Út vil ek, 10 fjölskyldur á dag, ICESAVE, ríkisstjórn, hagstjórn.

Áhugaverð frétt á RÚV um að 1.000 búslóðir hafi verið fluttar til útlanda fyrstu fimm mánuði ársins.  Það gera um 10 búslóðir (sama sem 10 fjölskyldur) á dag hvern virkan dag vikunnar.  Einnig fluttu 1.000 manns (íslenskir ríkisborgarar) til útlanda fyrstu 3 mánuði ársins.  Það gera 17 manns á dag hvern virkan daga vikunnar.  Íslendingar eru að greiða ríkisstjórninni atkvæði með fótunum eins og sagt er.  Vonandi verður þetta fólk talið með í næstu vinsældarkönnun stjórnmálanna.  Eins hafa 1.300 "innflytjendur" til draumalandsins yfirgefið skerið á sama tíma.  Það gera um 22 á dag hvern virkan daga vikunnar.  Til hamingju Samfylking og VG fyrir að gera ekkert til að glæða vonir almennings.  Til hamingju Sjálfstæðisflokkur fyrir að eiga lang mesta sök á.

Þessa dagana erum við á stanslausum nefndarfundum vegna ICESAVE og það sem er áhugaverðast hér er að það er einbeittur vilji ríkisstjórnarflokkana að keyra málið í gegn með hraði og einskis er látið ófreistað.  Stanslaus hræðsluáróður og óheilindi SJS og Jóhönnu í ICESAVE málinu verður dapurleg eftirskrift einhverrar verstu ríkisstjórnar sem land þetta hefur þurft að þola.  Ríkisstjórn sem hefði svo vel getað gert miklu betur þrátt fyrir gríðarlegan vanda, hefur komið illa fram við almenning og er nú við það að staðfesta þrálátan orðróm um að vinstri-stjórnir eru óstjórnir.

Aukning í búslóðaflutningum

Tæplega þúsund búslóðir voru fluttar frá landinu fyrstu 5 mánuði ársins en það er rúmum þriðjungi meira en á sama tíma í fyrra. Flestar búslóðirnar fara til Noregs. Mun færri flytja til landsins en áður.

Hjá skipafyrirtækjunum tveimur sem bjóða upp á búslóðaflutninga  kemur í ljós að mikil aukning hefur verið á slíkri þjónustu fyrstu 5 mánuði ársins. Eimskip hefur siglt með 30% fleiri búslóðir á þessum tíma samanborið við í fyrra eða alls um 750 búslóðir.

Ólafur Hand, markaðstjóri hjá Eimskip, segir að í maí mánuði hafi fjöldi búslóðaflutninga verið mestur. Flestar búslóðirnar sem Eimskip flutti fóru til Noregs, síðan fylgja Danmörk og Svíþjóð þar á eftir.  Ólafur segir um 40% samdrátt vera í búslóðaflutningum til landsins.

Svipaða sögu er að segja hjá Samskipum, þar hefur aukningin þó verið öllu meiri á fyrstu 5 mánuðunum samanborið við í fyrra, eða um 50%. Anna Guðný Aradóttir, markaðsstjóri Samskipa, segir fyrirtækið hafa flutt um 200 búslóðir á þessum tíma og flestar þeirra hafi farið til Noregs. Hjá Samskipum hefur orðið um 20% samdráttur í búslóðaflutningum til landsins.

Fyrstu 3 mánuði ársins fluttu rúmlega 2300 hundruð manns brott af landinu. Í þeim hópi eru 1000 íslenskir ríkisborgarar.  Ekki fengust upplýsingar hjá Hagstofunni um fjölda brottfluttra Íslendinga eftir 1. apríl. 

Athugasemdir

[Kristín (IP-tala skráð) 6.7.2009 kl. 22:31]

Ó hvað ég skil fólkið . Ég færi í burt , ef ég væri á réttum aldri .

ÉG ER EKKI STOLT AF ÞVÍ AÐ VERA ÍSLENDINGUR !

SKÖMM........

[Þórbergur Torfason, 6.7.2009 kl. 22:37]

Það er hlálegt til þess að vita að okkar eina lífsvon eru útflutnings atvinnuvegirnir en ekki beinlínis í þessum skilningi nema ef vera skyldi að þegar síðasti Íslendingurinn fer, verður enginn til að borga skuldirnar. Það væri tímanna tákn.

Annars finnst mér gæta illilega tvískinnungs hjá þér þar sem þú þakkar sjálfstæðisflokknum fyrir vel unnin störf á sama tíma og þú herjar á núverandi stjórnarflokka sem eru þó með allt aðra stjórnarstefnu en sjálfstæðismenn. Ekki gott að átta sig á hvaða leið þú vilt fara í þessum málum.

Auðvitað áttum við að innsigla bankana þegar þeir hrundu og gera ekki tilraun til að reisa þá við og reka þá. Við áttum bara að nota sparisjóðina með stuðningi ríkissjóðs og gefa okkur góðan tíma til að rannsaka misferlið í bönkunum.

Svo er það reyndar mín skoðun að við hefðum átt að láta hjá líða að gera nokkurn skapaðan hlut, bara bíða og láta sækja á okkur og verjast síðan.

[Óskar Þorkelsson, 6.7.2009 kl. 22:40]

Ég var að láta gera tilboð í búslóðina mína til flutnings hjá eimskip og samskip.. ég fer í ágúst.

takk fyrir mig.. 

[Halldór Lárusson (IP-tala skráð) 6.7.2009 kl. 23:20]

Er að leita að vinnu í Svíþjóð. Býst við að það endi með því að ég og fjölskylda mín fari bráðlega. Það stefnir hraðbyri í að endar nái ekki saman hjá okkur. Ég vil búa á Íslandi en þetta getur ekki gengið lengur, það er alveg klárt.

[Gísli Baldvinsson (IP-tala skráð) 6.7.2009 kl. 23:28]

Reyndar er tilvísunin þannig að "út" var til Íslands. En þetta vissi þingmaðurinn auðvitað. Snorri Sturluson sigldi frá Niðarósi í konungsbanni Hákonar Hákonarsonar. Þá mælti hann hin örlagaþrungnu orð: Út vil ek. Ekki ætla ég að draga úr því að staðan er hörmuleg en vil samt árétta að allir eru að reyna sitt besta. kv gb

[Sveinn hinn Ungi (IP-tala skráð) 6.7.2009 kl. 23:39]

Ég lýt svo á að þau Jóhanna og Steingrímur séu heiðarleg og traust og séu að gera allt sitt besta í þessari erfiðu stöðu.

Ekki er víst að það sé að öllu leiti slæmt að fara erlendis núna og afla tekna. Landið og þjóðin toga síðan í flesta og fólkið kemur aftur þegar betur árar. Það er betra að komast í vel launað starf erlendis heldur en búa við atvinnuleysið sem blasir við hérna og er óhjákvæmilegt vegna hinna miklu sviptinga.

Staðan er svo alvarleg að nú þurfum við að snúa bökum saman frekar en fljúgast á. Margir virðast ekki gera sér grein fyrir því hversu alvarleg staðan er, og búast jafnvel við að ríkið fari að senda fólki ávísanir í pósti til að bjarga því. Raunveruleikinn er allt annar. Ríkið er á heljar þröm og þarf að soga til sín allt það fé sem hægt er að komast yfir.

[Jóna Kolbrún Garðarsdóttir, 7.7.2009 kl. 00:06]

Ég hef verið að hugsa um það að skoða möguleika mína í Finnlandi, þar sem ég er finnskumælandi.  Ég ætla samt að bíða aðeins og sjá til á meðan ég hef vinnuna.  Áróðurinn og heilaþvotturinn sem stundaður er af fjölmiðlunum og stjórninni, er með ólíkindum.  Það á að neyða okkur til þess að borga IceSlave og troða okkur inn í ESB hvort sem við viljum það eða ekki. 

