ESB málið

Kúvending þriggja þingmanna Borgarahreyfingarinnar í afstöðunni til ESB hefur eðlilega verið mikið í fréttum og sitt sýnist hverjum.  Á eftir fara skýringar mínar sem ég setti fram í lokaræðunni um ESB á þinginu í dag sem talsmaður þinghóps Borgarahreyfingarinnar.  Þetta var ekki ákvörðun sem var tekin í skyndingu og þetta var ekki ákvörðun sem var auðveld enda leiddi hún okkur inn í pólitískt landslag sem við höfðum öll verið sammála um að fara aldrei inn á.

Í þessu tiltekna tilviki töldum við okkur geta náð fram ákveðnum áherslum í s.k. ICESAVE máli en ICESAVE samningarnir og samþykkt þeirra er sennilega eitthvert það versta sem gæti gerst fyrir þjóðina.  Til þess að annað hvort stöðva eða breyta umfjöllun ríkisstjórnarflokkana um ICESAVE samningana töldum við rétt að leggja allt undir sem hægt var, þar á meðal stuðning okkar við ESB aðildarumsóknina.  Loforð okkar við ríkisstjórnina um stuðning við ESB málið var að vísu gefið áður en okkur varð ljóst að aðgöngumiðinn að ESB var samþykkt ICESAVE samningana, en hvað um það, loforð var það engu að síður.

Þetta mál hefur skaðað orðspor Borgarahreyfingarinnar og orðspor Þráins Bertelssonar sem er mjög miður, hann hefur staðið við sitt og virt okkar afstöðu þó hann sé alls ekki sammála henni.  Eins hefur þetta skaðað orðspor okkar þriggja, Birgittu, Margrétar og mín en hvað mig varðar þá stóð ég einfaldlega frammi fyrir því að orðspor mitt í stórmáli sem þessu skipti einfaldlega minna máli en hugsanlega betri niðurstaða með ICESAVE málið.  Svona staða gerir það að verkum að menn hugsa sig um tvisvar hvað varðar framhaldið, ekki af því að málið tapaðist enda var sannfæring okkar fyrir því sterk og samviskan hrein, heldur frekar af því að svona stjórnmálum ætluðum við aldrei að taka þátt í.  Maður getur svo sem reynt að telja sér trú um að þetta muni nú ekki gerast aftur, að svona mál séu sjaldgæf.  Vonandi verður það svo.  En helgin verður umhugsunartími.

Hvað um það, ICESAVE er næst á dagskrá og úr því að ekki tókst að þoka því frá með strategíu þá er bara að bretta upp ermarnar og kljást við það beint.

Hér er lokaræðan mín um ESB málið og þar reyni ég að skýra hvað gerðist.  Eins eru hér atkvæðaskýringar Birgittu og Margrétar.  Þar fyrir neðan er svo skrifaða útgáfan.

 http://www.althingi.is/altext/hlusta.php?raeda=rad20090716T110241&horfa=1 

Hér gera svo Margrét og Birgitta grein fyrir atkvæðum sínum:

http://www.althingi.is/altext/hlusta.php?raeda=rad20090716T122329&horfa=1

http://www.althingi.is/altext/hlusta.php?raeda=rad20090716T123804&horfa=1

http://www.althingi.is/altext/hlusta.php?raeda=rad20090716T133701&horfa=1

 

  

Borgarahreyfingin - þjóðin á þing

Þór Saari

Ræða vegna umsóknar um aðild að ESB 16. júlí 2009

Virðulegi forseti.

Alþingismenn munu innan skamms greiða því atkvæði hvort og þá með hvaða hætti umsókn um aðild að ESB verður að veruleika.

Þótt ekki sé kveðið á um stefnu Borgarahreyfingarinnar í þessu máli í stefnuskrá hennar hefur það verið óformleg og yfirlýst stefna hreyfingarinnar að eina leiðin til að fá úr því skorið  hvort aðild að ESB er góður valkostur, sé að þjóðin greiði um það atkvæði í þjóðaratkvæðagreiðslu þegar samningur um aðild liggur fyrir.

Því miður er lífið ekki alltaf einfalt og nú hefur hluti af þinghópi Borgarahreyfingarinnar ákveðið að samþykkja tillögu þá er frammi liggur um tvöfalda þjóðaratkvæðagreiðslu, þ.e. að þjóðin skeri fyrst úr um það hvort hún vilji hefja aðildarviðræður og síðan, ef svo vill til að samið verði um aðild verði þjóðaratkvæðagreiðsla um samninginn sjálfan.  Ef sú tillaga fellur munu sömu þingmenn greiða atkvæði gegn aðild að ESB.

Hér er um að ræða stefnubreytingu og brot á loforði þinghóps BH við ríkistjórnarflokkana um að styðja þingsályktunartillögu um aðildaraumsókn að uppfylltum ákveðnum skilyrðum.

Af hálfu ríkisstjónarflokkana hefur verið staðið að fullu við samkomulagið og meira en það því BH fékk inn umtalsverðar viðbætur á óskum sínum inn í nefndarálit utanríkismálanenfdar.  Vil ég taka það fram að ég met mikils það samstarf og þann skilning sem sjónarmið okkar fengu í nefndarálitinu.  Eins tel ég að hæstvirtur utanríkisráðherra hafi haldið vel á þessu máli og af sanngirni.

Stefnubreyting þessi er því alfarið ákvörðun BH og að stórum hluta að undirlagi mínu og tek ég fulla ábyrgð á því.  Mér persónulega þykir þetta leitt, mjög leitt.

Ég mun nú gera nánari grein fyrir þessari stefnubreytingu.

Alþingi hefur nú fjallað um ESB aðildarumsókn í um sex vikur og um ICESAVE málið í þremur nefndum í a.m.k. tvær vikur.  Á þessum tíma hafa komið fram upplýsingar sem gerðu það að verkum að sumir þingmenn BH hafa oft verið agndofa, að ekki sé minnst á vinnulagið sem hefur verið viðhaft, en eins og kunnugt er var gassagangurinn á síðustu metrunum í meðferð ESB málsins hjá utanríkismálanefnd til þess að upp úr sauð og að ekki gátu allir stuðningsmenn málsins skrifað undir nefndar álitið.

Efasemdir fulltrúa BH í nefndinni urðu á endanum það miklar að hún lýsti því yfir að hún gæti ekki stutt málið.  Fyrir henni var þetta grundvallar samviskuspurning sem hún varð að svara samkvæmt því.

Hvað varðar breytingu á afstöðu minni og háttvirts þingmanns Margrétar Tryggvadóttur þá tekur sú breyting mið af því sem komið hefur fram við ICESAVE málið og þann málatilbúnað sem verið hefur hér á þinginu í kring um það.

Frá upphafi hefur sú hugmynd að skuldum Landsbankans eða réttara sagt eigenda hans, sé velt yfir á almenning í landinu sem stofnaði ekki til þessara skulda, verið mér og fjölmörgum öðrum þvert um geð.  Hvorki ég né aðrir íslendingar eiga að greiða skuldir annarra, í þessu tilfelli skuldir Björgólfsfeðga.  Í meðförum þingnefnda, en svo vill til að ég á sæti bæði í efnahags- og skattanenfd og fjárlaganefnd, hefur svo komið í ljós að öll umgjörð málsins er stórlega gölluð og að það er í raun algerlega óásættanlegt frá öllum sjónarhornum séð.

Það er einnig tenging þessa ICESAVE samnings og aðildarumsóknarinnar að ESB sem og framganga framkvæmdavaldsins í þessu ICESAVE máli sem gerir það að verkum að hluta BH hefur snúist hugur en skýrt hefur komið fram þótt óformlegt sé að aðgöngumiðinn að ESB er samþykkt ICESAVE samingsins, þar sem bæði Bretar og Hollendingar hafa hótað því að beita sér gegn aðild Íslands verði ICESVE ekki samþykkt.

Saminganefndin, sem virðist ekki beint hafa verið vel skipuð kom heim með einhvern þann versta samning sem um getur í sögunni, hér er ábyrgð hæstvirts fjármálaráðherra mikil, það mikil að ég tel fulla ástæðu fyrir hann að athuga stöðu sína.

Eftir undirskrift samningsins tók það tvær vikur fyrir þing og þjóð að fá að sjá samninginn, samning sem skuldesetur þjóðina um hugsanlega meira en 700 milljarða króna, skuld sem sama þjóð stofnaði ekki einu sinni til.

Nánast öll gögn, lögfræðileg sem töluleg gefa til kynna að ICESAVE samningurinn sé óaðgengilegur og þar hefur fjármálaráðuneytið gengið fram með mjög einkennilegar hagvaxtarspár sem virðast í raun ekki eiga sér neina stoð í raunveruleikanum en samkvæmt grófri úttekt á sumum þeirra forsenda sem gefnar eru í tölulegum álitum um málið virðist sem menn hafi einfaldlega reiknað sig til ásættanlegrar niðurstöðu.  Eins hafa gögn og heimsóknir Seðlabankans vakið upp fleiri spurningar en þær hafa svarað.  Umgjörð funda fjárlaganenfdar hefur heldur ekki verið til þess fallin að ræða þessi mál af þeirri nákvæmni sem þarf.

Rétt er að geta þess að formenn beggja nefndana sem ég á sæti í hafa verið til fyrirmyndar og hafa háttvirtir þingmenn Guðbjartur Hanneson og Helgi Hjörvar staðið sig vel í flóknu máli og verið sanngjarnir, þó ýmislegt smálegt hefði mátt betur fara.

Eins hefur sá hræðslu áróður sem verið hefur í gangi vegna ICESAVE af hálfu sumra ráðherra verið ömurlegur, Kúba norðursins, Norður Kórea, alger einangrun, Parísar klúbburinn.  Það er einskis látið ófreistað við að ná fram ósanngjarnasta máli lýðveldistímans og ég leyfi mér að spyrja hvers konar fólk er eiginlega hér á bak við.  Hvað varðar Parísar klúbbinn svo kallaða og hræðslu áróðurinn gegn honum þá vil ég bara benda þingmönnum á síðasta bréfið í leynimöppu fjármálaráðherra sem liggur út á nefndarsviði en það bréf segir allt sem þarf varðandi stöðu Íslands með tilliti til þess klúbbs.  Því miður mun fjármálaráðherra halda því leyndu fyrir almenningi, þeir skulu bara borga.

