Sprengisandur

Rykfallin bloggsíða er ekki góð hugmynd.  Setti því inn smá innslag úr þættinum "Á Sprengisandi" þar sem ég var í morgun.  Meira seinna, enda spennandi tímar framundan.

http://www.bylgjan.is/lisalib/getfile.aspx?itemid=47751

 

Athugasemdir

[Arnór Valdimarsson (IP-tala skráð) 6.9.2009 kl. 17:46]

Takk fyrir þetta. Áhugavert.

[Margrét Sigurðardóttir, 6.9.2009 kl. 18:48]

Ég hlustaði í morgun, aldrei þessu vant. Þú varst hressandi eins og venjulega.

[Bjarki Hilmarsson (IP-tala skráð) 6.9.2009 kl. 20:01]

Sorglegt er að heyra þingmann BH ljúga í útvarpi.

[Arnór Valdimarsson (IP-tala skráð) 6.9.2009 kl. 20:11]

Sorglegt að sjá mann sem er í framboði til stjórnar BH, kasta fram svona fullyrðingu og rökstyðja hana ekki.

[Heiða B. Heiðars, 6.9.2009 kl. 20:19]

Ja hérna! Þingmaður Borgarahreyfingarinnar vill leigja auðlindir þjóðarinnar til útlendinga. Þetta kemur mér á óvart

Og hefurðu gert einhverja skoðanakönnun um fylgi okkar sem bjóða sig fram .....eða er þetta bara svona tilfinning sem þú ert að blaðra um í útvarpinu? S

[Bjarki Hilmarsson (IP-tala skráð) 6.9.2009 kl. 20:20]

Arnór, hann talar um flokkseigendafélag, það er rakin lygi!

[Heiða B. Heiðars, 6.9.2009 kl. 20:28]

Það er nú fleira athyglisvert í þessu viðtali....... "fólk gengur í og úr stjórnmálahreyfingum á hverjum degi"....

Ert þetta dulbúin hótun hjá þingmanninum? Ertu að virkilega að segja fólki að ef það gerir ekki eins og þú segir því - þá gangir þú úr Borgarahreyfingunni?? Þá væntanlega í Sjálfstæðisflokkinn ef maður tekur mið af tali þínu í þessu viðtali.

[Dúa, 6.9.2009 kl. 21:02]

Það eru engar deilur eða leiðindi, bara að einn þingmaður sagði sig úr hreyfingunni. That's it. Æi já og einhver 12 manna hópur líka sem er með leiðindi. Skrýtið að vilja ekki gangast við þeirri ólgu innan BH sem öll þjóðin hefur horft og horfir upp á.

[Heiða B. Heiðars, 6.9.2009 kl. 21:04]

Blessuð vertu það logar allt stafnanna á milli. Fólk heilsast ekki úti á götu, baknagar félaga sína opinberlega og allt þar á milli :)

[Ægir Óskar Hallgrímsson, 6.9.2009 kl. 21:07]

Bara láta fólk vita...það er enginn ómissandi.

[Dúa, 6.9.2009 kl. 21:12]

Guð blessi Borgarahreyfinguna

[Ægir Óskar Hallgrímsson, 6.9.2009 kl. 21:16]

Af hverju.

[Bjarki Hilmarsson (IP-tala skráð) 6.9.2009 kl. 21:25]

hver sagði "maður kemur ekki í mans stað"?

[Arnór Valdimarsson (IP-tala skráð) 6.9.2009 kl. 22:27]

Bjarki, eftir að hafa skoðað skipurit það sem glærusýning ykkar 12 er, þá verð ég að vera sammála Þór. Þetta lyktar af því að 12 manns séu að búa til flokkseigendafélag.

Þið viljið augljóslega koma á stjórn í BH og lögum, þar sem stjórnin ræður öllu milli landsfunda. Og eruð að búa til nýtt batterí, þar sem gamla stjórnarformið Framkvæmdastjórn er undir ykkur líka.

Sem sagt: Grasrót- þjóðráð.(ekkert nánar útskýrt hvað það er, geri ráð fyrir því að það sé landsfundur) Undir þar kemur Stjórn. Og undir hana: Þinghópur, fjármálastjórn, Framkvæmdastjórn og Fagráð.

Hvort er nú lýðræðislegra að  búa til svona batterí eða að einfalda málin og hafa:

Þinghópur, Fjármálastjórn, Framkvæmdastjórn og Fagráð. sem öll svara beint undir Landsfund/ Félagsfund. Sem er jú grasrótin og æðsta vald hreyfingarinnar.
Og enginn að skipa öðrum fyrir beint. Þannig allavega skil ég þær tillögur til lagabreytinga sem fram hafa komið.

Er ekki einmitt tilgangur hreyfingarinnar:

2.1. Tilgangur Borgarahreyfingarinnar er að ná fram lýðræðisumbótum á Íslandi,
með virkri þátttöku borgaranna, valddreifingu, gegnsæi og því að menn sæti
ábyrgð.

Með þessari dýrkun á hlutverki stjórnarinnar vinnið þið gegn því.

[Bjarki Hilmarsson (IP-tala skráð) 6.9.2009 kl. 22:34]

Þú hefur greinilega einbeittann vilja til að misskilja hlutina eftir þínum hentugleikum Arnór.  Stjórninni er hvergi ætlað að stjórna, henni er ætlað að halda utan um starf þessara hópa. 

[Arnór Valdimarsson (IP-tala skráð) 6.9.2009 kl. 22:36]

Heiða erum við ekki að leigja auðlindirnar í dag til útlendinga í formi t.d. álveranna.