[Þórður J (IP-tala skráð) 7.7.2009 kl. 00:20]

Þú þarft ekki annað en að skora á okkur sem kusum þig til að mæta á Austurvöll á ákveðnum tíma til að endurtaka leikinn frá 21 jan 2009. Lýðræði hefur þá merkingu að lýðurinn ræður. Ekki aðeins á 4 ára fresti heldur alltaf þegar stjórnvöld eru ekki að standa sig og taka upp á því að selja landsins eigur upp í skuldir óreiðumanna sem við berum enga ábyrgð á.

Nú þarf samstöðu og sameiginlega sýn á framtíð þessa lands til að knýja Alþingi til að samþykkja ekki þennan ögjörning sem Icesave er.

SJS og JS eru orðinn þreytt og þeirra tími er að verða liðinn. Mín ósk er sú að það verði aftur stjórnarkreppa og kosningar í haust eftir að Icesave ábyrgðin verður felld á þingi. Þá mun restin af þessu gamla flokkapakki sem ekki skolaðist út í síðustu hreinsun fara loksins frá. Og þá er hægt að öðlast trú á að við séum ekki fífl sem láta leiða okkur til glötunnar. Eins og flasan sagði við hárið, Okkar tími mun koma.

En sammála er ég þér um að Alþingi er einstaklega óspennandi vinnustaður eins og málum er háttað í dag, því miður!

Kveðja ÞJ

[Einar Guðjónsson, 7.7.2009 kl. 01:16]

Já þetta er þvert á það sem hinn merki fræðimaður Árelía Eydís Guðmundsdóttir hélt fram

í kynningarviðtali RÚV frétta við hana í sjónvarpinu s.l. haust. Auðvitað var það bara tilfinning hennar eins og hún sagði.Engar rannsóknir í gangi þar.Þetta er svolítið vandamálið.Háskólakennari byggir  ´´rannsóknarniðurstöðu´´

á tilfinningum sínum. Svona virðist ríkisstjórnin vinna líka.Heldur að fólk láti berja á sér af

því íslendingar  séu ÍSLENDINGAR. Staðreyndin er sú að um áramót 2007 / 2008 voru 55.000. íslendingar búsettir í útlöndum eða um 15% þjóðarinnar.Þetta hlutfall stækkar bara á meðan hinn virti  spillingarskóli ræður hér ríkjum. Spilling kallar nefnilega á fátækt. 

[Jón (IP-tala skráð) 7.7.2009 kl. 02:13]

Af hverju hefur enginn þingmaður krafist þess að augljóslega ólöglegt athæfi KB banka að afnema skuldir stjórnenda verði dæmd ómerk ?

Af hverju hefur enginn þingmaður krafist þess að aðgerðir stjórnenda til þess að koma sér undan persónulegri ábyrgð verði dæmd ómerk ?

Það eru liðnir 9 mánuðir.....er þetta út af því að þingmenn eiga hlut að máli ?

Er ekki líka augljóst að skipa þarf kviðdóm í svona réttlæismál, dómurum er ekki treystandi.

[Sigurður Þórðarson, 7.7.2009 kl. 05:38]

Allt er þetta kák.  Eða hver voru samningmarkmið  Íslands í Icesave?

Það kemur m.a. fram í tilvitnumnum í aðalsamningamann Íslands sem ég vitna í í færslu minni í dag en það kom líka sláandi fram í grein Lilju Mósesdóttur í Mbl í gær að engir útreikningar hafa verið gerðir um greiðsluálag vegna Icesave. 

Samt eru samninganefndirnar búnar að skála!

[Ólafur Ingólfsson, 7.7.2009 kl. 08:57]

Þú einfaldar málin heldur mikið, Þór. Fólk er ekki að flýja slæma ríkisstjórn eða icesave málið. Fólk er að flýja atvinnuleysi. Atvinnuleysið stafar af hruninu, hrunið skrifast ekki á núverandi ríkisstjórn. Fólk er að flýja ástand sem er afleiðing 18 ára óstjórnar Sjálfstæðisflokksins.

[Simmi (IP-tala skráð) 7.7.2009 kl. 09:41]

Það er nú ekki hægt að kenna rústabjörgunarfólkinu um stöðuna í dag. Og hvað hafið þið reynt að gera þór til að breyta ástandinu? Þá er ég nú ekki að tala um að sleppa því að vera með bindi eða sleppa því að mæta í guðþjónustu við þingsetningu. Þið hafið verið ótrúlega fljót að aðlagast hinum flokkunum og  eru það mér vonbrigði með ykkur því að maður kaus ykkur með þeirri trú að þið mynduð breyta. Þið þessir 63 þingmenn þurfið að standa saman við að rétta þjóðarskútuna ekki eyða tímanum í þras um hver átti hugmyndina. Þú hefur nú verið til sjós og veist að þar þrasa menn um ákvörðunina heldur framkvæma það sem er best og allir sem einn.

[Kolbrún Heiða Valbergsdóttir, 7.7.2009 kl. 11:03]

Ólafur, fólk er ekki eingöngu að flýja atvinnuleysi heldur fyrst og fremst vonleysi. Ég hef enn vinnu en smátt og smátt hætta endarnir að ná saman og þá fer maður þar sem vonleysið er algjört. Svo finnst mér magnaðar ræðurnar um að fólk komi bara aftur seinna. Ef maður missir allt sitt í gjaldþrot og fer þá er nú ekki svo auðsnúið aftur. Ég býst við því að ef ég fer ekki að sjá vonarglætu þá pakki ég niður og gerist vesturfari (Kanada). Þá mun ég aldrei aftur snúa til Íslands nema sem túristi. Það er nokkuð ljóst.

[Viðar (IP-tala skráð) 7.7.2009 kl. 12:44]

Ólafur þú einfaldar málið allt of mikið. Það er mikið af ungu fólki sem er að flytja úr landi þar sem það er hræðilegt að horfa til næstu ára eða áratuga hérna. Þú getur verið með flotta vinnu en það breytir því ekki að skattar og verðlag eiga bara eftir að hækka. Ég hugsa að hver einasti Íslendingur sem er ekki búinn að veðsetja sig í botn er að hugsa um að flytja út. Kannski menn í þinni kynslóð horfi bara á atvinnuleysið, en ungt menntafólk sem hefur greiða leið að vinnu er að sækjast eftir lífskjörum. Eitthvað sem við erum ekki að sjá mikið af hérna á næstunni.

[Kristleifur S Brandsson, 7.7.2009 kl. 12:59]

Sveinn hinn Ungi segir:

"Landið og þjóðin toga síðan í flesta og fólkið kemur aftur þegar betur árar."

Þetta finnst mér dapurlegt hugarfar. Flýja skerið þegar á móti blæs en koma svo aftur þegar aðrir eru búnir að taka á sig skellinn og bjarga því sem bjarga verður.

Ég hef búið í Danmörku í þrjú ár og er á leiðinni HEIM!!

[Óskar Þorkelsson, 7.7.2009 kl. 13:54]

hetja eða fífl Kristleifur ? .. eða segiru ekki alla söguna ?

[Kristleifur S Brandsson, 7.7.2009 kl. 14:34]

Það er spurningin Óskar. Ég kalla fólk yfirleitt ekki fífl og vill helst ekki láta kalla mig fífl. Ég vona því að við séum bara báðir hetjur og að okkur farnist báðum vel. Þú flytur ÚT og ég flyt HEIM. Vegni þér vel á nýjum slóðum

[Kristbjörn Árnason, 7.7.2009 kl. 15:18]

Þú skrifar undarlega Þór Saari, það verð ég að segja.