Við teljum að ICESAVE málið sé eitthvert það eitraðast mál sem Alþingi hefur nokkru sinni séð og muni að óbreyttu valda þjóðinni óbætanalegu tjóni vegna þeirrar skuldastöðu sem hún kemst í.  Engu verður eirt þegar kemur að skuldadögunum. Lífeyrissjóðirnir fara, það er þegar gert ráð fyrir þeim sem eign í tölfræðinni þegar kemur að eigum þjóðarbúsins svo kröfuhafar geti nú séð hvað er til.  Auðlindirnar fara næst, fyrst með Landsvirkjun sem er komið í rusl-flokk matsfyrirtækja og mun inna tíðar ekki eiga fyrir afborgunum.  Ekki verða til fjármunir í samgöngukerfið, menntakerfið, heilbrigðiskerfið né velferðarkerfið og landið verður á endanum einhvers konar nýlendu-útvörður Evrópusambandsins í norður Atlantshafi og þjóðin leiguliðar í eigin landi.

Hæstvirtir ráðherra Jóhanna Sigurðarsótir og Steingrímur J. Sigfússon verða þá hins vegar komin á eftirlaun, með Davíð.

Okkur virðist því sem ríkisstjórnin og stjórnarþingmenn sjáist ekki lengur fyrir í áherslum sínum og teljum að sú forgangsröðun að hafa þing í allt sumar vegna þessara tveggja mála sem ekki gera neitt til að greiða úr þeim mikla vanda sem steðjar að heimilum og fyrirtækjum í landinu, sé einfaldlega kolröng.  Spurning er hvort ekki sé komin tími fyrir þjóðstjórn í landinu.

Vegna þessa alls ákváðum við að spyrna við fótum og reyna að ná athygli ríkisstjórnar um þetta alvarlega mál sem fjármálaráðherra er svo hugleikið, og breyta meðferð ríkisstjórnarinnar á því.

Tillögur okkar í ICESVE málinu eru þrjár:

Að málinu verði frestað til haustsins og þá tekið upp að nýju.  Þannig gæfist tími gefist að gaumgæfa það betur og hugleiða jafnframt betur aðra möguleika í stöðunni, en komið hefur skýrt fram að þeir eru til.

Að þingið skipi nýja nefnd, ICESAVE nefnd með sérfræðingum þingsins, en þess má geta að þegar eru í Efnahags- og skattanefnd fjórir hagfræðingar, allir úr sitt hvorum flokknum, sem hefði það hlutverk að fara yfir málið faglega til haustsins m.t.t. skuldaþols þjóðarbúsins og fleira.

Að skýrt verði kveðið á um hvenær og með hvaða hætti eignir þeirra sem stofnuðu til ICESAVE skuldbindinganna verði frystar og hvernig reynt verður að ná til þeirra.

Þetta eru allt eðilegar og réttmætar ástæður og viðsemjendur okkar yrðu einfaldlega að virða þær.

Þessar tillögur voru kynntar hæstvirtum ráðherrum Jóhönnu Sigurðardóttur og Steingrími J. Sigfússyni í gærkvöldi og var þeim hafnað.

Ósætti hjá þingi, innan þingflokka og hjá þjóðinni í báðum þessum málum er og verður hugsanlega jafn erftii og jafn langvarandi og herstöðvarmálið.  Hægt er að gera betur.  Við getum gert betur.  Því beini ég því til hæstvirts forseta að atkvæðagreiðslunni sem framundan er verði frestað og þingmenn reyni að ná freaki sátt í þessum málum.

Ríkisstjórn Íslands er á einhverri vegferð sem mun ekki leiða til góðs.  Hún hefði getað gert vel an kaus að gera það ekki.  Ef afstaða BH í ESB málinu verður til þess að þessi ríkisstjórn hugsi ráð sitt þá erum við, með því að setja stein í götu ESB aðildarviðræðna, að fórna minni hagsmunum fyrir meiri.

 Góðar stundir.

Athugasemdir

[Jóna Kolbrún Garðarsdóttir, 17.7.2009 kl. 01:01]

Ég hefði viljað vera á fundi Borgarahreyfingarinnar í kvöld, en ég komst ekki.  Ég styð ykkur þrjú, stundum þarf að fara út fyrir rammann til þess að sýna hug sinn í verki.  Þar sem ég hef alltaf verið á móti ESB og hugsaði lengi hvort ég gæti stutt Borgarahreyfinguna vegna stuðningsins við aðildarviðræður, sem færu svo í þjóðaratkvæðagreiðslu.  Ég er allavega sátt við ykkur þrjú sem létuð hjartað ráða í þessum mikilvægu málum. 

[Rómverji (IP-tala skráð) 17.7.2009 kl. 01:04]

http://arni.eyjan.is/2009/07/personulegur-sigur-ossurs.html?showComment=1247792487603#c4533677135169759833

Baráttukveðjur 

[Rakel Sigurgeirsdóttir, 17.7.2009 kl. 01:24]

Þór, mig langar til að segja þér að ég efast ekki um heilindi þín eða ykkar þriggja sem kusuð gegn inngöngubeiðni ríkisstjórnarinnar til ESB. Kannski skiptir það máli að mér hugnast ekki þátttaka í Evrópubandalagimu en mér finnst það þó skrýtið að þeir sem þekkja þig, Birgittu og Margréti skulu ekki treysta dómgreind ykkar betur en ummæli sumra á bloggi og víðar undanfarna daga bera vitni um.

Ég vona að þeir hinir sömu átti sig eftir að hafa hlýtt á ykkur og lesið skýringar ykkar. Ég þakka þér fyrir mig og sendi þér stuðnings- og baráttukveðjur. Ég þekki það ekki fullkomlega af eigin raun í hvurs lags stríði þú stendur en þykist vita að það er erfitt, mjög erfitt! Ég vil taka það fram að mér finnst þú standa þig aðdáunarlega vel!

[Steingrímur Helgason, 17.7.2009 kl. 01:30]

Þór, ég held þú hafir valið zkárri koztinn af tveimur vondum.

[Benedikta E, 17.7.2009 kl. 01:30]

Sæll Þór.Þakkir til ykkar þriggja sem stóðuð upp til varnar landi og þjóð - þið hafið sýnt að þið látið ekki kúga ykkur.....

Þið megið ekki sveigja af þeirri leið - þó Þráinn sé eitthvað að gaspra - ég hef einu sinni heyrt í honum í ræðustól Alþingis það var 15.sl. þar talaði hann eins og hann væri í öllum flokkum en engum þó............Hann hefur kannski skuldað vini sínum utanríkisráðherranum greiða........

Það mætti segja mér að tilgáta Ágústar sé rétt að Þráinn sé að leita sér að útleið - hann ræður ekki við verkefnið........

Það er gott og gagnlegt fyrir okkur sem fyrir utan erum -  að þið eruð inni á þingi ....

Þið eigið fleiri stuðningsmenn fyrir utan eftir að þið skáruð upp herörina.

Með baráttukveðju.

[Guðrún María Óskarsdóttir., 17.7.2009 kl. 01:57]

Sæll Þór.

Þú mátt treysta því að þið þrjú reynduð að fylgja vilja þjóðarinnar í þessu máli og virða lýðræðið, hafið þið heiður og þökk fyrir það.

kv.Guðrún María.

[Svanur Gísli Þorkelsson, 17.7.2009 kl. 02:16]

Sæll Þór.

Að fara hrossakaupslóðina í því sem þú kallar pólitísku landslagi sem aldrei var ætlunin að feta og brjóta þannig loforð ykkar um stuðning við ríkisstjórnina, rjúfa um leið trúnaðinn við þá kjósendur sem þið lofuðuð að stunda ekki slík viðskipti með samvisku ykkar og atkvæði, og það sem er e.t.v. alvarlegast af öllu, sýna svo ekki verður um villst að þið eruð þess umkominn að svíkja eigin sannfæringu og fórna henni á altari hlýðni við flokkinn, leiðir hugann að þeirri spurningu hvaða ernidi þið sem fólk eigið nú á þing. Fyrirmynd og öðrum til eftirbreytni verðið þið ekki úr þessu. Og hver treystir þeim sem svíkja loforð sín svona léttilega?

Þið eruð ekki lengur hluti af lausninni, heldur hluti af vandamálinu.  Allar grundvallarreglurnar sem þið settuð og áttu að greina ykkur frá helvítis foking fokk liðinu, hafið þið brotið. - Sú stund að ekki sást lengur neinn munur á svínunum og mönnunum kom fljótar en mig grunaði.

[Helgi Jóhann Hauksson, 17.7.2009 kl. 02:20]

Þessu óskylt þá undrast ég stórum hvað fólk er orðið orðljótt og þá sérstaklega hvað ESB-andstæðingar leyfa sér að segja um annað fólk eins og t.d. Ágúst Valves hér ofar (sem þó er alls ekki slæmur miðað við marga aðra). Stóryrðin með heimsku-, svika- og landráðbrigslum í öllum hugsanlegum útgáfum fylla hverja setningu og málsgrein, og hugmyndaflugið í þeim efnum hreint ótrúlegt.

EN það verður að hafa í huga að þetta fólk umgengst ekki síður efnislegar staðreyndir og upplýsingar stórkallalega og hagræðir eftir stórkallalegum hentugleika sínum í hræðsluáróðri sínum. Það upplýsir raunar hvernig það umgengst ópersónulegar upplýsingar og sannleika um mál eins og ESB með orðfæri sínu sem það velur nafngreindum persónum.

Þannig að þeir sem nota slíkt orðfæri um fólk eru á sama hátt ekki marktækir um staðreyndir mála. 

[Guðl. Gauti Jónsson, 17.7.2009 kl. 02:21]

Þingið ekki nema mánaðar gamalt og þið dottin í fjórflokkapólitíkina. Same old Same old. Ég heyri að þér finns tilgangurinn helga meðalið og er þér ekki sammála.

Birgitta skuldar okkur útskýringar á orðunum sem hún lét falla við atkvæðagreiðsluna. Nú duga engar hálfkveðnar vísur. Hún verður að gera grein fyrir hvað það var sem hún vísaði til.

[Einar Björn Bjarnason, 17.7.2009 kl. 02:27]

Hmm,,,nokkuð af heilagri vandlætingu hér.

Fyrir mitt leiti, finnst mér hin gagnrýnda ákvörðun ykkar, skiljanleg.

Á hinn bóginn, er greinilegt, að sumu fólki finnst mikilvægara að standa við fyrri yfirlísingar og að því er virðist, algerlega burtséð frá hvað annað er í gangi.

Ég verð eiginlega að kasta þeirri spurningu til þeirra, sem eru sjóðbullandi vitlausir af vandlætingu - hefur þingmaður engan rétt, til að taka mið af aðstæðum, ef ófyrirsjáanlegar aðstæður, gera þingmanni ókleyft samvisku sinnar, að standa við fyrri fyrirheit?

Það er ekki eins, og að þingmennirni 3. hafi tekið þessa ákvörðun, af einhverri léttúð, eða haldið þið virkilega það.