þar sem misvitrir stjórnmálamenn hafa sett leynd á okkur almenning á að vita það verð sem við þjóðin fær fyrir. Er það ásættanlegt? Er ekki einmitt kominn tími til að endurskoða öll þessi mál og opinbera, og frekar bjóða hæstbjóðenda leiguna, heldur en einhverjum auðhringjum sem gerðu einhverja skugga samninga við skítapakkið sem kom okkur á hausinn.

[Arnór Valdimarsson (IP-tala skráð) 6.9.2009 kl. 22:37]

Skoðaðu bara skipuritið ykkar það lígur ekki Bjarki.

[Arnór Valdimarsson (IP-tala skráð) 6.9.2009 kl. 22:40]

Burt séð frá því þá mæli ég með að fólk haldi í sér stóru orðunum og munnhöggvist frekar annarstaðar og ausi ekki skít hvert í annað heldur opinberlega, sem þessi vefur er.

Það er ekki hreifingunni til heilla.

[Arnór Valdimarsson (IP-tala skráð) 6.9.2009 kl. 22:43]

Bjarki ef stjórninni er ekki ætlað að stjórna þá hlítur þú að vera sammála mér að Framkvæmdastjórn eins og þið setjið upp er meira en nóg?

[Bjarki Hilmarsson (IP-tala skráð) 6.9.2009 kl. 22:44]

Svo er eitt varðandi þetta blessaða skipurit sem margir virðast gleyma, þetta er tillaga að skipulagi sem auðvitað getur breyst í meðförum þeirra sem um það fjalla.  Þegar aðilar koma með hugmyndir á lýðræðislegan fund þá búast þeir tæpast við því að þær séu samþyktar án breytinga, það er allavega mjög sjaldgæft.  En þær eru grundvöllur til að ræða hlutina.  Ef menn hafa betri hugmyndir er um að gera að koma með þær.

[Arnór Valdimarsson (IP-tala skráð) 6.9.2009 kl. 22:50]

Ætlið þið sem sagt að leggja ykkar skipurit fram sem breitingartillögur?

Og ef svo er Bjarki, af hverju?

Eru ekki þær tillögur sem komið hafa fram nokkuð góðar og líðræðislegar?

Ykkar skipurit kollvarpar þeim.

[Arnór Valdimarsson (IP-tala skráð) 6.9.2009 kl. 23:23]

Bjarki með því að svara þessu ekki, ertu akkúrat að styðja það sem Þór sagði um Flokkseigendafélag, ekki satt? Hvor er þá að ljúga?

[Katrín Linda Óskarsdóttir, 6.9.2009 kl. 23:32]

Sæll hr. Þór.  Ég kaus BH síðast en mjög líklega aldrei aftur. Það að sitja hjá í atkvæðagreiðslu um Icesave er gunguskapur að mínu mati. Annað hvort ert þú með eða á móti. Síðan er ég sammála Arnóri hér að ofan að þetta blogg/viðbrögð og reyndar önnur hér frá frambjóðendum/stuðningsmönnum BH eru til þess eins að skaða hreyfinguna.   Sjáumst á landsfundinum, hann hlýtur að verða ansi fjörugur!!!

[Þór Saari, 7.9.2009 kl. 03:14]

Sæl öll og takk fyrir innlitið.

Mikið væri nú heimurinn fábrotnari ef ekki væri fyrir Bjarka og Heiðu.  Hvað Katrínu varðar þá vil ég gjarna benda henni á síðustu bloggfærslu mína um Icesave og biðja hana að endurskoða afstöðu sína.

[Ásthildur Jónsdóttir, 7.9.2009 kl. 10:34]

Svona fyrir forvitnissakir Þór, varstu búinn að lesa ályktun félagsfundar um Magma samninginn áður en þú fórst í þetta viðtal?  Mér heyrðist nefnilega að þú værir á aðeins annarri línu en félagsmennirnir sem sóttu þann fund svona þegar ég hlustaði á þetta viðtal. Ég  myndi gjarnan vilja heyra nánari útfærslu á hvernig þú sérð þessa auðlindaleigu fyrir þér. 

[Heiða B. Heiðars, 7.9.2009 kl. 16:02]

Hvernig væri frekar að svara þeim spurningum sem ég beini til þín Þór??

[Lísa Björk Ingólfsdóttir, 7.9.2009 kl. 17:55]

Hér á landi eru útgerðarfyrirtæki sem leigja veiðiheimildir annarra landa til t.d. eins árs fyrir ákveðinn stofn. Nákvæmlega þetta yrði líka uppá borðum hér ef við værum í ESB. Held meira að segja að það yrði krafa frekar en val. Við seljum orku til áratuga í senn á fyrirfram ákveðnu verði til álfyrirtækja. Margir hafa talað um að verðið væri alltof lágt - en það er erfitt að bera sönnur á það. Árlega hleypum við tugþúsundum erlendra ferðamanna inn í landið - ekki það að ég sé á móti því, en gæti flokkast sem leiga á auðlindum. Spurningin mun því alltaf vera sú, hvernig getum við nýtt auðlindir OKKAR á sem arðbærastan hátt.

[Lísa Björk Ingólfsdóttir, 7.9.2009 kl. 17:57]

By the way - fínt viðtal

[Jón Kristófer Arnarson, 7.9.2009 kl. 19:00]

Lísa, þetta er samt dálítið dæmigert fyrir ástandið í Borgarahreyfingunni.  Hreyfingin heldur opinn fund um ákveðið málefni sem tengist framsal nýtingu orkuauðlinda, þar sem að vísu þingmenn mættu ekki samkvæmt viðtekinni venju. 

Þar er samþykkt ályktun sem er í samræmi við stefnu hreyfingarinnar og umræðunnar á fundinum.  Þessari ályktun er svo dreift til fjölmiðla.  Þremur dögum síðar kemur svo þingmaður Borgarahreyfingarinnar og talar þvert gegn þessari ályktun. 