Ég afrita þennan upphafstexta þinn:
„Áhugaverð frétt á RÚV um að 1.000 búslóðir hafi verið fluttar til útlanda fyrstu fimm mánuði ársins. Það gera um 10 búslóðir (sama sem 10 fjölskyldur) á dag hvern virkan dag vikunnar. Einnig fluttu 1.000 manns (íslenskir ríkisborgarar) til útlanda fyrstu 3 mánuði ársins. Það gera 17 manns á dag hvern virkan daga vikunnar“.

Þetta segir þú þingmaðurinn að sé áhugaverð frétt.  Ekki veit hvar þín ábyrgð er sem alþingismaður. Mér er sam þótt þú gasprir endalausa lönguvitleysu á þinginu og hvar annarsstaðar sem þú kýst.  En þar sem ert starfsmaður minn á Alþingi íslendinga hlýt ég að geta gert þá kröfu til þín, að þú takir þitt starf alvarlega og sinnir því af fullri ábyrgð.  

Mér lífsins óskiljanlegt að þér skuli finnast það áhugavert þegar þúsundir manna sjá sinn kost vænstan að flýja land, með öllum þeim erfiðleikum og sorgum sem því fylgir fyrir þessar fjölskyldur. Þú sem alþingismaður ættir að skammast þín og biðjast afsökunar.

Þó þú sért í stjórnarandstöðu á Alþingi íslendingar berð þú mikla ábyrgð og hluti af þinni ábyrgð felst í því að vinna heiðarlega og málefnalega.  Ég veit ekkert um heiðarleika þinn, en gasprið er yfirgengi-legt og afar ómálefnalegt.  Það er löngu ljóst, að þú ert enginn félagshyggjumaður heldur aðeins tækisfærisinnaður  gasprari. En ég veit að með þér í flokki er gott fóllk sem hugsar öðru vísi og vill vel. Mikil var  óhamingja þeirra að lenda með þér í þingflokki.

Þessi setning er slíkt bull, að það hálfa væri nóg:
„Stanslaus hræðsluáróður og óheilindi SJS og Jóhönnu í ICESAVE málinu verður dapurleg eftirskrift einhverrar verstu ríkisstjórnar sem land þetta hefur þurft að þola. Ríkisstjórn sem hefði svo vel getað gert miklu betur þrátt fyrir gríðarlegan vanda, hefur komið illa fram við almenning og er nú við það að staðfesta þrálátan orðróm um að vinstristjórnir eru óstjórnir“.

Þú veist um hvað ert að tala um með þessum orðum. Þetta er ekki fyrsta vinstristjórnin sem hefur orðið að hreinsa upp hroðann eftir hægri stjórnir á Íslandi. Þú veist vel hvaða stjórnmálamenn og stjórnmálaflokkar hafa komið þjóðinni í þennan vanda. Þú veist einnig að það eru ekki þeir flokkar sem fara með meirihlutann á Alþingi. Þú veist einnig að það eru þeir stjórnmálaflokkar sem hefur stutt í gegnum tíðina.

Það hefur til þessa, nákvæmlega ekkert innlegg komið frá þér til að leysa þessi vandamál sem þjóðin á í nú. Ekkert

Þú boðar það eitt, að þjóðin skelli sér í gjaldþrot

Hverjir sitja uppi með allt í fanginu? Jú það eru almennir launamenn sem eru með takmarkaða menntun. Háskólaborgararnir geta hlaupið hvenær sem er. Það eru einmitt sem væla nú. Fólkið sem verkamenn hafa borið á höndum sér allt þeirra líf. Fólk sem ekki þekkir erfiða lífsbaráttu.

[Héðinn Björnsson, 7.7.2009 kl. 15:35]

Við höfum valið milli þess að berjast að fara lengra inn á heiðina/byrja upp á nýtt í nýju landi með tvær hendur tómar. Báðir valkostirnir hafa kosti og galla og verður hver fyrir sig að meta slíkt fyrir sjálfan sig.

Sem samfélag verðum við líka að gera upp við okkur hvort við erum tilbúin að láta breyta Íslandi í 50-100 þúsund manna verstöð sem dælir öllum arðinum af auðlyndum landsins úr landi, eða hvort við erum tilbúin að taka slaginn við innlent og erlendt auðvald og byggja upp mun sjálfbærara samfélag sem tekur ábyrgð á því að sjá sér fyrir eigin nauðsynjum.

[Kristbjörn Árnason, 7.7.2009 kl. 15:36]

Þú skrifar undarlega Þór Saari, það verð ég að segja.

Ég afrita þennan upphafstexta þinn:
„Áhugaverð frétt á RÚV um að 1.000 búslóðir hafi verið fluttar til útlanda fyrstu fimm mánuði ársins. Það gera um 10 búslóðir (sama sem 10 fjölskyldur) á dag hvern virkan dag vikunnar. Einnig fluttu 1.000 manns (íslenskir ríkisborgarar) til útlanda fyrstu 3 mánuði ársins. Það gera 17 manns á dag hvern virkan daga vikunnar“.

• Þetta segir þú þingmaðurinn að sé áhugaverð frétt.  Ekki veit hvar þín ábyrgð er sem alþingismaður. Mér er sam þótt þú gasprir endalausa lönguvitleysu á þinginu og hvar annarsstaðar sem þú kýst.  En þar sem ert starfsmaður minn á Alþingi íslendinga hlýt ég að geta gert þá kröfu til þín, að þú takir þitt starf alvarlega og sinnir því af fullri ábyrgð.  

• Mér lífsins óskiljanlegt að þér skuli finnast það áhugavert þegar þúsundir manna sjá sinn kost vænstan að flýja land, með öllum þeim erfiðleikum og sorgum sem því fylgir fyrir þessar fjölskyldur. Þú sem alþingismaður ættir að skammast þín og biðjast afsökunar.

• Þó þú sért í stjórnarandstöðu á Alþingi íslendingar berð þú mikla ábyrgð og hluti af þinni ábyrgð felst í því að vinna heiðarlega og málefnalega.  Ég veit ekkert um heiðarleika þinn, en gasprið er yfirgengilegt og afar ómálefnalegt.  Það er löngu ljóst, að þú ert enginn félagshyggjumaður heldur aðeins tækisfærisinnaður  gasprari. En ég veit að með þér í flokki er gott fóllk sem hugsar öðru vísi og vill vel. Mikil var  óhamingja þeirra að lenda með þér í þingflokki.

Þessi setning er slíkt bull, að það hálfa væri nóg:
„Stanslaus hræðsluáróður og óheilindi SJS og Jóhönnu í ICESAVE málinu verður dapurleg eftirskrift einhverrar verstu ríkisstjórnar sem land þetta hefur þurft að þola. Ríkisstjórn sem hefði svo vel getað gert miklu betur þrátt fyrir gríðarlegan vanda, hefur komið illa fram við almenning og er nú við það að staðfesta þrálátan orðróm um að vinstristjórnir eru óstjórnir“.

• Þú veist ekkert um hvað þú ert að tala um með þessum orðum þínum. Þetta er ekki fyrsta vinstristjórnin sem hefur orðið að hreinsa upp hroðann eftir hægri stjórnir á Íslandi. Þú veist vel hvaða stjórnmálamenn og stjórnmálaflokkar hafa komið þjóðinni í þennan vanda. Þú veist einnig að það eru ekki þeir flokkar sem fara með meirihlutann á Alþingi sem hafa komið okkur í þennan vanda. Þú veist einnig að það eru einmitt þeir stjórnmálaflokkar sem hefur stutt í gegnum tíðina.