Það eruð þið, sem ættuð að skammast ykkar,,,og hana nú.

Kv.

[Einar Björn Bjarnason, 17.7.2009 kl. 02:37]

<Eg legg til að við skiptum um umræðu-efni. Því miður, er ólíklegt að tilraun þingmannanna 3. við að spyrna fótum, hafi mistekist. Má vera, að betra hefði verið fyrir þau, vegna núverandi ósættis að hafa sleppt henni. Enginn, veit sýn örlög. Þessi eitraða umræða, sem er í gangi, þjónar engum jákvæðum tilgangi!!>

Þetta gengur ekki upp hjá Seðlabankanum

Mikið af upplýsingum, hafa dúndrast yfir okkur, undanfarið. En, vandi hefur verið á, að þær hafa ekki verið sjálfar sér samkvæmar, þannig að örðugt hefur verið að átta sig á, hver er sannleikur máls.

Þetta, hefur einkum átt við svokallað Icesave samkomulag, og þá nánar tiltekið, til að svara spurningunni, hvort ríkissjóður geti yfirleitt staðið við það samkomulag; þ.e. hverjar skuldir ríkisins og þjóðarinnar, eru akkúrat?

Ég hef heyrt og séð, svo margar ólíkar útlistanir, á því hverjar þær skuldir eru, að það væri að æra óstöðugann, að telja það allt upp. 

En, nú er komið að nýjustu, og vonandi, loka-útgáfu, þeirrar sögu; þ.e. Umsögn Seðlabanka Íslands, um Icesave samkomulagið, sem inniheldur útlistanir, töflur og aðra útreikninga, sem eiga að staðfesta, að sannarlega sé hægt að standa við Icesve samkomulagið, án þess að það leiði til ríkisgjaldþrots.

Umsögn Seðlabanka Íslands

"Seðlabanki Íslands : Umsögn Seðlabanka Íslands, um Icesave samkomulag ríkisstjórnarinnar, við Breta og Hollendinga.

Samkæmt henni, getum við andað rólega, og vissulega mun vera hægt að standa við samkomulagið. 

"Alls nema eignir ríkissjóðs og Seðlabankans um 1,840 ma.kr. fyrir árið 2009 en skuldir nema 2,418 ma.kr. Hrein staða er því neikvæð um 580 ma.kr. eða sem nemur um 40% af VLF."

Svo mörg voru þau orð. Hér fyrir neðan, kemur tafla sem finna má einnig, ef hlekkurinn er opnaður. Allar tölur eru gefnar upp í milljörðum króna, og þetta ku vera staðan, í ár 2009.

Erlendar eignir:                                   1.625    (1625/1.427 = 1,14 VÞF)
Icesave-eignir (75% endurheimtur)       376
Gjaldeyrisstaða í lok árs (reiknuð)          673
Aðrar erlendar eignir (FIH)                        81
Erl. eignir annarra aðila (lífeyrissjóða)    496

Augljós óvissa, er mikil í tengslum við Icesave eignirnar, sjálfar. Ekki, einungis það að óvissa sé um raunverulegt virði, heldur að auki að: ekki er víst að Tryggingasjóður innistæðueigenda muni halda fyrsta veðrétti, og einnig er óvíst að hvaða marki þessar eignir hafi verið veðsettar - en slík veð hafa þá hærri forgang. 

Síðan, er sannarlega mjög umdeilanlegt, að gera ráð fyrir að erlendar eignir lífeyrissjóða, séu ef til vill settar upp á móti; enda eru það nákvæmlega þær eignir sem eru öruggasta trygging landsmanna, fyrir áframhaldi lífeyrisgreiðslna ef allt fer á versta veg hérlendis. Að mínu mati, eru þetta heilagar eignir sem ekki má snerta.

Ef þær eignir eru dregnar frá, verður heildareign, 1.130 milljarðar.

1.130/1.427=0,8 - sem sagt, 0,8 Vergar þjóðarframleiðslur (VÞF)

Erlendar skuldir hins opinbera: 1.520
Icesave-skuld . 575
Erlendar skuldir vegna gjaldeyrisforða 584
Aðrar erlendar skuldir í erlendri mynt 59
Erlend skuld SÍ utan forða (ISK) 97
Aðrar ISK-skuldir hins opinbera 206

Mjög margar útgáfur, hafa komið fram, af skuldastöðu ríkisins. Hér, er enn ein. Þetta, er þó ekki heildar-skuldastaða, heldur einungis erlend skuldastaða.

1.520 / 1.427 = 1,07 VÞF  Erlend skuldastaða ríkisins, eins er þá rétt liðleg þjóðarframleiðsla, skv. mati Seðlabankans.

Opinber fyrirtæki og einkaaðilar: 1.312
þar af Forex-eignir útlendinga  886
þar af ISK-eignir útlendinga 426

Þessir liðir, standa fyrir skuldir ríkisins í formi &#39;krónubréfa og svokallaðra Forex bréfa, sem ríkið þarf að standa undir, þar til þau hafa verið borguð út. Persónulega, myndi ég reyndar telja þessi skuldabréf með öðrum skuldum ríkisins, fyrir ofan. 

Ef þ.e. gert verður erlend skuldastaða rétt tæpar 2 þjóðarframleiðslur:

1.520 + 886 + 426 = 2.832   2.832 / 1.432 = 1,98 VÞF

Skuldir í erlendum gjaldeyri alls 2.104
Skuldir í ISK alls 728
Erlendar skuldir alls  2.832
Hrein skuld (umfram tilgr. eignir) 1.207

Fyrir ofan, kom fram 2.832 talan þ.e. cirka 2 VLF. Þar kemur einnig fram, að 2.104 milljarðar af þeirri upphæð sé í erlendum gjaldeyri en restin í krónum.

Síðan, er eignatalan, dregin frá. En, þ.s. ég var búinn að lækka þá tölu, þá er best að miða við þ.s. kemur út þegar ég dreg hina lækkuðu eignatölu frá:

2.832 - 1.130 = 1.702 milljarðar  1.702 / 1.427 = 1,19 VLF (Nettó-erlend-skuldastaða)

Athugið, þessar tölur eru einungis yfir skuldir, ríkisins sem slíks. Ekki er tekið tillit til skulda annarra aðila, svo sem sveitarfélaga - er geta í einhverjum tilfellum fallið á ríkið ef sveitarfélög reynast ekki getað borgað - og innlendra einka-aðila. Þær skuldir, eru þó ekki áhrifalausar á gang mála, þ.s. þær keppa einnig um takmarkaða auðlind, þ.e. erlendan gjaldeyri. En, að sjálfsögðu þarf einnig að borga af þeim skuldum.

Væntingar um hagvöxt hérlendis

Þær eru greinilega verulegar. Á 9 árum, virðist skv. þessu þjóðarframleiðslan aukast um 62%. Það gerir meðaltal upp á 7% á ári, ef rétt er að deila einfaldlega með 9. Hagvöxtur af þessari stærðargráðu, finnst mér hljóma æði fjarstæðukenndur.

Eining: milljarðar kr.              2009   2010  2011  2012  2013  2014  2015  2016     2017  2018
Útfl utningur &#150; innfl utningur 154 135 151 189 222 200 167 135 134 141
Hreinar vaxtat.  .                  -103    -105     -94   -100    -92     -87     -80     -75 -     90     -86
 í hlutf. af útfl .-innfl(%)      68,3   69,9    66    48,8   39     40,2  44,8   66,5   64,3  46,2
Afborgun af Icesave.                  0         0        0        0        0       0          0    -43      -43    -43
Lántaka og eignasala  .          195     272   -192     14   -135    -79      -71     -54     -49   - 50
Gjaldeyrisvarasj.,                    673     986    845    956    956   996  1.018    966    922    904
VLF (til viðmiðunar)               1.427  1.414 1.466 1.543 1.643 1.746 1.870 1.998 2.141 2.289

Ég vek athygli, á hinum feikn háu tölum yfir hlutfall útflutnings-tekna, sem fara í greiðslu vaxta og afborgana, þ.e. frá 40,2% upp í 69,9%. Mér, er hulin ráðgáta, hvernig menn geta án þess að blikna haldið því fram, að þvílíkt hlutfall útflutningstekna sé viðráðanleg stærð. Þetta hljómar eins og hvert annað grín, þegar haft er í huga, að þá er eftir að kaupa inn olíu og bensín, mat, lyf og allt annað hvað eina.

Menn þurfa, að skilja að erlend lán, eru borguð niður með afgangi af gjaldeyri. Seðlabankinn, gerir ráð fyrir háum gjaldeyrisafgang...

"Þarna er gert ráð fyrir mjög miklum afgangi í mjög langan tíma...Gert er ráð fyrir því að lágt raungengi leiði til þess að útflutningur verði umfram innflutning á spátímanum."

...sem náttúrulega hjálpar til, ef rétt reynist. Sama um, hinn mjög svo háa hagvöxt sem reiknað er með, sem forsendu.

En er þetta trúverðugt?

Hagvöxtur í Evrópu

Við erum svo heppin, að nýlega eru fram komnar hagspár, erlendar - sem geta ekki annað en skipt máli. Hér er um að ræða spá AGS fyrir hagvöxt í heiminum, og spá Framkvæmdastjórnar ESB um hagvöxt í Evrópu.

"Directorate General for Economic Affairs: : 1. Quarter Report 2009"

"IMF : Recession Loosens Grip But Weak Recovery Ahead "

Þ.s. menn þurfa að hafa í huga, að Ísland, er ekki eyland í skilningi alþjóða hagkerfisins, heldur hefur hringiða þess, alveg þráðbein áhrif á horfur hérlendis; sem allir urðu náttúrulega varir við þegar kreppan skall á landinu, allt í einu.

Punkturinn, er sá, að án þess að hagvöxtur fari af stað, í okkar helstu viðskiptalöndum, er erfitt að sjá að öflugur hagvöxtur geti átt sér stað hérlendis.

AGS: spáir samdrætti upp á  -4,8% á Evrusvæðinu á þessu ári, en -0,3% á næsta ári, 2010. Á sama tíma, hrynja Bandaríkin um -2,6% en fá hagvöxt á næsta ári, upp á +0,6%. Sama sagan, er um öll önnur svæði, í samanburði AGS, að kreppan endar í ár, og hagvöxtur hefst á næsta ári. Hægur hagvöxtur, en + er betra en - .

Framkvæmdastjórn ESB: Á sama tíma spáir "Directorate General for Economic Affairs" því að samdráttur á Evrusvæðinu verði 4% á þessu ári, en þ.s. mun verra er, að í kjölfar kreppunnar komi nokkur ár með sköðuðum hagvexti.

