2%
2020           2,4%             3,2%               3,0%            8,5%
2021           2,1%             3,0%               2,8%            8,0%
2022           0,0%             2,9%               2,7%            5,6%
2023           0,0%             2,7%               2,6%            5,3% "

Vert er að muna, að erlendar skuldir þjóðarbúsins, eru einungis 1/3 af nettó heildarskuldum þjóðarbúsins, við útlönd. Þannig, að ef við miðum við heildar nettó skuldir þess, 4.580 milljarðar króna, þá þarf að margfalda skuldbirði með tölunni 3(við skulum þó, taka fyrst meðaltal af skuldabyrði ríkissjóðs, áður en við margföldum). Ef við, miðum við brúttóskuldir þjóðarbúsins, 13.059 milljarða króna, þá þarf að margfalda greiðslubyrði með tölunni 10. Sannleikurinn, er einhvers staðar þarna á milli, þ.s. inni í brúttó-heildar skuld þjóðarbúsins, eru margar eignir sem ekki er þjóðarvilji til að selja, sbr. Landsvirkjun, dreifikerfi hita og rafmagns, samgöngumannvirki, o.flr. Þetta er þ.s við stjórnar-andstæðingar, meinum, þegar við segjum skuldabirði, of mikla.

Samkvæmt skrifum Gylfa Magnússonar sjálfs, er greiðslubyrði Icesave í besta fallu 1,6% upp í mesta lagi 6,8% af útflutningsekjum landsmanna. Hafa skal í huga, að þá miðar hann við að 75% greiðist upp, þannig að eftir verði 415 milljarðar. Þetta er sem sagt, greiðslubyrðin, af einungis, 415 milljörðum í erlendri mynnt.

4.580 / 415 = 11 Þannig, að 415 milljarðar, eru einungis 1/11 af heildar-nettó-skuldum þjóðfélagsins.

13.059 / 415 = 31.5 Þannig, að 415 milljarðar eru 1/31,5 af heildar-brúttó-skuldumþjóðarbúsins.

Ef einhver kærir sig um, að útskýra hvernig, Íslendingar eiga að fara að því, að standa undir þessu, þá er viðkomandi það heimilt.

Einungis, með því að láta sem, einungis skuldir ríkisins, skipti máli, er hægt að láta sem að hlutir séu viðráðanlegir. En, þegar haft er í huga, að einnig þarf að borga af öðrum skuldum þjóðarbúsins. Að þær skuldir, eru einnig að keppa um þann gjaldeyri, sem verða mun fyrir hendi. Að, sá gjaldeyrir, verður mjög takmörkuð auðlind. Þá, sést, að við Íslendingar erum, komnir í fullkomlega óviðráðanlegt fen.

Einnig, Íslenska ríkið er ekki sjálft að flytja út vörur og þjónustu, heldur aðrir. Með hvaða hætti á að færa gjaldeyri frá einkaaðilum til ríkisins? Á að gera það með sköttum? Á að gera það með gjaldeyrishöftum og skilaskyldu? Á að koma á innflutningshöftum í því skyni að auka hagstæðan viðskiptajöfnuð? Hvernig á að standa við fyrirliggjandi Icesave-samkomulag og aðrar erlendar skuldir, nema með öðrum erlendum lántökum?

Halli á Þáttatekjum 

Þjóðarbúskapurinn, áætlun til 2014: Vorskýrsla 2009

Viðskiptajöfnuður, % af VLF
2008                          -23,3
2009 - 2014                 -1,2
2011                             -1,1
2012                             -2,1
2013                             -1,2
2014                             -1,1

Ég vek athygli, á þessari töflu, þ.s. að ef áætlun þjóðhagsreikninga stenst, þá er enginn afgangur af viðskiptajöfnuði Íslands, fyrir allra næstu ár. Þvert á móti, erum við í mínus.