Það hefur til þessa, nákvæmlega ekkert innlegg komið frá þér til að leysa þessi vandamál sem þjóðin á í nú.  

• Ekkert

• Þú boðar það eitt, að þjóðin skelli sér í gjaldþrot

• Hverjir sitja þá uppi með allt í fanginu?  

•  Jú það eru almennir launamenn sem eru með takmarkaða menntun.

• Háskólaborgararnir geta hlaupið hvenær sem er.  

• Það eru einmitt þeir sem væla nú en ekki venjulegir launamenn.

• Fólkið sem verkamenn hafa borið á höndum sér þessa langskólagengnu mennallt þeirra líf.

Fólk sem ekki þekkir erfiða lífsbaráttu.

[Ína (IP-tala skráð) 7.7.2009 kl. 16:33]

Ekki gleyma því Þór að þú stendur ekki á Austurvelli lengur í mótmælastöðu. Nú ert þú þingmaður og þarft að bera þína ábyrgð sem alþingismaður. Ég stórlega efast um að þú gætir gert betur en Steingrímur og Jóhanna eru að reyna að gera. Ef þú værir í ríkisstjórn þá myndir þú ekki láta svona. Legg til að þið í stjórnarandstöðunni reynið að skríða upp úr drullupollinum og gera eitthvert gagn. Til þess voruð þið kosin.

[Hrafna (IP-tala skráð) 7.7.2009 kl. 16:53]

Mikið andskoti er ég orðin þreytt á þessum barnalegu rökum um að þetta sé ALLT fyrri ríkisstjórn að kenna og að þarmeð sé núverandi ríkisstjórn stikkfrí frá allri gagnrýni þarsem hún sé bara í sakleysi sínu að moka upp skítinn eftir aðra.   HVAÐA BULL ER ÞETTA ?

Er ekki komin tími til að ríkisstjórnin fari að sanna sig á sínum eigin verðleikum en miði sig ekki endalaust við það að einhver annar hafi mögulega verið verri eða gert meiri mistök?

Þetta er barnaleg þvæla og sæmir ekki fullorðnu, menntuðu fólki.  

Fyrir mitt leyti, þá hef ég hugsað mér að flytja.  Ekki vegna fyrri ríkisstjórnar og ekki vegna atvinnuleysis heldur vegna þeirra ÖMURLEGU framtíðarsýnar sem núverandi ríkisstjórn hefur sett upp.   Hækkandi bensínverð, hækkandi matvöruverð, hærri tekjuskattar, Icesave skuldabagginn ofl ofl ofl.....

Ég kæri mig ekki um að búa í vinstri sinnuðu, neyslustýringar og fyrirhyggulandi með stjórnvöld sem bera ekki hag þjóðar sinnar fyrir brjósti og gera EKKERT til að berjast fyrir sjálfstæði okkar.  NEI, leggjast flöt og reyna að skríða inn í ESB á milli höggana og sparkana sem dynja á okkur frá stóru þjóðunum. 

Svo er ENGINN í þessari ríkisstjórn sem svo mikið sem reynir að stappa stálinu í þjóðina eða gefa einhverja von um að hér sé framtíð fyrir ungt fólk.  Þvert á móti er allt gert til að ekki verði líft hérna í nánustu framtíð, hvort sem maður er námsmaður, atvinnulaus eða í vinnu.  Hvergi er von að sjá.

Ég gef stjórninni nokkra mánuði til að springa, ef ekki, þá er ég farin héðan.

[Sævar Einarsson, 7.7.2009 kl. 16:53]

Ína, hvernig er hægt að gera betur en þann landráðssamning sem SJ og JS viðrast ætla að berja sitt fólk til að samþykkja ? og Ólafur Ingólfsson, ég er alvarlega að íhuga brottflutning frá landinu og ástæðan er Icesave, ég neita alfarið að svo mikið sem 1 króna af mínum tekjum fari í að borga skuldir vegna Icesave.

[Sævar Einarsson, 7.7.2009 kl. 16:54]

Hjartanlega sammála þér Hrafna, sama á við um mig.

[Kristbjörn Árnason, 7.7.2009 kl. 17:45]

Biðjið bara Þór Saari um að stappa í ykkur stálinu.

Það er hans verkefni sem alþingismanns

[Jakob Andersen (IP-tala skráð) 7.7.2009 kl. 18:32]

Sammála Kristbjörn. Ekkert hefur komið frá Þóri. Bara læti og lyðskrum. Mér finnst hann eiga heima hjá frjálslyndaflokkinum.

[Júlíus Björnsson, 7.7.2009 kl. 20:58]

Mér lífsins óskiljanlegt að þér skuli finnast það áhugavert þegar þúsundir manna sjá sinn kost vænstan að flýja land, með öllum þeim erfiðleikum og sorgum sem því fylgir fyrir þessar fjölskyldur. Þú sem alþingismaður ættir að skammast þín og biðjast afsökunar.

Ég þekki persónulega 7 fjölskyldur, við erum í góðu netsambandi, komnar til Norðurlanda, og þær sakna alls ekki Smfo á Íslandi. Almenn kjör og aðbúnaður að almenningi mikið betra og réttlátari. Þetta eru ekki fræðingar eða ríkisstarfsmenn. Kaupgeta til að koma regluleg í heimsókn er mikil. Ég samgleðst. 

[Kristbjörn Árnason, 7.7.2009 kl. 21:46]

Sæll Júlíus.

Auðvitað samgleðst ég með þessum fjölskyldum ef þeim líður vel og afkoma öll góð. Við höfum lengi vita að öll kjör eru betri á Norðurlöndum heldur en hér á landi. Enkum hjá venjulegu launafólki með börn.

Þá er spurningin.

• Fóru þau út sem flóttafólk , út úr hreinni neyð?

• Eða var þetta þeirra val?  

[Júlíus Björnsson, 7.7.2009 kl. 22:07]

Þetta var þeirra val, neyðin var sterkari en biðin eftir réttlæti. Hvað eru 150.000 kr ísl. margar Danskar?

[Júlíus Björnsson, 7.7.2009 kl. 22:11]

EU tryggir mannauði Íslands jöfn tækifæri á öllu svæðinu. Standi auður undir nafni reddast þessir hlutir EU eðlilega og fjótt.  

[Einar Guðjónsson, 7.7.2009 kl. 22:24]

Hin sanna hetja hér er Kristleifur Brandsson.Hann er á leið heim í fátæktargildruna og

spillinguna.  

[Sigurjón Þórðarson, 7.7.2009 kl. 22:28]

Það er hálf ömurlegt að fylgjast með litlu köllunum í fjórflokknum beina spjótum sínum að þeim sem benda á sárar staðreyndir um íslenskt þjóðfélag s.s. spillinguna og þrengingar sem framundan eru.  Þetta minnir mig óneitanlega á þegar þingmenn Frjálslynda flokksins gagnrýndu forseta þingsins á sínum tíma.  Hún hafði stuðning þorra þingmanna til þess að leiða þingið, þrátt fyrir þá staðreynd að samráðssvik eiginmannsins hefðu beinst gegn stofnunum sem hún veitti pólitíska forystu sem dómsmálaráðherra. Ég minnist þess að þingmenn þáverandi stjórnarandstöðu fannst sumum að það væri dónaskapur að færa þetta í tal. 

Umræddir flokkar sem þá voru í sjónarandstöðu voru einmitt S og Vg og þess vegna kemur það mér ekkert á óvart þó svo að lítið sem ekkert gerist þó svo að spillingin hafi nánast sett landið á hausinn. 

