Þinghúsbréf 17

Þingið kom saman í dag eftir tveggja vikna hlé sem var notað til nefndarfunda.  Þinginu er haldið í gíslingu og fær ekki sumarfrí (né starfsfólk þingsins) vegna ICESAVE, þessa helsta hugðarefnis ríksistjórnarinnar nú þegar ESB er búið.  Vandi heimilanna og fyrirtækjanna skiptir ekki máli þar á bæ frekar en fyrri daginn.

Hvað um það, í dag afgreiddum við m.a. frumvarp um meðhöndlun úrgangs (mál nr. 4) og um eiturefni og hættuleg efni (mál nr. 3), hmmm........

Svo var kosið í stjórn Seðlabankans, landskjörstjórn, yfirkjörstjórnir og nefnd um erlenda fjárfestingu. Við fengum einn (eina) í nefnd um erlenda fjárfestingu, Björku Sigurgeirsdóttur frá Egilsstöðum sem var á lista í NA kjördæmi. Einn aðalmann í yfirkjörstjórn SV kjördæmis, Hörð Ingvaldsson sem var umboðsmaður okkar á kosninganótt og á lista í kjördæminu, einn varamann í yfirkjörstjórn í Reykjavík suður, Grétar Einarsson (held ég) sem var umboðsmaður okkar þar á kosninganótt. Þessi tvö kjördæmi voru þau sem stöðvuðu framboðið á sínum tíma þannig þetta er að einhverju leiti sigur þar. Við hins vegar mótmæltum þessum kosningum öllum í þinginu í dag, þ.á.m. í Seðlabankann og landskjörstjórn en þar fegnum við engan.  Við áttum að fá mann (Þráinn) í Þingvallanefnd en hann hafnaði því.  Í Seðalbankann voru svo að sjálfsögðu valdir traustir flokksdindlar eða afdankaðir pólitíkusar, enn einu sinni,  Isss......

Við krefjumst að hver flokkur fái a.m.k. einn í hverja yfirkjörstjórn hvers kjördæmis og að ný framboð fái einnig að koma að borðinu og sama á við um landskjörstjórn.  Það er hins vegar ekki mikill áhugi á því hjá fjórflokknum sem skammtaði sjálfum sér þessi völd, völd sem má misnota til að stöðva framboð eins og reynt var við okkur.  Isss.....

Það hrikalega er að þingmönnum virðist vera alveg nákvæmlega sama og þrátt fyrir 23 nýja þingmenn á þingi, fyrir utan okkur, eru þeir allir steyptir í sama fjórflokka mótið.  Jæja, þetta var dagur úrgangs, eiturefna og taps fyrir lýðræðið á hinu háa Alþingi okkar.  Kannski skánar þetta einhvern tímann.

Sjá hér athugasemdir okkar við kosninguna:

http://www.althingi.is/altext/hlusta.php?lidur=lid20090811T140342&end=20090811T140608&horfa=1

http://www.althingi.is/altext/hlusta.php?lidur=lid20090811T140806&end=20090811T140950&horfa=1

http://www.althingi.is/altext/hlusta.php?lidur=lid20090811T140952&end=20090811T141134&horfa=1

Athugasemdir

[Rakel Sigurgeirsdóttir, 11.8.2009 kl. 23:16]

Þór! Það er gott að þið eruð komin með Björk Sigurgeirsdóttur í nefnd fyrir ykkur. Mér skilst að þar sé hörkukona á ferð En hún var í framboði hér í NA en ekki í NV. Skipaði annað sætið á listanum hér. Og svo þar sem ég er byrjuð á ábendingunum þá má ég til að benda þér á að krækjan sem þú hlýtur að hafa ætlað að setja í lok færslunnar er enn undir borðinu. Hún er a.m.k. ekki sýnileg

[Þór Saari, 11.8.2009 kl. 23:26]

Þú ert allt of snögg.  Búinn að leiðrétta þetta með Björku og linka okkur þrjú í mynd.  Gersovel.

[Rakel Sigurgeirsdóttir, 11.8.2009 kl. 23:35]

Þetta er miklu betra svona en svo ég víki aðeins að innihaldinu sjálfu, sem er auðvitað aðalatriðið, þá er ég mjög sátt! Þið þrjú sýnið alveg ótrúlegan styrk og dugnað í því stormviðri sem ykkur er búið um þessar mundir.