Potential Growth Stuctural unemployment Investment ratio as percentage of output

2007  1,8%                   8,7%                                       8,7%

2008  1,3%                  9,0%                                        9,0%

2009  0,7%                 9,7%                                         9,7%

2010  0,7%                10,2%                                        10,2%

Eins og sést á þessu, telur hún að meðal-geta hagkerfa Evrusvæðisins til hagvaxtar muni skaðast um ríflega 50% þ.e. niður í 0,7% á ári. Þetta tengist, fjölgun varanlegra atvinnulausra í 10,2% og einnig því, að kostnaður við að auka hagvöxt um 1% hækki í 10,2%. Með öðrum orðum, skilvirkni fjármagns til hagvaxtar minnki á sama tíma og fjöldi fólks fari varanlega af vinnumarkaði; sem dragi einnig úr skilvirkni hagkerfanna.

Þetta ástand, muni taka tíma að vinna úr; en afleiðingin verði að kreppan muni orsaka varanlegt tjón, þ.e. hreint tap í hagvexti sem aldrei muni skila sér til baka, en aftur á móti er reiknað með að getan til hagvaxtar muni skila sér til baka á endanum.

Tíndur áratugur muni þó verða staðreynd, að mestum líkindum.

Framkvæmdastjórnin, varar þó við, að þó hún á þessum tímapunkti telji líklegra en ekki, að hagkerfi Evrópu nái aftur þeirri hæfni til hagvaxtar, sem þau höfðu fyrir kreppu, þá sé það alveg hugsanleg að minnkun hæfni til hagvaxtar, muni reynast varanleg, þ.e.

"Risks of a permanent downshift in potential growth should not be played down."

Niðurstaða

Það verður að segjast, að í ljósi þess hve efnahags-horfur eru svakalega neikvæðar fyrir Evrópu, þá sé erfitt að sjá að nokkrar umtalsverðar líkur séu til þess, að hagspá Seðlabankans muni rætast.

Hafið í huga, að Evrópa tekur við nær 70% af okkar utanríkis-viðskiptum. Augljósa ályktunin af því, er sú að framvinda efnahagsmála í Evrópu spili að svipuðu marki rullu, hvað okkar efnahags-framvindu varðar. Með öðrum orðum, það geti einfaldlega ekki verið að Ísland muni hafa hagvöxt langt, lang yfir því sem reyndin muni vera í Evrópu.

Sannarlega, má vera að hagvöxtur verði eitthvað meiri hér, en einhver takmörk eru fyrir hvað munurinn þar á milli getur verið mikill. Enda eftir allt saman, getur léleg efnahags framvinda í Evrópu ekki annað, en skilað sér í lægri verðum fyrir útflutningsvörur þ.e. minni útflutningstekjum.

Það eru að sjálfsögðu, mjög slæm tíðindi, fyrir þær áætlanir sem Seðlabankinn miðar við um að standa undir skuldum. En fyrir þeim þarf útflutningstekjur.

Seðlabankinn, tönnslast frekar mikið með greiðslu-hlutfall af VLF (vergri landsframleiðslu), en þ.e. villandi stærð, því við borgum ekki erlend lán með landsframleiðslu, heldur gjaldeyris-afgangi. Þannig, hjálpa innlendar skattahækkanir, ekki með neinum beinum hætti, þ.s. þær kapa ekki gjaldeyri.

Mín niðurstaða, er að greiðsluvandi, sem hlutfall útflutningstekna, sé alltof hátt til að vera viðráðanlegt.

Kv. Einar Björn Bjarnason

[Einar Björn Bjarnason, 17.7.2009 kl. 02:38]

Úps - Eg legg til að við skiptum um umræðu-efni. Því miður, er líklegt að tilraun þingmannanna 3. við að spyrna fótum, hafi mistekist. Má vera, að betra hefði verið fyrir þau, vegna núverandi ósættis að hafa sleppt henni. Enginn, veit sýn örlög. Þessi eitraða umræða, sem er í gangi, þjónar engum jákvæðum tilgangi!!

Tölum um Icesve.

Kv.

[Svanur Gísli Þorkelsson, 17.7.2009 kl. 03:17]

Það er vissulega misjafnt hvað hverjum finnst heilagt Einar Björn. Sumir segja að eiðstafir og loforð séu heilög og eigi að standa, aðrir leggja mikið upp úr grundavallar lífsreglum og finnst að karakter manna eigi að dæmast eftir því hversu vel þeim tekst að fara eftir því sem þeir segjast sjálfir virða og tigna. ´

Þeir pólitíkusar sem engar raunverulegar hugsjónir eiga, finnst þeir standa sig best þegar þeir geta hagað seglum eftir vindi og geta meira að segja réttlætt slæm verk sín með að þeim hafi verið ætlað að gera eitthvað annað sem var miklu betra og mikilvægara. Og það eru vissulega til fólk sem finnst slík tækifærismennska lofsverð.

Svo eru líka til þeir sem ekkert finnst neitt sérstaklega heilagt, hvorki heit né heiður og það eru jafnan þeir sem alltaf vilja ræða eitthvað annað þegar þessi mál ber á góma :)

[sandkassi (IP-tala skráð) 17.7.2009 kl. 04:56]

Ágúst er enginn skíthæll. En ég furða mig svo sem ekki á heilaþvegnum Samfylkingarmönnum hér sem þykjast hafa verið sviknir af Borgarahreyfingunni.

Jú, samið var um stuðning X-O við ESB tillöguna. En Samfylkingarfólk hefur svikið sinn stjórnarsáttmála með óheilindum og áróðursstarfssemi, það gerði Borgarahreyfingin ekki. ESB og Icesave eru nátengd mál og má segja að ekki sé búið að lenda ESB aðildarumsókn fyrr en ríkisábyrgðinni í Icesavemálinu hefur verið lent. Það má ekki gerast að sá landsvikasamningur nái fram að ganga.

Síðan tala Samfylkingardrengir um svik, zzzz

Það voru engin svik af hálfu þinmannana 3, þau hafa verið öll af hendi stjórnarliða - gagnvart stjórnarandstöðunni, þegar þeir eru ekki of uppteknir af að svíkja hvern annan.

Þið hafið ekki skaðað borgarahreyfinguna Þór og láttu ekki nokkurn mann segja þér það kjaftæði. Þið metið málin eftir aðstæðum en fylgið ekki prógrammi í blindni. Forsendur eru allt aðrar en þær voru þegar að samið var.

Annars þykir mér fyndið að sjá hér hann Helga Jóhann ávíta menn fyrir öfgafullan talsmáta og man ekki betur en að ég hafi þurft að ávíta hann eitt sinn fyrir einmitt það. Ég geri samt ráð fyrir því að hann sé í sæluvímu eftir atkvæðagreiðsluna í hádeginu, sem by the way var ekki mjög lýðræðisleg heldur mun verða stúdía fyrir stjórnmálafræðinga um aldur og ævi fyrir einmitt skrílræði, valdníðslu og bolabrögð og fullkomið skeytingarleysi fyrir afleiðingunum. Sá sigur hlýtur að skilja eftir sig biturt bragð í hundskjafti. 

En Ágúst er hugsandi ungur maður og ef horft er í gegnum metnaðarfull stóryrðin, þá er meira að marka þennan unga mann en menn hér á þræðinum sem eru allavega komnir um fimmtugt sextugt.

Ég er stoltur af ykkur Þór !!! 

[Þór Saari, 17.7.2009 kl. 08:19]

Það er greinilegt að ESB er mikið hitamál.  Ég hef þurft að eyða út þremur athugasemdum.  Einni frá Ágúst Valves, einu svari til hans og einni frá einhverjum nafnlausum.  Það eru ekki aðrir til svara á þessari bloggsíðu en ég þannig að sóða orðbragð í garða annarra verður ekki liðið.  Fyrri athugasemd Svans Gísla (#7) hér að ofan finnst mér svo einfaldlega ómakleg og hvet hann til að hlusta á ræðurnar.

[Brjánn Guðjónsson, 17.7.2009 kl. 09:29]

&#132;enda leiddi hún okkur inn í pólitískt landslag sem við höfðum öll verið sammála um að fara aldrei inn á.&#147;

say no more

[Gunnar Snæland (IP-tala skráð) 17.7.2009 kl. 09:37]

Þessar línur eru til að lýsa stuðningi við ykkur öll fjögur. Ég kaus Borgarahreyfinguna til að fá fólk á þing sem trútt væri sannfæringu sinni og það gerðuð þið öll, hvert á sinn hátt.

Það er kannski erfitt fyrir suma að skilja að svona beygjur eru oft nauðsynlegar ef forgangsröð breytist í ljósi breyttra aðstæðna, og Icesave er einmitt þannig dæmi.

Þið svikuð engan 

Borgarahreyfingin má ekki verða einhver miðstýrður sétrúarsöfnuður, - og eftir að hafa fylgst með framgöngu ykkar á þingi sé ég ekki eftir mínu atkvæði.

[Baldvin Björgvinsson, 17.7.2009 kl. 10:02]

Ég hef beðið eftir því í rúm 15 ár að sótt yrði um aðild að ESB. Komst að þeirri niðurstöðu að vel athuguðu máli að kostirnir væru fleiri en gallarnir, það hefur ekkert breyst síðan nema þá heldur til batnaðar.

Ég styð þau vinnubrögð ykkar að kjósa samkvæmt ykkar sannfæringu, það mættu fleiri gera það á alþingi íslendinga.

Nú bíð ég bara eftir því að upplýsingarnar um Icesave sem enginn má vita, leki út.

Þjóðarheill er í veði, skilst mér.

[Offari, 17.7.2009 kl. 10:25]

Sæll Þór ég þakka þér fyrir þitt framlag. Ég gat því miður ekki kosið Borgarahreyfinguna vegna þess að mér fannst viljinn hjá ykkur fyrir aðildarviðræðum vera of sterkur. Þessar aðildarviðræður munu verða heimilum landsins dýrkeypt því ríkistjórnin mun ekkert gera fyrir heimili landsins meðan aðildarviðræður standa yfir. Sveltandi heimili eru auðkeyptari þegar kosið verður um aðild en heimilin sem eru með sitt í lagi.

Ég þekki marga sem kusu VG eingöngu vegna Esb andstöðu þeir kjósendur voru sviknir. Og efast ekki heldur um að margir hafi kosið Borgarahreyfinguna vegna þess að þið vilduð fara í aðildarviðræður. Þótt ég sé sáttur við ykkur reikna ég með að einhverjum kjósenda ykkar finnist þeir vera sviknir.

En ég veit vel um fjölda manna sem kusu VG eingöngu út á Esb andstöðu flokksins eru núna sótbölvandi yfir því hvernig atkvæðið var svikið úr þeim.