[Styttingur (IP-tala skráð) 7.7.2009 kl. 22:47]

Ég hitti kunningja minn í dag, ágætan mann en með mjög sérstakar skoðanir á mörgum málum. Það er kannski þess vegna sem við erum ágætis kunningjar. Hann er einn af þessum mönnum sem skilja eftir spurningamerki í huga mínum í hvert skipti sem við hittumst.

Fljótlega eftir að við tókum tal saman spyr ég hann hvernig gangi í baráttunni. Hann svarar því þá til að hann sé að flytja til Svíþjóðar því hann sé búinn að gefast upp á þessari kreppu hér og vitlausum stjórnmálamönnum. Hann sjái ekkert nema svartnættið framundan. 2300 milljarðar og kröfur frá Hollendingum og Þjóðverjum uppá 600 milljarða til viðbótar. Allt of mikið til þess að við getum vænst nokkurs annars en síversnandi efnahags næstu 2 til 3 áratugina. Allt hnigni; skólakerfi, heilbrigðiskerfi og félagsleg þjónusta af öllu tagi. Allt sé að fara til helvítis og neðar ef til er.

Við erum náttúrulega sammála þessu í öllum megin atriðum.

“Annars er ég búinn að finna lausnina á þessu öllu saman” segir hann þá. NÚ?

Já öll Evrópa er í vandræðum, það er flóttamannavandi í Evrópu. Milljónir hælisleitenda út um alla Evrópu sem stjórnvöld eru í vandræðum með. Þýskaland, Frakkland, Belgía, Holland, Bretland og sem sagt öll Evrópulöndin stæðu frammi fyrir því að þangað sækti fólk sem leitaði eftir landvist af ýmsum ástæðum, sumt frá stríðshrjáðum löndum eða vegna fátæktar eða trúar eða stjórnmálaskoðana. Ekki væri hægt að senda þetta vesalings fólk til baka án þess að kanna mál þeirra betur og það tæki tíma. Margir mánuðir eða ár gætu liðið án þess að botn fengist í þeirra mál. Svo væri annað verra að mikið væri um að börn hyrfu úr þessum búðum einkum unglingsstúlkur. Mannsal, sagði vinur minn, það væri vaxandi vandamál sem meira að segja Svíar stæðu frammi fyrir. Þarna gerðist vinur minn dálítið ör, þegar að punktinum kom. Við tökum þetta fólk að okkur hér, við geimum þetta fólk fyrir stjórnvöld Evrópu á meðan málin eru í vinnslu í kerfinu hjá þeim. Hér höfum við landrýmið, við getum aukið matvælaframleiðsluna og nóg verður að gera í byggingastarfsemi fyrir okkur iðnaðarmennina. Félagsfræðingar, sálfræðingar, kennarar og fleiri fengju nóg að gera. Félaginn er farinn að stíga fram í fótinn þegar  annar félagi okkar kemur til að hlusta á fyrirlesturinn. Það batnar kannski ekkert ástandið hjá fólkinu í fjármálageiranum við þetta segir nýi hlustarinn, en það hefur kannski bara gott af því að taka aðeins í skóflu segir hann og kímir. Vinur minn lýtur hornauga til boðflennunnar.

Ríkisstjórnir Evrópu mundu taka þessu tilboði okkar fegins hendi sagði vinur minn alvarlegur á svipinn. Við mundum náttúrulega ekki taka við flóttafólkinu ókeypis, þeir þyrftu að borga meðlag, meðlag með hverjum einasta. Þetta sagði vinur minn og fór að stíga fram í fótinn aftur. Þetta mundi losa okkur undan þessum ábyrgðum á örfáum árum hélt hann áfram og þuldi upp margföldunartöfluna sinnum flóttafólk sinnum meðlag mínus húsnæði og klæði deilt með offramleiðslu á landbúnaðarafurðum og aukningu á öllum afleiddum störfum. Á þessum tímapunkti hætti ég að hlusta með athygli á vin minn og fór að hugsa sjálfstætt. Er þetta möguleiki? Ég eiginlega heillaðist svo að vini mínum, raunar ekki í fyrsta skipti, að detta annað eins í hug. Snilld tær snilld.

En það væri náttúrulega tryggilega gengið frá því í upphafi að flóttafólkið fengi aldrei varanlegan búsetu eða ríkisborgararétt hér sagði vinur minn og var nú farinn að taka um beltið sitt og halla sér aftur í bakinu.

[Jón M. Sigurðsson (IP-tala skráð) 8.7.2009 kl. 22:09]

Skil þetta fólk vel, flyt sjálfur út í ágúst enda ekkert hér að hafa.

[Júlíus Björnsson, 8.7.2009 kl. 22:37]

Ungafólkið sem hefur haft uppeldi hér eftir að EU þjóðfélagsreglukerfið, býr ekki að sama minninga banka og við sem eldri erum  og jafnaldrar mínir í EU öfunda mig af. Þess vegna er ekkert sem heldur í unga Íslenska alþjóðasamfélagið: fjölmenningarsamfélagið á kostnað best Íslensku menningarinnar. Munur er engin og tekjurnar hærri á meginlandinu. 

Framtíð stjórnmálmanna endurreisa sníkjuauðmagnskerfið með meira sníkju-auðmagni, iðjuverum, lávörubúðum og undirmáls launtöxtum allra stétta  á EU mælikvarða.

Það er ekkert sem heldur nema vani aldursins og eignir þeirra sem eiga ennþá.

Það var búið að vara sossanna við þessu en fílbeinsfræðingarnir meðtaka ekki rök ef standa ekki í kennslubókum.

Í upphafi skyldi endinn skoða hvað varðar innlagnir. Innræting endist betur og vex.

[Þórður Björn Sigurðsson, 9.7.2009 kl. 00:29]

,,Flestir eru sælir í þeirri leyndu hugsun, að þeir séu vitrari og betri en aðrir menn. Það kalla þeir fágaða siðmenningu. Ég kalla það siðmenningu varanna. Þótt ég tali margt um ágæti verka minna, hefi ég alltaf skoðað mig aumasta smælingjann meðal hinna smæstu, mesta heimskingjann meðal hinna heimsku, versta syndarann meðal hinna breysku. Það kalla ég siðmenningu hjartans."

- Þórbergur Þórðarson, Bréf til Láru

[Rósa Aðalsteinsdóttir, 9.7.2009 kl. 01:39]

Sæll og blessaður

Þetta eru hræðilegar fréttir að fólk sé að flýja þessa Guðsvoluðu eyju á sama tíma og Jóhanna var búin að lofa að slá skjaldborg um heimilin. það hefur hún ekki staðið við.

Fyrirtæki fara á hausinn, fólk missir atvinnuna og á sama tíma eiga eru skattar hækkaðir á fyrirtækin og einstaklingana. Ég fæ ekki lausn á þessu dæmi nema = tómamengi, rugl og aftur rugl.

Ég vona að þessi stjórn verði ekki langlíf.

Guð veri með þér baráttujaxl.

Kær kveðja/Rósa

[Júlíus Björnsson, 9.7.2009 kl. 10:07]

 Þetta er þýðing úr frönsku. Sem ekki er hægt að falsa. Franskt lagamál er búið að vera vel skilgreint í meir en 300 ár.