Auðvitað má Þór Saari hafa sínar skoðanir og er eingöngu bundin við sína samvisku.  En þetta gerir auðvitað félagstarfið hálf tilganglaust og dregur úr áhuga þegar ekki einu sinni þingmenn flokksins virðast ekki gera minnstu tilraun til að taka tillit til ályktanna félagsfunda í sínum málflutningi.

Auðvitað má hugsa sér skipulag innan hreyfingar þar sem hlutverk stjórnar er að hita kaffi fyrir "gagnslausa" fundi og þingmenn verði svo í sínum fílabeinsturni og segi, hugsi og geri það sem þeim dettur í hug, en það getur varla talist mjög lýðræðislegt fyrirkomulag. 

Ég er algerlega með það á hreinu og sammála því að þingmenn eru bundnir sinni sannfæringu og Þór má hafa þessar skoðanir og getur eflaust fært fyrir þeim rök.  En þessi framkoma er klaufaleg og ekki til þess fallin að auka eða endurheimta trúverðugleika þingmanna og hreyfingar. 

[Lísa Björk Ingólfsdóttir, 7.9.2009 kl. 19:46]

Ég heyrði hvergi minnst á orku!

[Lísa Björk Ingólfsdóttir, 7.9.2009 kl. 19:48]

En þó nokkuð um vanda heimilanna!

[Þór Saari, 7.9.2009 kl. 20:52]

Jæja.  Þetta er nú farið að verða áhugavert í meira lagi.  Hér koma fram fjögur sem eru í framboði til stjórnar Borgarahreyfingarinnar á landsfundinum n.k. laugardag og agnúast út í mig sem er ekki í framboði.

Sá fyrsti, Bjarki sakar mig um lygi, fyrir hvað veit ég ekki.  Ég þekki manninn ekki neitt og hef aldrei logið að honum.  Svo kemur Heiða sem af fjöllum og hissa á því að það megi leigja auðlindir og sakar mig um tilfinningablaður og svo einhverja hótun vegna þess að ég minnist á að einn félagi vor er genginn úr þingflokknum.  Talar svo í framhaldinu mjög illa um hreyfinguna og krefst svo svara af mér við spurningum sem hún annaðhvort hefur ekki spurt eða ég skil ekki.  Hvers vegna í ósköpunum á ég að gera skoðanakannanir Heiða?  Síðan kemur Ásthildur og talar eins og ég sé á einhveri annari línu en félagsfundur, hún annaðhvort skilur ekki ályktun fundarins eða heyrir ofheyrnir.  Síðan kórónar óánægjuna hann Jón okkar Kr. með tali um ástandið í Borgarhreyfingunni og mínar eigin skoðanir og er á sömu slóðum og Ásthildur varðandi ályktunina og viðtalið.

Fyrir mér er það borðliggjandi að ástandið hans Jóns Kr. lýsir sér e.t.v. best í framgönga þessarar fjögurra, þetta er hins vegar ástand sem ég kann ekki skil á en hefur ekkert með mig eða stærstan hluta Borgarahreyfingarinnar að gera.  Yfirgripsmikil vanþekking þeirra á stefnuskrá hreyfingarinnar er hins vegar áhyggjuefni en þar segir orðrétt um auðlindir:  "Allar náttúruauðlindir verða í þjóðareigu og óheimilt að framleigja þær nema tímabundið og þá aðeins með viðurkenndum og gagnsæjum aðferðum þar sem fyllsta jafnræðis er gætt." Stöðugar áhyggjur Jóns Kr. af fjarveru okkar þingmanna eru hins vegar vel þekktar og það um allt land og kann ég vel að meta þær, en við einfaldlega treystum félögunum til að álykta í samræmi við stefnuna, enda ekki heldur okkar að passa upp á það.

Ég styð heilshugar ályktun félagsfundarins og hvatti til hennar á stjórnarfundinum s.l. þriðjudag og ég er einnig fús til að útskýra fyrir Ásthildi hvernig auðlindaleiga fer fram, en það er t.d. með opnu útboði á aflaheimildum fyrir hvert fiskveiðiár.  Hvað jarðvarma og fossa varðar þá er einboðið að Landsvirkjun sjái um framkvæmdina og orkan verði svo einfaldlega seld hæstbjóðanda.

Að endingu vil ég svo hvetja þessi fjögur fræknu til að hætta svona pexi eða þá að draga til baka framboð sitt til stjórnar á meðan þau velta fyrir sér hvert þau ætla með hreyfinguna.

[Ásthildur Jónsdóttir, 7.9.2009 kl. 22:29]

Ólíkt þér Þór, sat ég þennan fund og er nokkuð viss um að ég hafi skynjað andann á honum rétt og langar að benda þér sérstaklega á tvær málsgreinar úr ályktuninni.

Borgarahreyfingin lýsir furðu sinni  og andstyggð á því að sveitarfélög geti tekið sér það gerræðisvald að koma auðlindum þjóðarinnar  í hendur einka-aðila án nokkurar lýðræðislegrar umræðu eða þverpólítisks vilja í samfélaginu.

Félagsfundur Borgarahreyfingarinnar ályktar einnig að grípa beri harkalega í taumana og þessi dulbúna tilraun til einkavæðingar á auðlindum þjóðarinna með yfirskini nýtingarréttar, verði tafarlaust stövðuð með öllum tiltækum ráðum svo sem inngripi skilanefnda og þjóðnýtingar fyrirtækjanna sem um ræðir ef þörf krefur.