[Hjörtur Hjartarson (IP-tala skráð) 12.8.2009 kl. 00:00]

Ekki datt mér í hug annað en einn frá hverjum flokki ætti sæti í hverri yfirkjörstjórn. Svo er sem sagt ekki - og þarf ekki frekari vitna við um ásigkomulag þessa ömurlega flokkakerfis sem komið hefur þjóðinni þrot.

Við þurfum að ýta því gamla til hliðar og byggja nýtt. Það er alveg klárt. 

[Jóna Kolbrún Garðarsdóttir, 12.8.2009 kl. 01:26]

Þið þrjú eruð að standa ykkur mjög vel.  Hvað með viðsnúninginn vegna IceSave að kjósa með IceSlave með fyrirvörum?  Þarf ekki að hafna IceSlave alfarið?  Er það ekki í stefnuskránni? 

[Rakel Sigurgeirsdóttir, 12.8.2009 kl. 02:57]

Hefur það komið fram einhvers staðar að þingmenn Borgarahreyfingarinnar ætli að greiða atkvæði með Icesave-samningunum?!

[Þór Saari, 12.8.2009 kl. 07:32]

Við höfum unnið í að ná inn stefnu Borgarahreyfingarinnar í ICESVAE málinu.  Það hefur þokast eitthvað, og í raun all nokkuð.

Í 6. grein segir:

Strax verði hafist handa við að meta heildarskuldir þjóðarbúsins og að því loknu gert upp við lánardrottna eftri bestu getu og skynsemi.  ICESAVE reikningar Landsbankans og aðrar skuldir bankanna erlendis verði ekki greiddar fyrr en álit óháðra sérfræðinga liggur fyrir um skyldur Íslands og m.t.t. þess að sennilega hafi verið um svikamyllu að ræða en ekki eðlilega bankastarfsemi.  Rannsakað verði hvað varð um allar innlagnir á reikningana, fjármunirnir sóttir og þeim skilað til eigenda.  Stjórnendur og eigendur bankanna verði gerðir ábyrgir fyrir því sem vantar upp á.  Samið verður um það sem út af stendur og reynt að fá þær skuldir niðurfelldar.  Samhliða því verði gefið loforð um framlag af hálfu Íslands sem nemi 2% af VLF renni til þróunaraðstoðar á ári næstu tíu árin til að sýna góðan vilja íslendinga til að verða ábyrg þjóð meðal þjóða.

[Sigurður Þórðarson, 12.8.2009 kl. 09:48]

Ég tek undir með Jónu Kolbrúnu um að þið þrjú eruð að standa vaktina ykkar virkilega vel. Hvernig dettur mönnum í hug eftir það sem undan er gengið að reyna ekki að láta fagleg sjónarmið ráða kosningu í stjórn seðlabankans?

[Ægir Óskar Hallgrímsson, 12.8.2009 kl. 10:37]

2% af VFL..ef við reiknum 1.5% hagvöxt gæti þetta verið í kringum 35-40 milljarðar.

[Sigurður Sigurðsson, 12.8.2009 kl. 11:20]

Þór - þið verðið einfaldlega að fella þennan samning - sem er ekkert annað en ofbeldisgjörð af hálfu Breta og Hollendinga.

Í framhaldinu verður að semja upp á nýtt við þessar þjóðir.  Enda sýnist mér nú hlutirnir vera farnir að snúast hjá þeim eins og sjá má í leiðara Financial Times í dag.  Þar virðast þeir vera að átta sig á því að þessi kúgunarsamningur sé bæði einhliða og óréttlátur og þjóðunum beri að semja upp á nýtt við okkur.

Þó að ég hafi ekki stutt Borgarahreyfinguna vil ég samt hér þakka ykkur (3) fyrir afstöðuna til ESB um daginn, þar sýnduð þið mikinn manndóm og ljóst er að þið berið hag Íslands og Íslendinga fyrir brjósti.