[Eggert Vébjörnsson (IP-tala skráð) 17.7.2009 kl. 10:30]

Ég er einn þeirra sem stóð að Borgarahreyfingunni og kaus hana.

Ég hef ekki efast hingað til um heilindi þín og Birgittu og Margrétar í þessu máli.
Ég var og er sannfærður um að þið hafið tekið þessa ákvörðun að vel athuguðu máli.
Lýsi yfir fullum trúnaði og trausti í ykkar garð og hvet ykkur áfram til góðra verka.
Það að standa að ómerkilegum hrossakaupum er ekki ykkar háttur enda eru mál dagsins í dag engan veginn lítilvæg né ómerkileg hvað varðar framtíð íslensku þjóðarinnar.

Hvað þá varðar sem ykkur gagnrýna.

Lastaranum ei líkar neitt,
lætur hann ganga róginn.
Finni hann laufblað fölnað eitt,
fordæmir hann allan skóginn.

[Þorsteinn Reynir Þórsson (IP-tala skráð) 17.7.2009 kl. 10:47]

Blessaður Þór,

Ég kaus Borgarahreyfinguna í síðustu kosningum en varð fyrir gífurlegum vonbrigðum með ykkur í þessu muikilvæga máli.  Eitt af helstu göllum "gömlu" flokkana voru og eru pólitísk hrossakaup, sem voru reyndar oftast gerð á bak við tjöldin.  Það má segja ykkur til hróss að þið reynduð að gera þau fyrir opnum tjöldum, en samt sem áður misstu þið allan trúverðugleika, a.m.k. í mínum augum.  Mér hugnast ekki svona pólitík og fyrir flokk sem ætlaði að vera hafinn yfir svona pólitík þá var þetta ekkert annað en póltískt harakiri. 

Mér finnst líka ótrúlegt hversu léttvægt mönnum þykir að ganga á bak orða sinna, ég hélt að við værum að stefna að siðbót, það gerist ekki með svona vinnubrögðum. 

[Óskar Þorkelsson, 17.7.2009 kl. 10:51]

tek undir með Þorsteini Reyni, ég varð fyrir miklum vonbrigðum með borgarahreyfinguna í þessu máli. Ég kaus b0rgarahreyfinguna því ég hafði trú á því að í henni væri fólk sem virkilega ætlaði að breyta vinnubrögðum á alþingi.. en það tók ekki margar vikur að svíkja það.. núna tekur við langur tími á meðan fólk sem var svikið fær trú á þessum flokk aftur..ef ekki, þá deyr hann í næstu kosningum sem verða ekki mjög langt undan ef allt fer fram sem horfir.

[365, 17.7.2009 kl. 11:10]

Þór, hvað fannst Birgittu svona ógeðslegt?   Hefur þetta orðfæri verið notað áður á Alþingi?  Það sem mér fannst ógeðslegt voru svikin ykkar við aðra.  Lágkúrulegt í alla staði og verður minnst  næst.

[Jakob Þór Haraldsson, 17.7.2009 kl. 11:44]

Rétt gagnrýni hjá ykkur á ótrúleg vinnubrögð þarna niðri á alþingi.  Þarna ná menn í byrjun samkomulagi um málefni á "vissum forsendum" en svo þegar málið birtist í þingsalnum, þá er það gjörbreytt - þannig vinnur XS - lofa flokkum vissum hlutum en þegar á hólminn er komið þá reynist flest allt sem frá þeim (XS) kemur "lygar & blekkingar" - auðvitað er ekkert óeðlilegt við að þið skiptið þá um skoðun!  Ekki er hægt að ná "heiðursmanna samkomulagi við fólk sem er óheiðarlegt" í mínum huga er XS stórhættulegur flokkur bæði "land & þjóð" - það hentar mjög vel hjá þeirra fjölmiðlum að ráðast á Borgarahreyfinguna og reyna að gera ykkur tortryggileg!  Því miður - svona eru stjórnmál - "ömurlegt tík...."  Ég vona að þið látið ekki brjóta ykkur niður, haldið ykkar striki og svo megið þið alveg gera mistök í einu eða fjórum málum "that´s life" - vonlaust að búast við að ykkur geti aldrei orðið á mistök, þó ég eigi enn eftir að upplifa slík......lol.....!

Að lokum, tek ég heilshugar undir eftirfarandi áhyggjur ykkar: "Við teljum að ICESAVE málið sé eitthvert það eitraðast mál sem Alþingi hefur nokkru sinni séð og muni að óbreyttu valda þjóðinni óbætanalegu tjóni vegna þeirrar skuldastöðu sem hún kemst í.  Engu verður eirt þegar kemur að skuldadögunum."  Alþingi má bara ekki samþykkja þennan arfa lélega & stórhættulega samning!  Við skulum því standa áfram vaktina, VON það besta en búast við því versta á meðan SAMSPILLINGIN er þarna upp í brú að reyna að troða sýnu RUGLI ofan í þing & þjóð...!

kv. Heilbrigð skynsemi

[Unnar Steinn Sigtryggsson (IP-tala skráð) 17.7.2009 kl. 12:24]

Ég verð að segja eins og er að mér finnst þetta vægast sagt vafasöm aðferð til að koma máli sínu á framfæri. Fæ einnig snert af pirringi þar sem stenfa ykkar í Evrópumálum gerði útslagið um hvert atkvæði mitt fór.

Eftir að hafa sofið á þessu og lesið þennan pistil þinn þá finnst mér þetta enn vera vafasamt að vera með kúganir á Alþingi. En ég er ekki viss um að ég geti ljáð ykkur það. Það er allt of mikil skuggapólitík í kringum ICESAVE málið. Ef þið megið ekki tjá ykkur um raunverulegar áhyggjur sem þið hafið.. þá veit ég ekki hvernig þið eigið að bregðast við. En liggur sökin þá ekki raunverulega í stjórnarháttum Íslendinga. Þeirri staðreynd að land sem þykist vera elsta lýðræði í heimi reynir að fela upplýsingar fyrir almenningi því þau óttast viðbrögðin? Ég held ég verði að sætta mig við það að hata leikinn en ekki leikmanninn og vona að þetta hafi verið tilraun til að upplýsa þjóðina um hversu ónýtur leikurinn í raun er.

En samt sem áður: Reynið eftir fremsta megni að fara ekki niður á þeirra plan þó svo það virðist stundum nauðsynlegt. Þegar allt kemur til alls er ég frekar viss um að þau hafi meiri reynslu þar en þið og þessvegna hafið þið atkvæði mitt áfram.

[Brjánn Guðjónsson, 17.7.2009 kl. 12:30]

Ég get alveg tekið undir með Gunnari Snæland.

&#132;Borgarahreyfingin má ekki verða einhver miðstýrður sétrúarsöfnuður&#147;

en einmitt með miðstýrðum aðgerðum sínum gerðist hann sértrúatrsöfnuður

[Brjánn Guðjónsson, 17.7.2009 kl. 12:35]

Óskar hefur sagt all hvað ég hugsaði

[Jón Kristófer Arnarson, 17.7.2009 kl. 12:41]

Því miður gerðuð þið mistök öll fjögur og það hefur skaðað trúverðugleika Borgarahreyfingarinnar og virðist einnig hafa dýpkað gjá milli þinghópsins og hreyfingarinnar.  En það er mannlegt að gera mistök og þið hafið verið undir miklu álagi og ég hef enga trú á að þetta mál þurfi að eyðileggja Borgarahreyfinguna.  Ég held að það sé hægt að vinna úr þessari stöðu og endurheimta traust ef vilji er fyrir hendi.

Hugsanlega er hugtakið "að fara eftir sinni sannfæringu" og þröngt túlkað.  Þegar fólk tekur þátt í félagastarfi eða yfir höfuð mannlegum samskiptum þá hlýtur sannfæringin ekki aðeins að mótast eftir því hvernig hitastigið er á heilasellunum þann daginn heldur hlýtur sannfæringin einnig að mótast af því fólki sem málið varðar.  Hver þingmaður Borgarahreyfingarinnar á vissulega að fara eftir eigin sannfæringu en sú sannfæring hlýtur að mótast af þeirri hugmyndafræði sem framboðið byggist á og þarf einnig að mótast í nánu samstarfi við grasrótina. 

Verkefnið er að endurheimta traust og ég hef fulla trú á að það takist.  Lykillinn af því er að koma á markvissara samstarfi milli grasrótarinnar og þinghóps.  Tölvupóstar og bloggsíður duga þar ekki til heldur þarf milliliðalaus samskipti. 

[Jón Baldur Lorange, 17.7.2009 kl. 12:53]

Sæll Þór,

Það er full ástæða til að hrósa ykkur þremenningunum að standa með ykkar sannfæringu og gera það sem ÞIÐ tölduð réttast miðað við aðstæður og upplýsingar sem þið hafið aflað ykkur. Þetta var ykkar ákvörðun og þið létuð EKKI undan þrýstingi frá einum eða neinum. Það er virðingarvert. Mér finnst að þú gerir of mikið úr því að þið hafið brotið eitthvað samkomulag við Samfylkinguna. Þið eruð ekki bundin af neinu öðru en ykkar sannfæringu samkvæmt stjórnarskrá, sem þið hafið heitið að fylgja.

Morgunblaðið, og Samfylkingin, reyna að blása þetta mál upp og tala um klofning og jafnvel að þið hafið yfirgefið þingflokk Borgarahreyfingarinnar! Bíðum við! Hvernig getið þið yfirgefið ykkur sjálf þ.e. eruð þið ekki þingflokkurinn sem um er rætt? Þið hafið gert grein fyrir máli ykkar og ég kaupi þau rök.

Það ætti frekar að beina kastljósinu að þeim í Vg sem sannanleg sviku stefnu síns flokks, kjósendur sína og sannfæringu sína á þingi í gær. Það er SVIK sem talandi er um.

Svo skulum við vona að ykkur takist að koma í veg fyrir SVIK við þjóðina með því að hafna Icesave samningunum. Það er mál málanna eins og þið hafið reynt að vekja athygli á.

Baráttukveðjur, JBL

[Sigurður Ingi Kjartansson, 17.7.2009 kl. 14:16]

Ég tel að þarna hafið þið verið að fórna minna máli (ESB) fyrir meira mál (Icesave)

ég stend með ykkur meigið þið eiga þakkir fyrir..

það er eins og fólk eigi eithvað erfitt með að skilja að hægt er að gera góðan hlut á vondan hátt, Þótt ég sé almennt hlyntur ESB þá er ég ekki tilbuinn að samþykkja hvað sem er til að ganga þar inn eða leifa ríkistjórninni að fórna hverju sem er fyrir það.

Þegar við göngum inn í sambandið þá vil ég að við gerum það upprétt en ekki skríðandi á hnjánum..