Þar eð þessi tilskipun getur EKKI skuldbundið meðlimaríkin eða lögmæt yfirvöld þeirra hvað varðar innlánara, úr því að þau hafa séð um stofnun eða opinbera viðurkenningu  eins eða fleiri kerfa sem ábyrgjast innistæðurnar eða lánastofnanirnar sjálfar og tryggja skaðbætur eða vernd innlánaranna í aðstæðum sem þessi tilskipun skilgreinir;

[Einar Björn Bjarnason, 10.7.2009 kl. 14:38]

Ég hvet alla, til að lesa, nýjustu hagspá Framkvæmdastjórnar Evrópusambandsins:

http://ec.europa.eu/economy_finance/publications/publication15487_en.pdf

Spá Framkvæmdastjórnarinnar, er að:

• kreppan, skapi varanlegt efnahagslegt tjón fyrir hagkerfi Evrópu. Það tjón, vinnist aldrei til baka. Þegar ég las þetta, úr þeirra eigin skýrlsu, takið eftir. 
• tjónið, er einnig mjög alvarlegt, vegna fólksfjölda-þróunar, innan aðildarlandanna, þ.s. fækkun vinnandi handa, er við það að fara af stað. Áhrif þeirrar þróunar, draga einnig úr langtíma-hagvexti.
• vek athygli á bls. 47, þ.s. borið er saman 'rebound', 'lost decate' og 'permanent shock'. Ég bendi á, að miðspáin, er 'lost decate'.
• ef þetta er ekki nóg, mun kreppan auka, 'structural unemployment'. Spáin, er að það muni taka 'ár' að vinna úr því, tjóni, einu sér.
• til viðbóta við allt, þett: mjög alvarleg skuldaaukning, ríkissjóða landanna.

Ég þarf ekki, að segja meira. Lesið þetta sjálf.

Hvað þýðir þetta fyrir Íslands? Augljóslega, gerir þetta það minna 'attractive' að ganga í ESB. Einnig, þ.s. ESB kaupir mest af því sem við flytjum út, þarf að reikna niður væntingar, um efnahagsþróun hérlendis.

Núgildandi spár, eru greinilega allt og bjartsýnar; sem gera ráð fyrir að hagvöxtur fari af stað af krafti, þegar á næsta ári. 

Kv.

[Sævar Finnbogason, 10.7.2009 kl. 20:58]

Já Þór hér er einmitt mergurinn málsins, það er "mórallinn" Ríkisstjórnin hefur eins og þú segir EKKERT gert til að auka fólki bjartsýni, heldur þvert á móti.

Ef hagfræðin segir okkur eitthvað um það hveð skipti máli við að komast út úr kreppu er það það að tvennt

1. Forðast "Brain drain" þ.e.a.s flótta ungs og hæfileikaríks fólks frá landinu. Enda er það það fólk sem mest þarf á að halda við að byggja upp. Það verður ekki gert eingöngu með físki á Íslandi

2. Huga að menntakerfinu og frekar efla það en veikja. Þannig má gefa þeim sem missa vinnu tækifæri til að bæta þekkingu sína. Á þessu græðir svo þjóðin þar sem þetta fólk "skemmist ekki" af atvinnuleysi, heldur verður enn betra vinnuafl. Að auki verða mun minni félagsleg vandamál í fjölskyldum námsmanna en atvinnulausra, þetta sýna kannanir og reynsla annarra (t.d. finna og svía)

[Þórbergur Torfason, 12.7.2009 kl. 02:14]

Mér er óskiljanlegt hvaða bjartsýni á að auka hjá fólki í þessu landi. Viljiði að einhver hagfræðingurinn setji upp eitt dæmið enn þar sem færð eru rök fyrir því að ekki þurfi að standa skil á spilaskuldum spilafáráðlinganna sem spiluðu öllu úr höndum þjóðarinnar í skjóli Sjálfstæðismanna og Framsóknarmanna. Skelfilega lífsýn hefur það fólk sem trúir blint á töfrabrögð hagfræðinga sem margit hverjir tóku fullan þátt í hrunadansinum og geta ekki með nokkru móti vikist undan því.

Ja þvílík menntun hagfræðin.

[Júlíus Björnsson, 12.7.2009 kl. 03:14]

Hagstjórn þegnanna er alltaf stjórnmálaleg í sjálfum sér og engin raunvísindi samanber söguna. Þau fræði sem hluta henni kallast hagfræði. Fræðigrein eins og félagsfræði sem vinnur fyrir ríkisstjórnir og nú alþjóðafjármálastofnanna ríkisstjórna.

Ein staðreynd frá hagfræði götunnar er þegar samdráttur byrjar í efnahagskerfinu er viðbrögð almennings á meginlandi Evrópu og í Arabaheiminum og Asíu þekkt. Hann byrjar að draga saman, þeir sem geta fjárfesta í gulli og eðalsteinum. Færir sig niður verðflokka. Þetta er eitt stærsta vandamálið þarna megin því ekki trúir á það að hjólin fari að snúast nema eitthvað stórkostlegt gerist af sjálfum sér, kynslóðirnar reynslunni ríkari af úrræðaleysi elítunnar sem aldrei missir spón úr aski.

Svo virðist sem USA kemur henni að sjálfsögðu best geri allt til að hækka hagvaxtarmeðtal heimsins. EU er neikvætt en meðalatalið hefur stígið úr um 1,8% í 2,2%. frá því um áramót. Skýringin uppgangur í Kína og Indlandi. M.ö.o. EU heldur áfram að falla.

Á svæðum þar sem kaupmáttur eru 10 dollarar og hækkar um 1 Dollar þá er það 10% aukning.

Á svúm þar sem kaupmáttur er 100 dollarar og hækkar um 10 Dollara þá er það 10% aukning.

Hinsvegar eru 10 Dollar 1000% hærri en 1 Dollar.

Það er ódýrara að hækka meðtal heimsins með því að beina reiðfé [súrefni] í formi fjárfestinga á svæði lítils kaupmáttar.

Indland og Kína eru helstu innflutnings aðilar USA.   

Hvaða hagfræðingur [að hagfræðinga ættum undanskildum] skilur ekki að EU er hrunin tæknilega. Segja upp EES en ekki einangrast meira með innlimun í EU. Nóg hefur áhættan kostað.

[Sævar Finnbogason, 12.7.2009 kl. 17:19]

Já þórbergur, eins og Júlíus bendir á eru hagfræðin eingin náttúruísindi og ættu að mínu mati að taka mið af vilja fólksins frekar en að fólkið ætti að beygja sig undir vilja "hagfræðanna"

Auðvitað verðum við samt að muna að það voru fjarri allir hagfræðingar með í hrunadansinum hér, þeir sem vöruðu við voru bara kallaðir úrtölumenn eða rægðir og reknir útá jaðarinn. Það vildi bara enginn hlusta á þá, það á líka við um almenning sem hafði það svo gott að hann lagði skynsemina til hliðar til að geta tekið þátt í eyðslufylleríinu af fullum krafti.

Staðreyndin er sú að mínu mati að Hagfræðin er hrokafyllsta fræðigreinin í dag og að mörgu leyti stórhættuleg. Hún er það vegna þess að hagfræðingar sem eru tilbúnir til þess að gleypa hægrisinnaðar hagfræðikenningar hráar fá að vaða uppi og valda ómældum skaða, sjá þá sem voru mest áberandi á meðan þenslan gekk yfir hér. Tryggvi Þór Herbertsson, hagfræðiprófessos var til að mynda forstjóri Askar Capital, önnum kafinn við að fjárfesta bótasjóði Sjóvár og notaði frítímann til að segja Lífeyrissjóðum að þeir ættu alls ekki að fjárfesta siðferðilega! stuttu síðar var hann orðinn efnahagsráðgjafi ríkisstjórnarinnar á úrslitaaugnabliki í sögu hennar, ótrúlegt rugl.