Þáttatekjur samanstanda af hlutabréfaeign og skuldabréfaeign ríkissjóðs. Nú, er heildartap af því dæmi, og fyrirsjáanlega áfram; og það stórt, að jákvæður annars vöruskiptajöfnuður verður neikvæður, fyrir næstu ár. 

Þar virðist ráða um, halli á fyrirtækjum í eigu hins opinbera; þ.e. halli á bönkunum, en einnig halli af öðrum - svokölluðum þjóðfélagslega mikilvægum fyrirtækjum - sem ríkið hefur tekið yfir, til að halda þeim gangandi. Hvað bankana varðar, stafar hallinn af því, að eignir eru mest í erlendum gjaldeyri á meðan að skuldir eru mest í innlendum. Þetta er ekki enn leyst, en er hugsanlegt að verði.

En, einnig er stór hluti í "þáttatekjuvandamálinu"tap af skuldabréfum, þá einkum svokölluðum "krónubréfum".

Þetta vandamál, sannarlega getur minnkað, þegar heimskreppan endar, þegar hún þá endar, og þá getur neikvæð ávöxtun orðið jákvæð.

Þessi, halli hlýtur þó frekar augljóslega, vera ógnun við greiðslustöðu landsins, gagnvart útlöndum til 2014 - hið minnsta.

Niðurstaða

Þegar heildarskuldir þjóðarbúsins, eru hafðar í huga, þá kemur í ljós að erlendar skuldir Íslendinga, eru fullkomlega óviðráðanlegar.

Hvað er þá til ráða?

• Við getum ekki samþykkt Icesave samning þann, sem ríkisstjórnin hefur gert við Breta og Hollendinga.
• Ísland, er þegar galdþrota, best að viðurkenna þá staðreynd hið fyrsta, og leita nauða samninga eða til vara, að lýsa yfir greiðsluþroti þ.e. "default".
• Gjaldþrot, er ekki endir alls; við getum samt flutt út fisk, áliðnaðurinn starfar áfram, ferðamenn halda áfram að koma til landsins. Ríkið, getur því staðið undir, umtalsverðri starfsemi innanlands. Á móti kemur, að allan innflutning mun þurfa að staðgreiða. Það getur valdið skorti á því sem er ekki framleitt hér; því að sjálfsögðu mun olía, bensín, lyf og þessháttar, njóta forgangs.

Best er að taka á þessari stöðu, hið fyrsta, því að allar viðbætur á núverandi skuldastöðu gera einungis íllt verra.

Kv. Einar Björn Bjarnason, stjórnmálafræðingur og Evrópufræðingur.

[Þórður Björn Sigurðsson, 5.7.2009 kl. 23:13]

Hvar er hagspá heimilanna til ársins 2013?

Hagsmunasamtök heimilanna lýsa yfir miklum áhyggjum af sífellt versnandi stöðu íslenskra heimila.  Samkvæmt greiningu samtakanna á tölum Seðlabanka Íslands var greiðslubyrði 18% heimila þung og 36% heimila mjög þung.  Er það þrátt fyrir að stór hluti heimila hafi nýtt sér ýmis úrræði, svo sem frystingar og skilmálabreytingar lána, til að lækka a.m.k. tímabundið mánaðarlegar greiðslur fastra lána. 

Nú hefur ríkisstjórnin ákveðið að bæta um betur.  Áætlað er að nýsamþykktar ráðstafanir í ríkisfjármálum, svo kallaður bandormur, þyngi skattbyrði heimilanna eða skerði á annan hátt ráðstöfunartekjur þeirra um að jafnaði 90.000 kr. á mánuði.  Hvernig heimilin eiga að standa undir slíkum álögum ofan á allt annað, er samtökunum hulin ráðgáta. 