[Helgi Jóhann Hauksson, 17.7.2009 kl. 14:24]

Þetta er erfitt og eftir því lærdómsríkt mál.

Þrátt fyrir allt megum við samt ekki vera of dómhörð í garð þingmannanna vegna þess að Þór og þau öll hafa tjáð með sínum hætti að þau eru að fóta sig blint á algerlega ókunnu jarðsprengju-landi og tilbúinn til að læra og breyta í ljósi reynslu sinnar. Þór hefur tjáð sig um þetta af opinni auðmýkt sem ég ber mikla virðingu fyrir.

Ég lýsi mig undir haus á bloggi mínu stuðningsmann þriggja flokka og þingmanna þeirra, þar á meðal Borgarahreyfingarinnar en auk þess Samfylkingar og VG, engra í öllum málum en allra í mörgum málum. Ég mun ekki breyta því gagnvart Borgarahreyfingunni. Það er ofurmannlegt að ætlast til að þetta ágæta fólk með enga reynslu  innandyra á þingi misstigi sig ekki nokkrum sinnum við að læra stíga ölduna á ALþingi.  Ég neita því þó ekki að sú staðreynd að umsókn að ESB var samþykkt hjálpar mér að umbera og skilja þingmenn XO. - Annars bestu kveðjur til ykkar allra og vonandi náið þið saman við Þráinn aftur.

[Einar Björn Bjarnason, 17.7.2009 kl. 14:31]

Teningnum kastað - mín skoðun er sú, að hvorir tveggja ESB sinnar og ESB andstæðingar, séu með stórlega íktan málflutning.

Það er allt of mikið gert úr ESB aðild, með öðrum orðum - hún er hvorki endir alls, né er hún upphaf einhvers draumaríkis.

Sannleikurinn er sá, að innganga í ESB sem slík, mun ekki stytta kreppuna neitt, né mun hún lengja hana.

Kreppan mun einfaldlega halda áfram, nánast óbreytt. Það eina sem ég í raun og veru hef áhyggjur af, er sú staðreynd að aðildarviðræður, munu vera mjög krefjandi fyrir okkar litla stjórnkerfi, akkúrat þegar við þurfum á öllum kröftum þess við það að berjast við kreppuna.

Ég hefði því kosið, að við brettum upp ermarnar og sigruðust fyrst á kreppunni, en tækjum svo aðild til skoðunar.

Hver er sannleikur mál:

• enginn stuðningur við krónu, fyrr en eftir að samningar eru um garð, hafa verið staðfestir af öllum aðildarþjóðum, og Íslandi líka - þá getum við sókt um aðild að ERM II - og einungis eftir að aðild að ERM II er formlega um garð gengin, fær krónan +/-15% vikmarka stuðning.
• Þ.e. heildar-skuldir ríkisins, eru 2,5 þjóðarframleiðsla, mun upptaka Evru taka 15-20 ár, cirka.
• menn gleyma því, hvað það þýðir, að Ísland er í EES, nefnilega það, að við erum þegar komin með þann hagnað, fyrir hagkerfið, sem aðild á að færa okku, að stærstum hluta. Það eina stóra sem eftir er, er EVRAN. Fullyrðingar, um annann stóran hagnað, er kjaftæði.
• "The Commission of the European Union - Directorate General for Economic Affairs: : 1. Quarter Report 2009" . Samkvæmt þessari skýrslu, er áætlað að meðalhagvöxtur innan Evrusvæðisins, lækki niður í 0,7% af völdum kreppunnar, og verði á því reiki fyrsu ár eftir kreppu. 

  Potential Growth Stuctural unemployment Investment ratio as percentage of output

  2007  1,8%                   8,7%                                       8,7%

  2008  1,3%                  9,0%                                        9,0%

  2009  0,7%                 9,7%                                         9,7%

  2010  0,7%                10,2%                                        10,2%

Þeir telja að svokallað "lost decade" sé líklegasta útkoman, þ.e. lélegur hagvöxtur um nokkur ár, í kjölfar kreppu, þannig að kreppuárin + árin eftir kreppu, verði cirka áratugur. Þeir telja, að á endanum, muni þó hagkerfi Evrópu rétta úr sér, og ná eðilegum meðal-hagvexti. Þeir, setja þó fyrirvara við þá ályktun, að sú útkoma sé ekki örugg; þ.e.:

"Risks of a permanent downshift in potential growth should not be played down."

Hvers vegna, er ég að tönnslast á þessu? Ástæðan er sú, að væntingar um að umsóknarferli og síðan, aðild - muni redda okkur, eru fullkomlega óraunhæfar ef staðreyndir mála eru hafðar að leiðarljósi.

Höfum staðreyndir að leiðarljósi, þ.e. miðum ekki við ímyndaðar skýjaborgir.

Ef við pössum okkur, og reynum ekki að ljúka aðildarviðræðum, of hratt, þá geta þær gengið fyrir sig, án verulegs skaða - til skamms tíma, meðan þörf er á öllum okkar uppbrettum ermum við það að berjast við kreppuna.

Aðildarviðræður, mega þess vegna taka nokkur ár, þ.s. Evruaðild, fæst hvort sem er, ekki nema eftir að við höfum náð hinum svokölluðum "convergence criteria". Það, getur vart tekið minni tíma en 10 - 15 ár, hugsanlega 15 - 20, þannig að 5 - 6 ár, í aðildarviðræður, ætti ekki að vera nein goðgá.

Kv. Einar Björn Bjarnason, stjórnmálafræðingur og Evrópufræðingur

[Grútur (IP-tala skráð) 17.7.2009 kl. 17:49]

Lífið er síbreytilegt. Stöðugt verða til ný atvik og fram koma nýjar upplýsingar. Allt krefst ígrundunar og úr öllu þarf að vinna; greina kjarnann frá hisminu. Fyrir vikið þarf oft að víkja af leið; hverfa frá fyrirfram yfirlýstri stefnu. Þetta er nokkuð sem sérhver flugmaður og sérhver skipstóri þekkir af eigin raun og þetta er í rauninni hnotskurn lífsins. Fyrir vikið hafa margir einmitt náð heilir til hafnar. Sumir vilja vera orðheldnir og líta á það sem dyggð hvað sem það kostar. Það er hins vegar ekki alltaf til góðs þegar menn kjósa að sitja við sinn keip en átta sig ekki á, að stundum brýtur nauðsyn lög og að stundum þarf að leggjast í pólitísk hrossakaup. Þannig er það sem kaupin einfaldlega gerast á eyrinni. Mér finnst málsvörn ykkar þremenninganna trúverðug og er reiðubúinn til að verja afstöðu ykkar að svo miklu leyti sem það er hægt, þar sem upplýsingar um Icesave málið eru því miður af full skornum skammti. Það hefur þó orðið æ ljósara að með þeim samningi sem nú liggur fyrir hafa stjórnvöld hlaupið hraustlega á sig og virðast því miður ekki hafa andlegt þrek til að horfast í augu við það. Ég hvet ykkur því til að leitast áfram við að vera einlæg í því sem þið segið og gerið því einlægnin kemst alltaf í gegn og skilar sér; einkum til þeirra, sem á annað borð nenna að fylgjast með atburðarásinni og setja sig inn í málin. Ég vona svo að Þráinn megni að taka niður bæði geislabauginn og helgisvipinn, sem orðheldnin færði honum þetta korterið, og að hann átti sig á, að eftir því sem fram vindur, þá getur einmitt þurft að taka allt til endurskoðunar og taka nýjar ákvarðanir. Út á það gengur pólitík ef árangur á að nást. Verið því óhrædd, því á meðan þið eigið í brjósti ykkar einlægni og sannfæringu um að eitthvað sé þess virði að berjast fyrir því, þá er ekkert að óttast.

[Jakob Andersen (IP-tala skráð) 17.7.2009 kl. 17:54]

Þráinn hefur ekkert gerð af sér. En Þór nefnir hann samt. Hvess vegna? Jú, það litur betra út ef allir í O hafa gerð eitthvað af sér. Það er einskona smjörklippuaðferð. Það er betur að dreifa athyglin á 4 en 3.

[Jón Baldur Lorange, 17.7.2009 kl. 18:52]

Auðvitað átti Þráinn að standa með sínum félögum en ekki að láta hatur sitt í garð Sjálfstæðisflokksins koma í veg fyrir það.

[Óskar Þorkelsson, 17.7.2009 kl. 19:07]

Auðvitað átti Þráinn að standa með sínum félögum en ekki að láta hatur sitt í garð Sjálfstæðisflokksins koma í veg fyrir það.

afhverju ?  til þess að festa borgarahreyfinguna í FLOKKA pólitík ?  Þráinn er maður að meiri á meðan hinir voru til minnkunnar.

[Þór Saari, 17.7.2009 kl. 19:08]

Sælir, Björn S. Lárusson (#31), Jakob Andersen (#37) og Jón Baldur Lorange (#38).

Það sem ég á við er ég tala um skaðað orðspor Þráins er að aðgerðir okkar þriggja hafa gert það að verkum að hann er í félagi við fólk sem fór út í þessa aðgerð sem orkar mjög tvímælis svo ekki sé meira sagt og nálægð hans við okkur gerir það einfaldlega að verkum að hann gæti talist í vafasömum félagsskap.  Við höfum aftur á móti farið rækilega yfir þetta mál öll fjögur og erum einfaldlega sammála um að vera ósammála.  Þetta hefur alls ekkert með að dreifa athygli á fleiri (#37) eða meint hatur hans í garð Sjálfstæðisflokksins (#38) að gera.  Hann einfaldlega gerði samkomulag sem hann stendur við, en við hin ekki.

[Sigurður Þórðarson, 17.7.2009 kl. 21:17]

Þakka þér Þór fyrir þessar greinargóðu skýringar, sem eru rúmlega fullnægjandi.

Þess utan er ég  handviss um að aðild að Evrópubandalaginu þjónar ekki hagsmunum Íslands fyrir því eru margar ástæður. Ég get nefnt örfár: Ísland myndi varlega tapa forræði yfir  helstu auðlind sinni sem er fiskveiðilögsagan s.k.v. Rómarsáttmálanum. Tímabundnar undanþágur eru aukaatriði. Fiskveiðistjórnun EB er hörmung og Evrópudómstóllinn hefur í krafti Rómarsáttmálans valtað yfir tilraunir strandríkja í krafti reglugerða eða milliríkjasamninga að takmarka kvótahopp milli landa. Í því skjóli hafa Spánverjar komist yfir veiðiheimildir við Bretland og Írland.

EB hefur engan áhuga á að lækka tolla á fiski en það hefur EFTA og ef Ísland gengi í sambandið myndi skrúfast fyrir nýja markaði í Kína, Kóreu og víðar.