Þú talar um að gera leigusamninga t.d. á Kárahnúkavirkjun ár eða áratugi fram í tímann svo það er eðlilegt að sú spurning vakni hvort þú hafir yfirhöfuð lesið ályktunina.  Eða væri í lagi að þínu mati að sjá samskonar samning og verið er að vinna að á Suðurnesjum ef það væri ja segjum til dæmis Landsvirkjun að leigja Kárahnúkavirkjun til Alcoa? 

Og svona í lokin af því þú sérð ástæðu til að draga framboð mitt til stjórnar inn í þessa umræðu.  Það er misskilningur að ég ætli eitthvað með hreyfinguna, ég vil einfaldlega að grasrótin fái meira vægi í málum á vinnslustigi og auka samskipti milli allra innan hreyfingarinnar.  Ég er í flestum aðalatriðum mjög sátt við tillögur Jóns Þórs og félaga að nýjum lögum og mun styðja þær á Landsfundi.  Ég þarf því engan umhugsunarfrest en þakka umhyggjuna.

[Árni H Kristjánsson (IP-tala skráð) 7.9.2009 kl. 22:36]

Vottur af lítillæti myndi ekki skemma síðhaldara.

            Árni Hó

[Jenný Anna Baldursdóttir, 7.9.2009 kl. 22:41]

Hvað er í vatnskrönunum á Alþingi?  Hrokasafi?

[Arinbjörn Kúld, 7.9.2009 kl. 22:53]

Mætti ég gerast svo djarfur að minna alla mína félaga í BH á stefnuskrá hennar og markmið? Því eigum við að fylgja og í málum sem stefna og markmið hreyfingarinnar tekur ekki á ræður eða ætti að ráða hagsmunir þjóðarinnar þ.e. almennings í þessu landi. Hagsmunir almennings og samviska þingmanna ætti undir öllum eðlilegum kringumstæðum að fara saman, ef ekki þá á væntanlega þingmaðurinn að snúa sér að öðrum störfum en vinna fyrir almenneiðraing í þessu landi. Við stofnuðeum BH í ákveðnum tilgangi og hann eigum við að heiðra númer eitt tvö og þrjú.

Kveðja að norðan.

[Sigurður Þórðarson, 7.9.2009 kl. 22:58]

Gott kvöld gott fólk, ég er ekki Borgarahreyfingunni en finnst hún, ekki síst þingmennirnir,  hafa lagt gott til mála og þá einlægu ósk að þar ríki eindrægni og leikgleði.  Margt hefur breyst til batnaðar með tæknivæðingunni en ekki allt, til að mynda eru fólk óþolinmóðara og jafnvel pirraðra nú til dags.

Það var gömul venja að guða á glugga áður en maður bankaði á dyr.  Það var gert með því að komumaður sagði: "Hér sé guð"  og heimilisfaðirinn svaraði "Og með þínum anda" og heimilisfólkið í baðstofunni tók allt undir þá kveðju. 

Nú ætla ég að guða hjá ykkur, "hér sé guð", áður en  ég legg í að  lesa athugasemdirnar.  

[Jenný Anna Baldursdóttir, 7.9.2009 kl. 23:02]

Sé á Facebook að það er búið að loka fyrir athugasemdir frá henni Heiðu.

Hvað er að kæri þingmaður?

Illa við frískleg skoðanaskipti?

Hah?

[Jón (IP-tala skráð) 7.9.2009 kl. 23:04]

Sigurður, áður en þú klárar lesturinn er kannski rétt að þú gerir þér grein fyrir því að þessi síða er ritskoðuð og hér stendur það eitt sem síðusi þessum er þóknanlegt.

[Arinbjörn Kúld, 7.9.2009 kl. 23:04]

Afsakið stafsetninavillurnar, fékk krampa í fingurna

[Kristín Anna (IP-tala skráð) 7.9.2009 kl. 23:15]

Þú ert nú meiri hrokagikkurinn maður! Eyðir út athugasemdum, sem voru alls ekki dónalegar og skrifaðar undir fullu nafni. Lokar fyrir aðgang fólks úr Borgarahreyfingunni af því að þú ert ekki maður til að standa í skoðanaskiptum!

Ritskoðun í gangi hjá talsmanni gegnsæis! Þvílík hörmung

[Steingrímur Helgason, 7.9.2009 kl. 23:21]

Ég fylgi í zpor Sigurðar Þórðar, & bíð hér góðra vætta.

[sandkassi (IP-tala skráð) 7.9.2009 kl. 23:38]

Segjum nú svo að gripaflutninga-flugvél frá Hvíta Rússlandi verði fyrir því óláni að það opnast afturhurðin og ein beljan dettur út. Hverjar eru líkurnar á því að beljan lendi á manni? Tja, það fer eftir ýmsu. Ef þetta gerist upp í sveit þá er möguleiki að engin slys verði á fólki en einhver bóndi verði sér út um fría kjötsúpu.

Þetta hefur þó gerst og lenti þá beljan á manni út á víðavangi sem steindrapst.

Jæja, en ef þetta gerist meðan að vélin er á flugi yfir borg, þá eru möguleikarnir talsvert meiri og beljan getur valdið tjóni bæði á fólki og mannvirkjum, bílum ect.

En hverjir eru möguleikarnir á því að beljan lendi á þingmanni? Fremur litlir verður að teljast. Þó má alveg gera ráð fyrir því að beljan taki með sér fleiri beljur í fallinu, þess vegna svona 10-12 stykki.

Samt sem áður er gríðarlega ólíklegt að beljuhjörðin lendi á þingmanni.

Tökum annað dæmi, segjum að skógareldar geysi niður við ströndina einhversstaðar í Afríku. Fengin eru dæluskip til þess að dæla sjó yfir skógin. Daginn eftir ganga hásetarnir um brunarústirnar og finna þrjá steindauða froskmenn ca. 100 metra inn í skógi.