Meira um TÞH  hér: http://savar.blog.is/blog/savar/entry/901581/

Auðvitað er það fjámálakefi eða viðskiptaumhverfi í þeirri mynd sem það er í dag ekkert náttúrulögmál, heldur mannanna verk. Og þess vegna reka AGS (IMF) og World Bank gríðarlega endurmenntun fyrir hagfræðinga (mætti líka kalla heilaþvott, þar sem með þessu eru þessir hagfræðingar í raun forritaðir í "kerfið")

AGS hefur til að mynda "forritað" hátt í 40.000 hagfræðinga á þennan máta. Fyrir utan það eru hagfræðingar ráðnir í tímabundin verkenfi og ná þeir þannig að "co-opt" eða innlima gríðarlegan fjölda.

[Einar Björn Bjarnason, 12.7.2009 kl. 21:36]

Framtíð hagvaxtar í Evrópu

Glæný hagspá er kominn frá Framkvæmdastjórn Evrópusambandsins, en einnig Alþjóða Gjaldeyris-Sjóðnum.

"Directorate General for Economic Affairs: : Quarterly Report"

"IMF : Recession Loosens Grip But Weak Recovery Ahead "

Fyrst, spá Alþjóða Gjaldeyris-sjóðsins:

Eins og sést af tölunum, inni í bláa rammanum, þá er AGS (IMF) búið að lækka hagspá sína fyrir Evrópu. Núnar, er spáin, að kreppan á Evru svæðinu, nái ekki botni, fyrr en á næsta ári. Með öðrum orðum, enginn hagvöxtur á næsta ári, eins og áður var spáð. Í öðrum samanburðarlöndum eða svæðum, virðist kreppan hafa náð botni í ár, og er spáðin að hagvöxtur hefjist á næsta ári. 

Útkoman virðist vera svo, að ekkert svæði í öllum heiminum, komi ver út, af þeim sem eru í samanburðinum, heldur en Evrusvæðið. Ég er hér, ekki með nein sérstök svör um 'af hverju' - einungis að benda, á hver rás atburða virðist vera.

Sannarlega, er útkoman mismunandi, fyrir einstök ríki Evrusvæðisins - Frakkland, virðist vera t.d. undantekning, og skv. spá AGS hefst hagvöxtur þar á ný, þegar á næsta ári. En, meðaltónninn, er klárlega, samdráttur einnig á næsta ári, þó minni en á þessu. Hagvöxtur, hefst því ekki, að meðaltali á Evrusvæðinu fyrr en 2011.

Spá Hagfræðisviðs-Framkvæmdastofnunar Evrópusambandsins:

Samkvæmt þessari spá, eru afleiðingar heimskreppunnar, á Evrópu, miklu mun alvarlegri, en ég hélt; en taldi ég þó þær alvarlegar fyrir.

Eins og sést, á spánni fyrir restina af árinu, er gert ráð fyrir að meðal samdráttur fyrir sameiginlegt hagkerfi ESB, verði 4%, á þessu ári. Ljóst er af tölunum, að Evrópa, er í bullandi kreppu þetta árið.

p. 10                                          2009   2010

GDP                                             -4.0     -0,1

Private consumption                    -0,8    -0,3

Government consumption           -4,2   

Gross fixed capital formation      -8,1

Exports of goods and services  -13,5

Imports of goods and services  -10,5

Samkvæmt skýrslunni, hefur heldur dregið úr bankakrísunni, sem hratt kreppunni af stað, og kreppan í dag, sé nú að stærstum hluta samdráttur hagkerfanna sjálfra, sem sé afleiðing tjónsins, á hagkerfunum sem bankakreppan orsakaði. Bankarnir, séu þó enn í mjög viðkvæmri stöðu, einkum hvað varðar hátt hlutfall af slæmum lánum, sem mun þurfa að afskrifa.

"Overall, the most acute phase of the crisis in the banking sector has now receded, but the situation remains fragile. Euro-area banks are still highly leveraged and persistent concerns about the quality of their assets have fuelled fears about the overall health of their balance sheets. Additional problems for banks have emerged as the financial crisis has extended to the real economy. The operating environment for banks is likely to remain challenging, in particular in respect of credit losses linked to their loan portfolios."

Áhugavert, er að skoða kostnað stjórnvalda, af endurreisn banka, í samanburði milli landa innan ESB, sem hlutfall af Vergri Þjóðarframleiðslu (VÞF).

Austria             32,8

Belgium           79,2

Cyprus              0

Germany         23,2

Greece            11,4

Spain              12,1

Finland           27,7

France            18,1

Ireland        230,3

Italy                1,3

Luxemburgh  19,3

Malta               0

Netherlands  52,2

Portugal       12,5

Slovenia       32,8

Slovakia         0

Euro Area    24,6

EU 27          30,5%

Hallarekstur og skuldaaukning

Kreppan í Evópusambandinu, hefur valdið mikilli aukningu á hallarekstri ríkissjóða meðlima landanna, og mun skuldaaukning af þessa völdum, á komandi árum, bætast ofan á þá skuldaaukningu sem orsakaðist ef fjáraustri til að bjarga bönkunum. Forvitnilegt, er að skoða yfirlit yfir halla af ríkissrekstri, hjá meðlimalöndum ESB, sem hlutfall af landsframleiðslu, áætlun fyrir árin 2009 og 2010.

                       2009 2010 

Belgium           -4.5   -6.1

Denmark         -3.9   -5.9 

Ireland          -12.0 -15.6

EL                   -5.1   -5.7

Spain              -8.6   -9.8

France            -6.6   -7.0

Italy               -4.5   -4.8

Cyprus           -1.9   -2.6

Luxemburgh   -1.5  -2.8

Malta              -3.6  -3.2 

Netherlands   -3.4  -6.1

Austria           -4.2  -5.3

Portugal         -6.5  -6.7

Slovenia         -5.5  -6.5

Slovakia         -4.7  -5.4

Finland           -0.8  -2.9

Euro Area       -5.3  -6.5 

Næst, er forvitnilegt, að bera saman, spá um skulda-aukningu, á þessu ári og hið næsta, sem hlutfall af VLF.

                       2008  2009  2010 

Belgium            89.6   95.7  100.9

Denmark          65.9   73.4    78.7

Ireland             43.2   61.2    79.7

EL                    97.6 103.4  108.0

Spain               39.5   50.8    62.3

France             68.0   79.7    86.0

Italy               105.8 113.0  116.1

Cyprus             49.1  47.5    47.9

Luxemburgh    14.7  16.0    16.4

Malta               64.1  67.0    68.9

Netherlands    58.2  57.0    63.1

Austria            62.5  70.4    75.2

Portugal         66.4  75.4     81.5

Slovenia         22.8  29.3     34.9

Slovakia         27.6  32.2     36.3

Finland           33.4  39.7    45.7

Euro Area      69.3 77.7  83.8

Verða afleiðingar kreppunnar, varanlegar?

Samkvæmt rannsóknum á kreppum, þá hefur kreppa sem byrjar sem fjármálakreppa alvarlegri afleiðingar, en kreppur af öðrum rótum: "Financial crises are deeper and last longer than other recessions……and they tend to have a permanent negative effect on the level of output."

Kreppan er talin munu orsaka, að það muni draga úr hæfni hagkerfa Evrópu til hagvaxtar (growth potential) vegna aukningar á fjölda varanlega atvinnulausra og vegna þess, að fjármagn muni ekki skila sér til hagvaxtar með eins skilvirkum hætti og áður.