Þú og félagar þínir hafið staðið ykkur afbragðsvel varðandi Icesave. Takk fyrir það. 

[Björn Heiðdal, 17.7.2009 kl. 22:41]

Sú staðreynd að Íslendingar lifa lengst allra gefur okkur aukið forskot og hjálpar til við að greiða niður Icesave.  Gamla fólkið getur prjónað lopapeysur og selt útlendingum.  Unga liðið getur síðan selt sig eða sálu sína til að greiða Icesave.  Það þýðir ekki að gefast upp.  Við verðum að tæma vasana og borga skuldir Björgólfs og Samfylkingarinnar. 

[Högni Jóhann Sigurjónsson, 17.7.2009 kl. 23:02]

Ég kaus Borgarahreyfinguna og ætla að gera það aftur í haust.

[Kristinn Rúnar Salvarsson (IP-tala skráð) 17.7.2009 kl. 23:29]

sammála um að vera ósammála .... hef heyrt þetta áðður

[Rósa Aðalsteinsdóttir, 18.7.2009 kl. 00:42]

Sæll og blessaður Þór

Ég er mjög ánægð með ykkur Margréti og Birgittu. Sandfylkingin hefur með frekju komið ESB málinu í gegn og svínbeygt samstarfsflokk sinn í ríkisstjórn. Báðir flokkar munu gjalda fyrir gjörðir sínar af sínum kjósendum.

Óþolandi hvað þessi tvö mál hafa tekið mikinn tíma frá mikilvægari málum eins og að slá Skjaldborg um heimilin. Ég held að Jóhanna hljóti að hafa mismælt sig og þetta hafi átt að vera Valborg eða Váborg.

Við horfum uppá fullt af einstaklingum missa heimilin sín og fyrirtækin eru gjaldþrota. Engin úrræði og atvinnumöguleikum fækkar og þá á sama tím a kemur minna í ríkissjóð sem Jóhanna ætlar að nota til að greiða Icesave. hvað er það sem rekur hana svona áfram? Var búið að plægja akurinn í Brussel á bak við tjöldin. Ótrúlegt hvað aðildarumsóknin var fljót að komast í hendur ESB manna.

Vertu keikur þó sumir séu fúlir núna. Það var ólíðandi þessi vinnubrögð sem Jóhanna og Co í Sandfylkingunni viðhöfðu gagnvart ESB og Icesave.

Högni ætlar að kjósa þig aftur í haust. Vonandi verða kosningar í haust. það verður að koma þessu liði frá völdum.

Vertu Guði falinn baráttumaður

Kær kveðja/Rósa

[Billi bilaði, 18.7.2009 kl. 01:54]

Þór. Ég er stoltur kjósandi Borgarahreyfingarinnar, og finnst að þið hafið ekki stigið feilspor. Ég hef haft kosningarétt í meira en aldarfjórðung, og er atkvæði mitt til ykkar það atkvæði sem ég er stoltastur af.

Vinsamlegast haldið áfram á sömu braut.

ES: Svo væri ekki úr vegi að þú hefðir í pistli þínum hlekk á pistil Margrétar á hennar síðu. Hann er mjög góður, og útskýrir t.d. það sem "365" spyr um í athugasemd 25. (Sjá slóð í athugasemd 8 í þessu bloggi Friðriks Þórs: http://lillo.blog.is/blog/lillo/entry/916213/#comments)

[Arnór Valdimarsson (IP-tala skráð) 18.7.2009 kl. 07:59]

Þór, þið breittuð rétt í þessu máli. Svikin eru öll Samspillingarmegin og hjá VG. Ég er stoltur af ykkur. Ef að aðgöngumiðinn inn í ESB er að þjóðin kyngi Icesafe samningnum, þá er hann of dýr. Það held ég að þjóðin sjái öll.

[Arnór Valdimarsson (IP-tala skráð) 18.7.2009 kl. 08:12]

Það er augljóst að forgangsröðun þessarar Ríkisstjórnar er út úr kú. Það er þegar búið að henda inn umsókn í ESB, en mánuðir líða og ekkert bólar á að eignir auðmannana sem eiga sökina séu frystar, eða þeir sóttir. Og fjölskyldur landsins svelta og ekkert bólar á skjaldborginni. Á meðan lifa fjölskildur sökudólganna sældarlífi á ránsfengnum. Fyrir hverja er Samspillingin að vinna, og VG. Og hvað er verið að fela? Hvar er alt upp á borðið pólitíkin núna?

[Einar Björn Bjarnason, 18.7.2009 kl. 11:48]

Persónulegar, er ég alveg 100% viss, að hvernig sem þessi samningur mun koma til að líta út, þá mun Össur lýsa yfir sigri og kall hann stórfenglega framtíð fyrir Ísland. Alveg burtséð frá innihaldi eða gæðum.

Munið, að enn tala þau um Icesave samkomulagið sem gott, en þ.s. enn undalegra, að enn tönnslast þau á að skuldastaða ríkisins verði ekki neitt að ráði verri en margra annarra Evrópuríkja - sem á að gefa til kynna, að allt verði í lagi.

Þ.e. einmitt, þeirra fáránlega afstaða gagnvart Iceave samkomulaginu, sem framkallar ugg hjá manni, varðandi þá samninga sem Samfylkingin mun leiða gagnvart ESB.

Vandi Samfylkingarinnar, er sá sami og einstaklingsins, sem ætlar sér að versla á markaði, þ.e. ef kaupmaðurinn sér, að kúnninn er mjög ákafur í vöruna þá fer púttið um kjör kaupmanninum í hag. Með öðrum orðum, ef menn vilja gera góða samninga, þá meiga menn ekki vera um of ákafir og einnig, verða þeir vera til að standa upp frá borði.

Því miður, er ég alveg 100% viss, að samningamenn Samfylkingarinnar, verða með alla þá galla sem ég óttast að þeir hafi. Þannig, er ég miklu meira en 50% viss, að samingurinn verði slæmur.

Því miður, tókst ekki nefndarmönnum, Framsóknarflokksins, að fylgja þeirri stefnu sem ég lagði til við þá, þ.e. að það væri algert grundvallaratriði, að Alþingi stjórnaði samningum við Brussel en ekki Utanríkisráðuneyti. Því miður, þega ákveðið var að mæta - á einhvers konar hálfri leið, var þetta grundvallaratriði gefið eftir. Þannig, varð því miður, nefndar-samkomulagið lítils virði - einmitt vegna þess, að það breytti ekki því að áfram hefur Össur síðasta orðið.

Kv.

[Ragnar Örn Eiríksson (IP-tala skráð) 18.7.2009 kl. 12:08]

Þú ert svikari og sveikst handsalað loforð og síðan viðurkennir þú að með því sé verið að kúga meirihlutan til að fallast á þín sjónarmið og ert því sami froðusnakkurinn og hin fíflin á alþingi.Þér er ekki treystandi og þú ættir að segja af þér með hinum tveim svikurunum. Mér finnst ömurlegt að vita til að hafa kosið ykkur því að mitt atkvæði er í dag ónýtt!!!

Hver heldur þú að munir treysta þessum þingflokk framar? Svaraðu því!!!!!!

[Sævar Einarsson, 18.7.2009 kl. 14:30]

Ég kem til með að gera það Ragnar Örn Eiríksson, og fjölmargir aðrir og ég reikna með mikilli atkvæðaaukningu sem kemur aðallega frá þeim sem kusu VG, í þeim herbúðum voru svik aldarinnar við sína kjósendur. Ég kaus Borgarahreyfinguna og ætla að gera það aftur í haust því hér verður önnur bylting og mun harkalegri en sú síðasta . Ég vill losna við úrsér gengna pólitíkusa sem hafa setið á þingi svo áratugum skiptir sem selja ömmu sína til að komast í ráðherrastól . Það á að vera löngu búið að setja lög um hámarkssetu á þingi.

[sandkassi (IP-tala skráð) 18.7.2009 kl. 17:37]

Hér fer Johhny Rotten sjálfur með vitleysu þegar hann talar um "meirihlutan". Við vitum allt um það og geri ég ráð fyrir straumi úr VG yfir til Borgarahreyfingarinnar.

Þannig að, það er erfitt, en nauðsynlegt.

[Sævar Finnbogason, 18.7.2009 kl. 18:54]

AUÐVITAÐ fer ESB ekki í aðildarviðræður við ríki sem á í opinberri deilu við tvö ríki sambandsins. Það segir sig nú einhvernvegin sjálft!

Ef við höldum okkur nú við þann veruleika sem ríkir í milliríkjasamskiptum.

[Sævar Finnbogason, 18.7.2009 kl. 18:54]

.

[Solveig (IP-tala skráð) 18.7.2009 kl. 23:30]

Ég kaus Borgarahreyfinguna og ég veit af nokkrum sem gerðu það líka eftir að ég hafði talað máli hennar. Það voru margir í þessum sporum í vor, búnir að fá ógeð á gömlu, fúnu flokkunum en vildu nýta atkvæði sitt. Þarna fannst manni í boði ferskt fólk, ekki litað af gömlu spilltu flokksklíkunum. Ný sýn og hugsjón um heiðarleika og uppbyggingu. Auðvitað óskráð blað og ekki einhver (heilög) lína til að fylgja enda ekki góð reynsla af því.
Því eru vonbrigði mín mikil og ég hef jafnvel átt erfitt með að verja ákvörðun mína. Ekki af því þið fóruð ekki eftir einhverri flokkslínu, heldur af því þið fóruð ekki eftir sannfæringu ykkar sem þá er hægt að verja.
Ég hefði getað skilið að atkvæði ykkar í ESB málinu væru mismunandi, allt eftir ykkar persónulegu sannfæringu enda einstakt mál (reyndar hafði ég skilið málflutning þinn áður sem svo að afstaða yrði ekki tekin nema að undangengnum aðildarviðræðum).
Það sem get ekki með nokkru móti skilið er að þið segið blákalt að þið greiðið atkvæði á ákveðinn hátt til að kúga fram niðurstöðu í öðru máli. Voruð jafnvel búin að gera eitthvað samkomulag, væntanlega af því ykkur hugnaðist það hvernig þið mynduð þá kjósa og það kom samningsaðilanum líka vel.
En svo greiðið þið atkvæði á annan hátt, væntanlega gegn sannfæringu ykkar. Eða hvað? Ef samkomulagið var gegn henni er það ekkert betra.
Segja eitt, gera annað. Það hefur verið nóg af slíku í boði og ekki þörf fyrir meira. Það er ekkert betra þó það sé gert á opinskáan hátt (samt nýjung, viðurkenni það), hrossakaup eru hrossakaup, undir eða uppá borði.
Heiðarleiki verður að vera leiðarljósið, í smáu sem stóru ef traustið á að haldast.
Ég ætla ekki að vera með einhverja dramatík og segja mig úr hreyfingunni eða gefa yfirlýsingar um væntanlegt atkvæði mitt. En ég vildi bara koma á framfæri vonbrigðum mínum með þessi vinnubrögð og vona að þau séu bara eitt feilspor sem byrjendum leyfist.
Mig langar enn að treysta ykkur til að vera fulltrúar nýrra tíma á Alþingi og vil þakka fyrir gott aðgengi að ykkur og upplýsingar sem þið veitið um störf ykkar í okkar umboði og þágu.