Harla ólíklegt, þetta hefur þó gerst. En hverjar er þá líkurnar á að froskmennirnir 3 séu í raun þingmenn í sumarfríi?

tja,,,,. Einhverntíman las ég lista yfir 10 hlægilegustu dauðsföll allra tíma og voru þessi 2 inn á listanum. Hef aldrei trúað þessu með kafarana sem lentu í dælunni en þessi með beljuna er alveg sönn. 

[Þór Saari, 8.9.2009 kl. 09:07]

Þetta er nú orðið alveg með ólíkindum.  Nú er komin í gang umræða um að ég loki fyrir athugasemdir.  Ég hef í tvígang, fyrr í sumar, tekið út athugasemdir hér sem annað hvort voru árás á einhvern sem ekki var til svara á þessari síðu eða voru með fádæma dónalegu orðbragði.  Ég leyfi mér að benda á að Bjarki er með fimm athugasemdir, Heiða fjórar og Jón Kr. eina.  Viljið þið gott fólk ekki aðeins hægja ferðina draga andann og helst alla vega reyna að vera málefnaleg.

[Jón Kristófer Arnarson, 8.9.2009 kl. 09:22]

En Þór, þú tókst út athugasemdír hér er það ekki? 

[Jón Kristófer Arnarson, 8.9.2009 kl. 09:23]

Nú jæja, ég sé að ég er ekki í banni lengur hér á þessari síðu, vil þakka háttvirtum þingmanni fyrir það.

[Ásthildur Jónsdóttir, 8.9.2009 kl. 10:22]

Málefnaleg Þór?  Ég lagði fram spurningu af því ég vildi heyra útfærsluna á þessari auðlindaleigu sem þú hefur hugsað fyrir þér og átti von á að fá svar um til dæmis áratugafjöldann sem þú hafðir í huga eða hvernig útboðið ætti að fara fram. 

Lestu endilega hvernig þú svaraðir og segðu mér hvað er að vera málefnalegur í þínum huga.  Eða það sem væri enn betra, svaraðu spurningunni þannig.

[Jenný Anna Baldursdóttir, 8.9.2009 kl. 10:38]

Eitt er að taka út athugasemdir kæri þingmaður, annað að loka fólk.

Tvennskonar aðgerðir.

[sandkassi (IP-tala skráð) 8.9.2009 kl. 11:15]

Saari heilkennið er í ætt við kúariðu og og hafa sumir vilja tengja fyrirbærið við Creutzfeldt-Jakob disease. Ekki er þó um krónískan sjúkdóm að ræða. Undarlegir kippir fara um sjúklinginn og hann riðar og tifar í sífellu. Ekkert kemur upp úr sjúklingnum af viti þar sem að skammtímaminnið er alveg farið. Sjúklingurinn hugsar og talar aðeins um einn hlut og það er Þór Saari. Hann kennir Þór um öll sín vandræði, offitu, þunglyndi, vont veður, slæma matarlyst, niðurgang, atvinnuleysi. Þá eru dæmi um að fimmtugir menn og konur byrji að rífast yfir mannvonsku foreldra sinna eða makanum sem fór út í mjólkurbúð fyrir 10 árum síðan og hefur ekki en komið til baka.

Greind er þegar hér er komið við sögu á mjög lágu stigi eða milli 30 og 40 sem er svipað og mælist hjá ýmsum apategundum. Á lokastigi er heilastarfssemin orðin alveg unidirectional og getur sjúklingurinn þá flokkast sem "Flatliner".

Þrátt fyrir að ekki sé um krónískan sjúkdóm að ræða eru batahorfur fremur litlar.

Hér til hliðar má sjá waveform sem sýnir enga heilastarfssemi. Samt er sjúklingurinn á lífi þótt ótrúlegt megi virðast.

[Gústa (IP-tala skráð) 8.9.2009 kl. 22:19]

Gunnari Waage dæmir sig sjálfur, það er nokkuð ljóst, verst að hann komst aldrei í náhirð Davíðs því alvöru síkófantar vilja jú víst alvöru síkópata en Davíð hefur eflaust átt nóg af síkóföntum og Gunnar því valið sér Þór.

[Trausti (IP-tala skráð) 8.9.2009 kl. 23:15]

Hvað er í gangi hjá BH.Ég spyr bara hverjir standa á bak við þetta.

[Þorsteinn Ingimarsson (IP-tala skráð) 8.9.2009 kl. 23:17]

hefur klækjapólitíkusinn þór saari eitthvað fram að færa í pólitík? slær hann ekki endalaus vindhögg og ætti að segja af sér þingmennsku og yfirgefa alþingi. Fyrst hljóp hann á sig þegar nágranni hans reif húsið sitt og ætlaði að kenna efnahagshruninu um. Þegar seinna kom í ljós að fjármál hans tengdust glannaskap og sá hafði að auki svindlað á viðskiptavinum sínum. Og svo farsann í kringum ESB atkvæðagreiðsluna þar sem hann gekki á bak orða sinna, en þá aumu sögu þekkja flestir.

Egill Helga hefur áður komið sauð inná þing, bjarna harðarssyni sællar minningar. því miður ætlar annar skjólstæðingur egils að fara nkl. sömu leið.

[Þór Saari, 9.9.2009 kl. 01:09]

Ja hérna.  Þessi bloggfærsla hlýtur að fara að verða Íslandsmet í fáránleika.  Ég mun reyna að selja hana til félagsvísindadeildar HÍ með manni og mús.  Egill Helga orðinn smali, ég og Bjarni Harðar orðnir sauðir og einhver nágranna minna búinn að rífa húsið sitt.  Áðan þegar ég kom heim voru þau öll uppistandandi en hlutirnir eru greinilega farnir að gerast hratt.  Best ég fari út og jarmi á þetta.