Potential Growth Stuctural unemployment Investment ratio as percentage of output

2007  1,8%                   8,7%                                       8,7%

2008  1,3%                  9,0%                                        9,0%

2009  0,7%                 9,7%                                         9,7%

2010  0,7%                10,2%                                        10,2%

Helmingun, hæfni hagkerfanna, til að vaxa - jafnvel þó hún sé einungis tímabundin, er að sjálfsögðu alvarlegur hlutur. Það sem þetta þýðir, að þó svo að kreppan taki enda, þá muni fylgja henni, nokkur ár í viðbót þ.s. hagvöxtur verður skaðaður, þ.e. minni en hann var fyrir kreppu.

Líklegast er talið "A sharp drop in potential growth in the short term……followed by a slow return to pre-crisis potential growth". Með öðrum orðum, að hagkerfi Evrópu, muni ná sér á endanum, af afleiðingum kreppunnar, þó það muni taka nokkur extra ár, eftir að hinni eiginlegu kreppu líkur.

Niðustaða, Framkvæmdastjórnarinnar, er þó að skaðinn verði varanlegur, í þeim skilningi, að hagkerfi Evrópu muni aldrei ná þeim stað, þ.e. ríkidæmi, sem þau hefðu náð, ef kreppan hefði aldrei orðið.

Framkvæmdastjórnin, varar þó við, að þó hún á þessum tímapunkti telji líklegra en ekki, að hagkerfi Evrópu nái aftur þeirri hæfni til hagvaxtar, sem þau höfðu fyrir kreppu, þá sé það alveg hugsanleg að minnkun hæfni til hagvaxtar, muni reynast varanleg, þ.e. "Risks of a permanent downshift in potential growth should not be played down." Á þessum tímapunkti, sé það einfaldlega ekki vitað, hvor útkoman verði reyndin.

Áhrif óhagstæðrar mannfjöldaþróunar

Eins og margir vita, þá stefnir í fólksfækkun í flestum löndum Evrópu, þ.s. konur eignast færri börn en þarf til, að halda fólksfjölda í horfinu. Afleiðing þessa, er smám saman að verða sú, að það fækkar í þeim aldurshópum sem eru að koma nýir inn á vinnumarkaðinn. Á sama tíma, smám saman eldist restin af fólkinu. Það kemur síðan að því, að þeir sem ekki eru á vinnandi aldir, þ.e. annaðhvort of ungir eða og gamlir til að vinna, verða fleiri en þeir sem í dag, er á vinnandi aldri. Ein afleiðingin, er sú, að það dregur úr hæfni hagkerfanna smám saman, til hagvaxtar.

"The projections show a significant reduction in the population aged 15-64 (from 2010 - 2060) …… and an increase in the number of elderly persons aged 65 or more…… leading to a doubling of the old-age dependency ratio in the euro area" - "The largest increase is expected to occur during the period 2015-40. This means that the euro area would move from having 4 persons of working-age for every person aged over 65 to a ratio of only 2 to 1. When adding the number of children to the calculation, the ratio of dependent to active is projected to rise by about 50%."

Afleiðingin, verður ekki eingöngu, að hæfni hagkerfanna til hagvaxtar minnkar, heldur gerist það einnig að kostnaður af því að halda uppi fólki, sem ekki er vinnandi, cirka tvöfaldast.

"Even without incorporating the potential negative impact of the current economic crisis, the annual average potential GDP growth rate in the euro area is projected to fall from 2.2% in the period 2007-2020, to 1.5% in the period 2021-2030 and to a meagre 1.3% in the period 2041-2060."

Aukinn kostnaður, af uppihaldi þeirra sem ekki eru vinnandi, ásamt því að hæfni hagkerfanna til hagvaxtar minnkar, gerir það að verkum að mjög erfitt verður fyrir ríkin - ef þau á sama tíma, þurfa einnig að standa undir verulegri skuldabyrði. Ríkin eru í dag, rekin með verulegum halla, og þau skulda núna, af völdum kreppunnar mörg hver umtalsvert, og framtíðin virðist bera í skauti sér, fátt annað en auknar byrðar og einnig aukinn kostnað; á sama tíma og tekjur skreppa saman. Rekstru ríkjanna, á því greinilega eftir að verða mjög snúinn.

Víxlverkun kreppunnar við fólksfjöldaþróun

Þrem möguleikum er velt upp:

• "permanent shock"
• "lost decade",
• "rebound"

Í 'rebound' þá kemur hagkerfið sterkt inn, í kjölfar kreppunnar, og nær að vinna upp tapið af kreppunni að fullu á stuttum tíma.

Í 'lost decate' þá tekur það hagkerfið nokkur ár að aflokinni kreppu, að ná sér á ný, þarf að takast á við nokkur ár þ.s. hagvöxtur er tiltölulega hægur, en nær síðan aftur fyrri hæfni til hagvaxtar. En afleiðing þess, er að ekki næst að vinna upp tapaðann hagvöxt af völdum kreppunnar.

Í 'permanent shock' þá nær hagkerfið sér aldrei almennilega á strik aftur, og lækkun getu hagkerfisins til hagvaxtar verður varanleg.

                  2010 2015 2020 2040 2060
Rebound       -3    -5        0      0       0
Lost decade  -3    -7      -8     -8      -8                                                                     Permanent                                                                                                                        shock            -3    -7     -10   -14    -18

Einungis 'rebound' mun ekki skaða getu ríkjanna, til að fást við kostnaðar-auka, af völdum fólksfjöldaþróunar. Í 'lost decade' verður skaðinn, einungis af töpuðu árunum. En, í 'permanent shock' muni bilið jafnt og þétt breikka, í samanburði við aðstæður ef kreppan hefði aldrei orðið.

Þeir, af þessum sökum, leggja áherslu á:

"(i) reducing debt at a fast pace;

(ii) raising employment rates and productivity; and

(iii) reforming pension, healthcare and long-term care systems. "

Þeir eru, með öðrum orðum, að reyna að hvetja ríkisstjórnirnar til dáða. Eins og áður er fram komið, er 'lost decade' talin líklegasta útkoman, eins og málum er háttað í dag. 

Ef svo verður, þá enda slæmu árin mjög óþægilega nærri þeim tíma, þegar reiknað hefur verið út fyrir löngu, að geta þjóðanna til hagvaxtar, fer að skreppa saman, af völdum fólksfjölda-þróunar, þ.e. eftir 2020; þ.s. í dag, er eftir allt saman, 2009 og ljóst er orðið, að hagvöxtur mun ekki hefjast að meðaltali á Evrusvæðinu fyrr en 2010. Þannig, ef það er svo 'lost decade' þaðan í frá. Ég, held að málið sé alveg krystal klárt.

Niðurstaða

Ríki Evrópu, eru þegar í dag, komin óþægilega nærri þeim tíma, þegar hagvöxtur í ríkjum Evru svæðisins, mun byrja að skreppa saman, af völdum fólksfjölda-þróunar; þ.e. eftir 2020. Kreppan nú, getur því vart komið á verri tíma. 

Glataður hagvöxtur, af völdum kreppunnar, og einnig, auknar skuldir; geta ekki annað, en gert ríkjum Evrusvæðisins, enn erfiðara en áður var búist við, að aðlaga sig þeim breytingum sem munu óhjákvæmilega eiga sér stað.

Hætta, er veruleg, að  kreppan muni, leiða löndin út í sund vaxandi skulda og vaxandi efnahagslegs vanmáttar, sem engin auðveld leið verður út úr.

Þetta skiptir okkur miklu máli, einnig; þ.s. nú um þessar mundir stefnir í að teknar verði mikilvægar ákvarðanir, þ.e. um aðild að ESB eða ekki.

Ljóst verður að teljast, að sú slæma þróun, sem talin er líklegust og einnig, sú verri sem talin er mjög möguleg; getur ekki annað en gert, aðild að Evrusvæðinu, minna áhugavert fyrir okkur, en áður var talið.

Kv.