Samkvæmt útreikningum stjórnarmanns í Hagsmunasamtökum heimilanna, er byggja á hagtölum frá opinberum aðilum, duga núverandi ráðstöfunartekjur ekki fyrir útgjöldum íslensku vísitölufjölskyld­unnar.  Hún er nú rekin með tveggja milljóna króna halla á ársgrundvelli og því deginum ljósara að meiri álögur stefna enn fleirum í vanda. Einnig sýnir könnun, sem framkvæmd var meðal félagsmanna í samtökunum, að afgerandi meirihluti, eða 61% félagsmanna er ekki að ná endum saman með tekjum sínum, er annað hvort gjaldþrota eða á leið þangað, safnar skuldum eða að ganga á sparifé sitt.  Jafnframt kemur fram að hlutfallslega fleiri, eða 85% þeirra sem eru með gengistryggð lán eru ekki að ná endum saman.  Ætla má að þessi staða endurspegli þokkalega stöðuna í samfélaginu (sjá nánar meðfylgjandi). Einnig kemur fram í könnuninni að 44% félagsmanna telja frekar eða mjög litlar líkur á því að þeir geti staðið við skuldbindingar sínar næstu sex mánuði.

Í ljósi þessara niðurstaðna varðandi stöðu heimilanna krefjast Hagsmunasamtök heimilanna þess að ríkisstjórnin láti útbúa hagspá  heimilanna, sem nái yfir sama tímabil og endurreisn ríkissjóðs, þ.e. frá og með 2009 til 2013.  Slík hagspá er nauðsynleg til að sjá hver fjárhagsstaða heimilanna er og hvernig hún mun þróast á næstu árum.  Samtökin vilja líka sjá til hvaða ráðstafana ríkisstjórnin hyggst grípa til að endurreisa fjárhag heimilanna.  Núverandi skuldastaða þeirra er augljóslega ógnvænleg og bendir ekkert til þess að það batni á komandi árum nema gripið sé til róttækra aðgerða.

Það er til lítils, að mati samtakanna, að rétta við fjárhag ríkissjóðs og fjármálafyrirtækja, ef það er á kostnað heimila, atvinnulífs og sveitarfélaga.  Endurreisn allra þessara grunnstoða samfélagsins verður að haldast í hendur.

Stjórn Hagsmunasamtök heimilanna, Reykjavík 4. júlí  2009

www.heimilin.is

[Gerður Pálma, 6.7.2009 kl. 15:08]

Ég er einungis búin að lesa hratt í gegnum athugasemdirnar við grein Þór en hnaut um fullyrðingar frá Valsól að ekki komi til að auðlindir landsins verði seldar, en það er einmitt að gerast NÚNA, þ.e. verið er að gera alvarlega tilraun til þess, selja HS til Magma Energy, og þar með situr Ísland eftir alls laust en sölumenn landsins hlaupa fagnandi í faðm stærstu mengunar framleiðendur heims og hlakka yfir að telja gróða í eigin þágu á kostnað náttúru Íslands sem og náttúrkeðju heims.  Þeir skilja ekki að náttúran er undirstaða lífs á jörðu og er samanofin þannig að við erum öll bundin sama lögmáli.  Hreint Ísland er undirstaða stórkostlegra atvinnutækifæra sem mun geta fleytt okkur yfir öll vandamál, fjandinn hafi það, við erum aðeins ca.300.000 eitt pínulítið fyrirtæki. Ætlum við að bæta eigið met á alheims asnaskap?  Hrein Ísland er undirstaðan undir Plan A og B.. Icesave samningurinn og ESB er ekki plan, það er gunguháttur og órausæi. Við getum ekki staðið við  þessa samninga, verðum að leita betri leiða, þær eru til. Við erum í MJÖG STERKRI samningsstöðu ef við værum ekki þessar rolur.  Þessar þjóðir eru að leita ullar í geitarhúsi, allt sem við getum boðið er betra en óraunveruleikinn sem nú hefur verið samið uppá.  Gerum sameiginlegt átak í atvinnumöguleikum, Hollendingar geta boðið kunnáttu og tækni Ísland orku, landrými og vinnukraft.  Þar liggja raunverulegar lausnir.