[hilmar jónsson, 9.9.2009 kl. 01:34]

Ég get ekki annað en tekið udir þjá þeim sem hér kommentera um hrokann í þér Þór. Og farinn að tala um leigu á auðlindum til útlendinga..

Hræddur er ég um að drjúgt hafi saxast á það fylgi sem þú varst með upphaflega.

[Arnór Valdimarsson (IP-tala skráð) 9.9.2009 kl. 02:01]

Það er alltaf arfa fyndið þegar grjót harðir samspillingar fylgismenn, ryðjast fram á ritvöllinn, og reyna að sverta ímynd þeirra þingmanna sem standa sem harðast í þessari stjórn við að koma klafa og sínum eigin mistökum á þjóðina.

Klafa af stjórnarfarslegum mistökum (reyndar með fullum ásetningi í mínum huga, þar til óháð rannsókn sannar annað)  og stærsta þjófnað Íslandssögunnar sem þessari Ríkisstjórn finnst sanngjarnt að börn okkar og barnabörn borgi þegjandi og hljóðalaust. Klafa sem samspillingin átti þátt í ásamt, sérstaklega Sjálfstæðisflokki og Framsókn.

Nei það er augljóst að þeir sem styðja samspillingar 4flokka klíkuna, sem hefur ekki nokkurn vilja að Borgarahreyfingin nái að koma á þeim lýðræðisbótum sem þessi kúgaða þjóð 4flokka ólíðræðis þarfnast. Koma til með að finna þingmönnum þeirra alt til foráttu.

Það hugnast nefnilega als ekki innstu klíkum 4flokkana, sem hafa skipt með sér auðæfum þjóðarinnar hingað til, (og eru enn að reyna) að þjóðin fái fram þær líðræðis breitingar sem stefna BH er svo skýr á. Og kemur til með að taka af þeim völdin.

Né heldur:

1. Tafarlaust verði sett í gang opinber rannsókn undir stjórn erlendra sérfræðinga á hruni íslenska efnahagskerfisins.  Samhliða því verði sett lög sem leyfa ógildingu allra fjármálagerninga undanfarinna tveggja ára, þ.m.t. gerninga skilanefnda bankanna, og í undantekningartilfellum lengra aftur í tímann ef sýnt þykir að um óeðlilega gjörninga hafi verið að ræða.

 Alt of nærri stjórnmálamönnum 4flokkana eru glæponarnir og sumir eflaust sitjandi eða fyrrverandi þingmenn og/eða ráðherrar.

Þess vegna verður aldrei sátt hér á landi, fyrr en utanaðkomandi sérfræðingar, fara sérstaklega í gegn um sök eða aðkomu pólitíkusa hér á landi að hruninu. þjóðarinnar vegna og einnig þeirra pólitíkusa sem ekki  eru sekir.

[Sigurður Þórðarson, 9.9.2009 kl. 07:00]

Nú hef ég lesið athugasemdirnar og gefur það (Saari heilkennið) mér tilefni til að rifja upp mengjafræðina. Það liggur ljóst fyrir að Saari heilkennið er pólitískt- félagslegt og heilbrigðisvandamál.  Þessi áhugaverðu mengi eru einstök en geta jafnframt verið  sam- og hlutmengi í hvert öðru. 

Ef við værum ekki á niðurskurðatímum myndi ég leggja til að það yrði samvinnuverkefni stjórnmála- félagsvísinda- lækna  og stærðfræðideildar HÍ að greina vandann. 

[Árni (IP-tala skráð) 9.9.2009 kl. 08:48]

Jæjja, búið að taka Margréti fyrir vegna einkapóstsins. Þá er Þór Saari næstur.

Ætli þetta fólk hér sem er að setja inn athugasemdir geri sér grein fyrir því hverskonar skaði þetta er fyrir borgarahreyfinguna.

rifrildið og vælið komið inn á dv.is

dapurlegt, mundi skilja Þór ef hann lokaði algjörlega fyrir athugasemdir við þessa færslu. Er ekkert nema slæmt fyrir hreyfinguna.

[Jón Kristófer Arnarson, 9.9.2009 kl. 09:18]

Árni, það má vel vera að það sé ekki gott að taka þessa umræðu hér á blogginu og ég get verið sammála því.  En annar vettvangur hefur ekki boðist þar sem Þór mætir ekki á félagsfundi hjá hreyfingunni. Í lýðræðislegum stjórnmálahreyfingum myndi svona umræða fara fram á þessháttar vettvangi.

Ástæðan fyrir því að þessi þráður spannst upp voru orð Þórs í lok þáttarins sem hann vísar til og snertir það tvö mál.

1.  Samkvæmt stefnu Borgarahreyfingarinnar þá er megin reglan sú að auðlindir eigi ekki að framlengja en sé það gert engu að síður skuli það aðeins gert til skamms tíma. 

Á síðastliðin fimmtudag var svo haldinn félagsfundur um orkumálin og söluna á hluti OR í HS orku.  Þar var í ályktun harðlega gagnrýnt að framleigja skuli orkuna til áratuga. 

Í þessu viðtali kemur svo Þór og talar um að það eigi að framleigja nýtingarrétt á öllum auðlindum áratugi fram í tímann, með alþjólegum útboðum.  Ekki bara orkuauðlindir heldur einnig aðrar auðlindir svo sem fiski- og hvalastofna.  Það varð mörgum brugðið við þessi orð.  Held reyndar að í öllum öðrum flokkum hefði þetta vakið upp enn harðari viðbrögð en raunin er í Borgarahreyfingunni.