[Gísli Ingvarsson, 12.8.2009 kl. 16:03]

'Vandi heimilanna og fyrirtækjanna skiptir ekki máli þar á bæ frekar en fyrri daginn.' Mér finnst nú ekkert skrítið þó öll önnur verkefni bíði á meðan verið er að komast að samkomulagi um IceSafe samninginn. Það fer eftir niðurstöðunum í því umdeilda máli hvernig verður hægt að snúa sér að 'vanda heimilanna'. Mér finnst það fífldirfsaka að henda þessum samningi á haugana. Það er hinsvegar þingsins að ákveða það en ekki mitt.

[Sverrir Þór (IP-tala skráð) 12.8.2009 kl. 22:59]

Mig langar að vita flatt út hver er þín afstaða: munt þú greiða já við Icesave : eða nei við Icesave ?

[Bjarni (IP-tala skráð) 12.8.2009 kl. 23:04]

Þú hljómar eins og sjóaður pólitíkus nú orðið. Hefur stjórnarandstaðan virkilega ekkert komið að málum í því að draga þetta IceSave mál á langinn? Þetta leikhús fáranleikans sem maður hefur þurft að horfa upp á sl. 2 mánuði er ekki leikstýrt af núverandi meirihluta.

Líttu í kringum þig maður! Hverjir eru samherjar þínir?

[Þór Saari, 12.8.2009 kl. 23:33]

Sæll Bjarni og hin sem hafið litið inn.

Minni á að upprunalega átti ekki einu sinni að leyfa þinginu hvað þá heldur þjóðinni að sjá samningana.  Ástæðan fyrir því að þetta hefur tekið svona lengi er að megninu til vegna stjórnarliða sem hafa nánast endalaust reynta að beita fyrir sig haldlausum rökum sem hafa kallað á tímafreka og jafnvel gagnslitla fundi.  Gögn sem hafa komið úr stjórnsýslunni hafa oft verið ónothæf og misvísandi og það hefur oft þurft að toga upplýsingar um málið út með töngum.  Síðast í dag fengum við Lee Buchheit einn fremsta sérfræðing heims í skuldaskilum þjóða á fund nefndarinnar og fjármálaráðherra og formaður fjárlaganefndar afgreiddu tillögur hans pent sem ótímabærar.  Þess má geta að Lee þessi átti upphaflega að vera formaður samninganefndarinnar í ICESAVE samningunum en hann þótti of dýr og aðstoð hans var hafnað af fyrri ríkisstjórn.  Í staðinn var ráðinn Svavar Gestsson og íslenskir bírókratar, enda ókeypis.  Við værum einfaldlega í mun betri málum ef leitað hefði verið til færustu erlendu sérfræðinga sem völ var á en hér var það ESB áhugi Samfó sem réð ferðinni og svo þjónkun ríkisstjórnarinnar allrar við AGS.  Hvað varðar samherjana þá eru þeir allt það heiðarlega fólk sem lætur almannahagsmuni en ekki flokkapólitík og Evrópuþráhyggju ráða för og í þessu máli eru það félagar mínir í Borgarahreyfingunni, Sjálfstæðisflokkur með Pétur Blöndal í broddi fylkingar, Framsóknarflokkurinn og nokkur Vinstri-Græn sem eru með hjartað á réttum stað.  Hvað varða Samfylkinguna þá virðist mér að þau muni einfaldlega fylgja foringja sínum beint til helvítis ef þörf er, nákæmlega eins og þau fylgdu fyrri forystu beint inn í algert efnahagshrun, þrátt fyrir að vita betur í nærfellt heilt á fyrirfram.

[Billi bilaði, 13.8.2009 kl. 00:52]

Takk fyrir pistilinn.

[Einar Björn Bjarnason, 13.8.2009 kl. 12:10]

Þ.e. er sárgrætilegt, að horfa á þessa ríkisstjórn. Tal um "stefnufestu" lætur kaldan hroll renna niður mitt bak, því ég minnist þess hvað Dabbi og Dóru kölluðu "stefnufestu". Það var, sauðþrjóska og þver neitun að leggja við eyrum aðvörunum málsmettinna manna.

Ég held að allir, muni hvað heimskuleg sauðþjóska þeirra leiddi til. Er einhver ástæða að ætla, að sambærilega heimskuleg sauðþrjóska Jóhönnu og Steingríms leiði ekki einnig til ófarnaðar.