[Jón Kristófer Arnarson, 19.7.2009 kl. 00:14]

Stærstu mistökin sem þið hafið gert Þór er að fjarlægast fólkið í Borgarahreyfingunni og einangra ykkur inn í þingflokknum.  Það að gera eitthvað í því máli með afgerandi hætti er líka eina leiðin út úr ógöngunum.

[Teitur Atlason (IP-tala skráð) 19.7.2009 kl. 01:38]

Ég á ekki til orð.  Jú annars. 

-Skamm.

[Ragnar Örn Eiríksson (IP-tala skráð) 19.7.2009 kl. 01:53]

þið fáið mitt atkvæði allavega aldrei oftar! vinstri grænir sviku ekki neitt, þeir hafa alltaf talað um að þjóðin yrði að fá að ákveða um ESB og það eru þeir að gera.

[Óskar Helgi Helgason (IP-tala skráð) 19.7.2009 kl. 03:21]

Komið þið sæl !

Þór !

Ætli megi ekki álykta; jafnvel, að stóru mistökin ykkar hafi verið, að treysta þeim Jóhönnu og Steingrími, í upphafi ferils O  listans, á þingi ?

Ég; ásamt 4147 öðrum, vildum láta Guðjón Arnar, og sjóhunda- og þungavigtar sveit hans njóta nokkurs sannmælis, þann 25. Apríl, síðast liðinn, þó ei gengi eftir, það sinnið, því miður.

Við fjölmörg; sem sjóuð erum, í orðaleppa- og skrum hætti íslenzkra stjórnmála manna, sáum í hendi okkar; þá þegar, að þau Jóhanna höfðu Skjaldborgar flímið einungis uppi í erminni, Banka mönnum, sem lausa göngu fjárglæfra mönnum, til varnar - alls ekki; fjölskyldunum í landinu, hvað þá fyrirtækjunum, til þess halds og trausts, sem fólk hugði, verða mundu.

Þið; Birgitta og Margrét, gerðuð því hárrétt í því, að snúa baki, við þeim Jóhönnu og Steingrími, enda,........ sé um einhverra sviksemi að ræða, nú um stundir, þá skrifast hún; alfarið, á forystufólk S og V lista, hvar þau hafa haldið okkur í vomum, allar götur, frá 1. Febrúar, OG EKKERT GERT ENN, til raunverulegra bjargráða, gott fólk !!!

Með beztu kveðjum; úr Árnesþingi /

Óskar Helgi Helgason   

[Sævar Finnbogason, 19.7.2009 kl. 03:50]

Jón Helgi.

En gaman að heyra að kjósendur frjálslynda flokksins skuli vera ánægðir með þingmenn Borgarahreyfingarinnar, hinsvegar eru þetta þingmenn XO og eru fulltrúar þeirra sem hana kusu. Um það snýst málið.

Þú ert hinsvegar greinilega blindaður af andúð á ESB og sérð því ekki um hvað þetta mál snýst. 

Bestu kveðjur í Árnesþing

[Þorsteinn Sch Thorsteinsson (IP-tala skráð) 19.7.2009 kl. 10:42]

Nú verður þessi litla, litla, nice, nice Samfylking í því reyna allt hvað hún getur til að koma á ríkisábyrgð, þannig við verðum látin borga fyrir allar þessar skuldir Landsbanka HF (Icesave), því annars kemst þessi litla, litla, nice, nice Samfylking ekki inn í ESB. Nú verður ekki bara áróðri beitt heldur einnig kúgunum.

Kv

Þorsteinn

[Sævar Einarsson, 19.7.2009 kl. 12:18]

Ragnar Örn Eiríksson, voru VG þá ekki að skjóta fyrst og spurja svo ? þú segir að vinstri grænir hafi ekki svikið neitt og að þeir hafa alltaf talað um að þjóðin yrði að fá að ákveða um ESB aðild og það sé flokkurinn að gera, þá spyr ég, áttu þeir þá ekki að lofa þjóðinni að fá að kjósa um inngöngu í ESB og ef niðurstaðan hefði verið já, átti þá ekki að leggja inn aðildarumsókn ?

[Óskar Helgi Helgason (IP-tala skráð) 19.7.2009 kl. 15:38]

Komið þið sæl; á ný !

Sævar Finnbogason !

Vorkunnarmál er það; sért þú haldinn lesblindu þeirri, sem mér sýnist, í meðförum réttra manna nafna.

Hygg; að svo heitfengir menn, sem þú í orðræðunni, skyldu líta inn á mína síðu, hvar ég geri grein fyrir, afstöðu minni, til ESB; allvíða, ágæti drengur.

Vill svo til; að ég hefi kynnt mér framkomu Evrópsku nýlendu veldanna, víða um heim, gegnum tíðina, og sé því ekki, hvern ávnning Ísland hefði, af að sameinast þessu illa bandalagi - hvert tíðkar arðrán enn, víðs vegar um heim, svo sem.

Með beztu kveðjum; á ný, úr Árnesþingi /

Óskar Helgi Helgason

[Hallgerður Pétursdóttir (IP-tala skráð) 19.7.2009 kl. 19:20]

Veistu hvað stendur í blýhólk Alþingishússins? "Sannleikurinn mun gjöra þig frjálsan" Veistu hvað margir "örflokkar" hafa farið inn á Alþingi" ? Með lýðskrumurum?

Veistu hvað það fólk er að kosta okkur? Þráinn Bertelsson er maður orða sinna sem þótti drengskapur  hér í eina tíð. Veistu hvað orðið drengskapur þýðir?

[sandkassi (IP-tala skráð) 19.7.2009 kl. 20:48]

ah Hallgerður, mundu að Borgarahreyfingin fór jú inn á alþingi, en ekki í ríkisstjórn, það hefði verið lýðskrum.

Það er athyglisvert að fólk skuli efast um heilindi stjórnarandstöðunnar. Einnig fremur langsótt.

[Gunnar Skúli Ármannsson, 21.7.2009 kl. 22:22]

Sæll Þór,

ég hef ekki lesið allar athugasemdirnar við færslu þína. Ég vil bara taka það fram að ég er 100% sammála ykkur þremur. Ég hefði gert nákvæmlega sama og þið. Þið voruð að verja meiri hagsmuni fyrir minni, ég er stoltur af ykkur.

[Arinbjörn Kúld, 22.7.2009 kl. 00:39]

Þór, hvað kemur fram í þessu margnefnda síðasta skjali í hinu frægu möppu sem fylgir icesave málinu. Það er lykilatriði í þessu öllu saman svo við fáum einhvern botn í málið. Við eigum það skilið Þór, að fá upplýsingar um hvað kemur þar fram.

Kveðja að norðan.

[Þór Saari, 22.7.2009 kl. 08:38]

Sæll Arinbjörn.

Má ekki segja.  Þessi leynimappa Steingríms J. er hins vegar bæði sorgleg og hlægileg í senn því að þar eru gögn sem myndu koma stjórnarflokkunum illa sem og lítt merkilegar bréfaskriftir milli ráðuneyta og alþjóðastofnana sem opinbera "hæfni" íslensku stjórnsýslunnar.  Þarna er ekkert sem gæti flokkast sem ríkisleyndarmál í alvöru þjóðfélagi.

Almenningur og þá fyrst og fremst fjölmiðlar eiga að sjálfsögðu að krefjast þess að gögnin verði gerð opinber.

[sandkassi (IP-tala skráð) 22.7.2009 kl. 12:02]

Áfram Þór.

[Ásthildur Jónsdóttir, 22.7.2009 kl. 20:56]

Mér sýnist ESB andstæðingar stökkva til núna og sjá Borgarahreyfinguna sem nýjan valkost eftir að VG gáfu eftir í stjórnarsamstarfinu.  Ef ég hef skilið loforð og stefnu hreyfingarinnar rétt fyrir kosningar er þetta misskilningur - það átti að leyfa þjóðinni að kjósa eftir aðildarviðræður og ég hef ekki heyrt um neina stefnubreytingu hjá flokknum þrátt fyrir þetta val þingmanna.

Þór, þú talar um að fórna minni hagsmunum fyrir meiri og að þessi gjörningur hafi skaðað ykkur í þingflokknum.  Heldur þú að þetta hafi engin önnur áhrif?  Að svikið loforð um ný og öðruvísi vinnubrögð á þingi hafi engin áhrif á trúverðugleika hreyfingarinnar í heild? 

Ég hef allskonar efasemdir um ESB aðild ekki síst við þessar aðstæður og ég er þess fullviss að Hollendingar og Bretar munu reyna allt til að þvinga Icesave í gegn og nota til þess bæði AGS og ESB.  Ég er hinsvegar ósátt við að þingmenn flokksins noti stefnu og loforð Borgarahreyfingarinnar sem einhverskonar skiptimynt í viðleitni til þess að stöðva að Icesave fari í gegnum þingið.  Við sem kusum flokkinn verðum að geta treyst því að prinsippin haldi - að það verði ekki persónulegt mat þingmanna flokksins hverju sinni hvaða loforð sé í lagi að svíkja ef málstaðurinn er góður.  Borgarahreyfingin átti að standa fyrir heiðarleg vinnubrögð og það er aum réttlæting að það sé í lagi að svíkja af því hinir flokkarnir gera það.  Það hefur alltaf verið morgunljóst.

Að kjósa samkvæmt sannfæringu sinni er sjálfsögð krafa.  Samantekin ráð þingmanna um að breyta um afstöðu í ákveðnum málum til að þvinga fram niðurstöðu í öðrum, þó þau séu nátengd, er allt annað. 

[Arinbjörn Kúld, 22.7.2009 kl. 23:23]

Takk fyrir það Þór, ég bíð spenntur eftir opinberun möppunnar.

Kveðja að norðan.

[sandkassi (IP-tala skráð) 22.7.2009 kl. 23:58]

Ásthildur,

hvar stendur í stefnu Borgarahreyfingarinnar; Aðildarumræður hvað sem það kostar?

[sandkassi (IP-tala skráð) 22.7.2009 kl. 23:59]

,,um,, skal vera ,,við,,