2.  Hinn punkturinn eru þau orð sem Þór lét falla um frambjóðendur í stjórn Borgarahreyfingarinnar þar sem hann talaði um að það fólk vildi ganga gegn hugmyndafræði Borgarahreyfingarinnar og stofna flokkseigendafélag.  Auk þess sem fleiri niðrandi orð voru látin falla um frambjóðendur til stjórnar.  Þetta vakti einnig viðbrögð.  Þá voru þessi orð blaut tuska framan í þá sem vilja ná sáttum í hreyfingunni og forðast átök á opinberum vettvangi.

Ég endurtek að ég held að í öllum öðrum stjórnmálahreyfingum hefði svona ummæli verið ávísun á harðar deilur.  Svo hefur þó ekki orðið innan Borgarahreyfingarinnar að neinu marki.  Sennilega vegna þess að fólk er orðið langþreytt á deilum innan hreyfingar og hroka þingmanna gagnvart þeim sem leyfa sér að gagnrýna.  Einnig hitt að nú er stutt í landsfund þar sem væntanlega gefst tækifæri til að fara yfir þessi mál.

[Þór Saari, 9.9.2009 kl. 09:52]

Sæll Jón.  Stefna Borgarahreyfingarinnar í auðlindamálum er:

"Allar náttúruauðlindir verða í þjóðareigu og óheimilt að framleigja þær nema tímabundið og þá aðeins með viðurkenndum og gagnsæjum aðferðum þar sem fyllsta jafnræðis er gætt."

Þannig að fyrsta atriðið í athugasemd þinni hér fyrir ofan er beinlínis rangt.  Ég segi heldur ekki að það eigi að framleigja nýtingarrétt á öllum auðlindum áratugi fram í tímann með alþjóðlegum útboðum, það er einnig rangt hjá þér Jón.  Hvað varðar punkt 2 þá er mjög margt í þeim tillögum að samþykktum sem komnar eru fram sem gera Borgarhreyfinguna miðstýrða og mjög í anda hefðbundinna stjórnmálaflokka.  Hópur fólks hefur lýst sig hlynntan því og boðið sig fram í stjórn á þeim forsendum.  Ég persónuleg tel þetta ekki farsæla leið en sé ekki hvað er niðrandi við að minnast á það, þetta heitir einfaldlega að vera ósammála á málefnalegum forsendum.

Eins og ég hef sagt áður þá er þessi bloggfærsla merkileg þó ég átti mig ekki á hvert fólk er að fara í tengdum athugasemdum, en þetta er nú einu sinni blogg og kannski varasamt að gera of miklar kröfur.

[Jón Kristófer Arnarson, 9.9.2009 kl. 10:24]

Þá verð ég að taka þessi orð þín í þættinum sem mismæli og léttir stórum.  Þú segir þar klárt og skýrt að nýtingaréttur auðlinda skuli boðinn út til áratuga á alþjóðlegum mörkuðum.  Það gengur augljóslega þvert á þessa stefnu sem þú vísar í og ekki síður ályktun félagsfundar.

Auðvitað mátt þú gagnrýna þá sem bjóða sig fram og þau drög að samþykktum sem unnar hafa verið í hópastarfi innan hreyfingar.  En ef raunverulegur vilji er til þess að ná sáttum innar hreyfingar þá mætti gera það án þess að tala niður til fólks eða gera þeim upp hvatir sem enginn fótur er fyrir. 

Þá getur þú tæplega fyrirfram haldið því fullyrt (líkt og í þættinum) að þær tillögur sem komnar eru fram til að efla lýðræðisleg vinnubrögð innan hreyfingar, njóti ekki fylgis.  Þessar tillögur hafa verið unnar undir stjórn Jóns Þórs, sem var framkvæmdastjóri hreyfingarinnar í kosningabaráttunni og þekkir því manna best hvaða hugmyndir lágu þá að baki.  Einnig hefur hver sem er haft leyfi til að koma að þessari vinnu með beinum hætti.  Auk þess sem tillögurnar hafa nú legið frammi nokkurn tíma og allir þeir sem vilja geta komið þar með athugasemdir.

[Örn (IP-tala skráð) 9.9.2009 kl. 11:07]

Eru VG að gera byltingu í Borgarafloknum einsog flokkurinn gerði fyrir utan Alþingishúsið til að knýja fram kosningar til að komast í ríkistjórn. Hér er verið að níðast á einum manni og ég spyr hverjir hagnast á því? VG?

[Jón Kristófer Arnarson, 9.9.2009 kl. 11:14]

Ég myndi nú ekki orða það þannig Örn að Þór væri að níðast á mér eða öðrum frambjóðendum þó hann hafi farið með rangt mál í umræddum þætti (sbr. lið 2 hér að ofan).

En hér er það sem Þór sagði í umræddum þætti um tekjuöflun og framleigu auðlinda svo það sé bara á hreinu:

Það eru til ótal tekjuöflunarleiðir fyrir ríkissjóð sem hægt er að nýta ef að menn vilja.  Ein af þeim er meðal annars sala á aðgangi á auðlindum.  Við erum ný búin að hafhenda hér Kristjáni Loftssyni veiðileyfi á hundrað og eitthvað hvali, sem að kosta stór fé.  Auðvitað á að bjóða þessi veiðileyfi út á alþjóða markaði og leyfa hverjum sem er að kaupa þau og fá þannig tekjur fyrir ríkið.  Það er innbyggt í slíkar markaðslausnir allur kostnaður sem fellur til við þau störf sem verða til á Íslandi.  