Er það virkilega þannig, eftir að Ísland hefur gengið í gegnum helför mistaka hægriflokkanna, þá þurfi við að taka - ofan á fyrri mistök - jafnvel verri mistök núverandi vinsti stjórnar.

Ögmundur, skilur þetta, að ef ekki er breytt um kúrs, enda draumurinn um norrænt velferðarmódel, einfaldlega í tárum annars hruns, þ.s. fátt verður annað eftir, en rjúkandi rústir.

--------------------------------------------------------------------

Best að velta upp nokkrum staðreyndum:

• Meðal viðskiptahalli síðustu 64 ár, er 2,2%.
• Viðskipta-afgangur hefur einungis um 6 á af þessum 64, verið yfir 3,3%.
• Hæsti viðskipta-afgangur, sem við nokkru sinni höfum haft á þessu tímabili, er cirka 6%.
• Gylfi Magnússon, sagði í MBL. grein þann 1. júlí síðastliðinn, að greiðslubyrði af Icesave, einu sér, myndi verða 4,1% - af erlendum tekjum þjóðarbúsins svo fremi árlegur vöxtur verður 4,4% - en 6,9% - ef árlegur vöxtur erlendra tekna verði enginn.
• Sambærilegur reikningur greiðslubyrði fyrir heildarskuldir þjóðarbúsins í erlendry mynnt upp á 2.104 milljarða eða 1,47 VLF er; 20,91% eða 35,2%.
• Sambærilegur reikningur, ef við miðum eingöngu við þá upphæð í erlendri mynnt, sem skv. plönum ríkisstjórnarinnar, ríkið mun skulda, þ.e. 1.1159,5 milljarðar, eða 0,81 VLF, er 11,48% eða 19,32%.

Til þess að skilja stöðuna, varðandi erlendan tekju-afgang þjóðfélagsins, þá er best að líta aðeins á niðurstöður teknar úr skýrslu sem ríkisstjórnin, lét vinna.

Ástæðan fyrir að hagstæð viðskipti, verða að mínus, ku vera óhagstæður afgangur af svokölluðum þáttatekjum, sem framkalli í heild neikvæða útkomu, af nettó tekjustreymi Íslands við útlönd, næstu árin.

Þjóðarbúskapurinn, áætlun til 2014: Vorskýrsla 2009

Viðskiptajöfnuður, % af VLF
2008                          -23,3
2009 - 2014                 -1,2
2011                             -1,1
2012                             -2,1
2013                             -1,2
2014                             -1,1

Jæja vinur, hvernig eigum við að borga, ef tekjustreymi okkar, er skv. reikningum þeim sem ríkisstjórnin bað um að láta framkvæma fyrir sig, um síðastliðið vor, verður neikvætt?

Það má vel vera, að rétt sé að okkur beri siðferðisleg skylda til að borga, að ef við gerum það ekki, þá myndist heilög reiðibylgja erlendis; en einhverju máli hlítur að skipta hvort það sé hreinlega mögulegt eða ekki.

Kv.

[Sævar Einarsson, 19.8.2009 kl. 23:06]

Sæll Þór.

Það sem ég rita núna hefur mikið að gera með Icesave ásamt skilanefndum, fjármálafyrirtækum og síðan en ekki síst alþingismönnum og ráðherrum fyrir bankahrun. Mig langar að spyrja þig, hefur þér eða engum í flokknum dottið í hug að spyrja ráðherra hvers vegna ekki sé óskað eftir aðstoð frá Europol og Interpol til að rannsaka í öll skúmaskot hvað fór úrskeiðis og ástæðan fyrir því að ég er að spyrja að þessu er sú að ég treysti ekki sérstökum ríkissaksóknara og eða þingmönnum og ráðherrum fyrir bankhrun og ég held að það komi aldrei upp á yfirborðið nema að fá aðstoð frá  Europol og Interpol.

[sandkassi (IP-tala skráð) 23.8.2009 kl. 19:40]

jæja hér er það komið, lag til heiðurs ríkisstjórninni.

enjoy; http://gunnarwaage.com/johanna.mp3

og allir með;

Kúkum á kerfið

já nú er það svart

daman er erfið

á þvílílkri fart