 

Þetta er hægt að gera við allar aflaheimildir.  Það er hægt að bjóða þær út á alþjóða markaði með því fororði að það þurfi að landa öllum afla á Íslandi.  Þannig fást auðvitað tekjur fyrir ríkissjóð.  Það á ekki að vera að útdeila þessu ókeypis.

 

Það sama á við vatnsaflsvirkjanirnar.  Hér höfum við Kárahnjúkavirkjun sem framleiðir x mörg megavött á ári.  Hvað viljið þið borga fyrir þessa raforku og það á ekki að skilyrða það við eitthvað eitt ákveðið fyrirtæki.  Það á að leyfa mönnum að bjóða í það á alþjóða skala, leyfa mönnum að gera framvirka samninga til nokkurra ára eða áratuga í senn.  En þarna eru komnar leiðir sem má nýta í miklu meira mæli.

 

Þetta að vera að leggja tekjuskatt til dæmis á fyrirtæki er mjög vafasamur bissniss, ég meina fyrirtæki myndu þá bara fara í fjárfestingar sem þau myndu ekki annars fara í til að sleppa við að greiða skattfé.  Þau geta manipulerað skattinn sem þau þurfa að greiða.  Það er ekkert endilega vænleg leið til að afla tekna  að skattleggja hagnað.  Miklu frekar að skattleggja veltu þeirra með einhverri lágri prósentu og leyfa þeim síðan að nota hagnaðinn eins og þeim sýnist.

[sandkassi (IP-tala skráð) 9.9.2009 kl. 11:22]

"nýtingaréttur auðlinda skuli boðinn út til áratuga á alþjóðlegum mörkuðum.  Það gengur augljóslega þvert á þessa stefnu sem þú vísar í og ekki síður ályktun félagsfundar."

Jón Kr. mér þykir þú bjartsýnn að ætla að umbylta alþjóðlegum viðskiptaháttum og venjum með ályktun "félagsfundar" Borgarahreyfingarinnar, ertu ekki komin svona aðeins fram múr sjálfum þér?

Hefur þú eitthvað kynnt þér þessa viðskiptahætti eða hefurðu fyrst og fremst kynnt þér ályktannir félagsfunda XO?

Ekki sýnist mér það. 

[Örn (IP-tala skráð) 9.9.2009 kl. 11:27]

Þetta er alveg rétt hjá Þór það á ekki að gefa auðlindirnar einsog gert hefur verið hingað til. Spillingin hefur meðal annars gengið út á það að stjórnmálamenn hafa gefið auðlindir þjóðarinnar og feingið fyrir gott klapp á bakið og peninga.Íslenska þjóðin á engan fiskikvóta heldur nokkrir útvaldir menn. Ég er sammála Þór.

[Lísa Björk Ingólfsdóttir, 9.9.2009 kl. 11:51]

Nú legg ég til að Jón Kristófer fari aðeins að kynna sér hagsögu Íslands áður en hann heldur áfram þessu tuði. Rétt eins og Örn segir hér að ofan þá hafa auðlindir okkar hingað til verið nánast gefnar frá sér. Fiskurinn til fárra einstaklinga innanlands, orkan til erlendra álvera á Íslenskri grundu í gegnum Landsvirkjun. Raddir hafa verið um að orkan hafi verið seld mjög lágu verði til þessara aðila. Þegar álverið í Straumsvík var byggt var gerður langur samningur.  Í raun er það eðli viðskipta á þessu sviði að samningar séu langir því annars væri ekki farið í þessar framkvæmdir.  Fyrirtæki leggja ekki í þann kostnað sem fylgir því að setja á stofn orkukrefjandi iðnað öðruvísi en að hafa samning þess eðlis að rekstraröryggi þeirra sé tryggt.

Það er orðið langt síðan ég var að skoða mál álvera á Íslandi og sögu þeirra, en ég bendi þér á bókina Haglýsing Íslands og greinar sem tengjast upphafi orkusölu á Íslandi. Þá muntu verða vísari um þessi mál og um hvað nákvæmlega þú ert að tala.

Að framleigja með opnu og viðurkenndu ferli þær dýrmætu aulindir sem við eigum er einmitt mikilvægt. Og að gera það á opnum markaði fyrir opnum tjöldum. Ekki bak við luktar dyr eins og tíðkast hefur hingað til. Við Íslendingar höfum ekki bolmagn til að standa fyrir uppbyggingu orkufreks iðnaðar sjálf. Til þess þarf mikið fjármagn. En það fjármagn sem við fáum fyrir það að skaffa orku getum við nýtt til að byggja upp rekstur og atvinnu innanlands á öðrum sviðum.

Ég vil líka benda á að hérlend útgerðarfyrirtæki kaupa aflaheimildir erlendis frá t.d. til eins árs í senn. Það er arðbært fyrir okkur. Ef hægt væri að stuðla að útleigu aflaheimilda hér til erlendra jafnt sem innlendra útgerða á opnum gagnsæjum markaði væri það mjög til bóta. Nú eru þessar heimildir í eigu fárra útgerða og einstaklinga sem fara með þessar auðlindir eins og þeir vilja. Utan þess að vera búnir að veðsetja þær í topp. Sú breyting sem Þór bendir á væri til þvílíkra umbóta á þessu sviði og hefur einmitt verið baráttumál okkar til margra ára.

Þór veit alveg hvað hann er að segja með þessum orðum sínum. Og þau eru í fullkomnu samræmi við stefnu BH og almenni viðskiptahætti. Og mun betra en það kerfi sem nú tíðkast hér á landi. Ég fagna þessari rödd, margir hafa beðið eftir henni.

[sandkassi (IP-tala skráð) 9.9.2009 kl. 12:05]

Það veldur mér hreinlega áhyggjum hve illa að sér þú ert Jón Kr. raunar veldur það mér áhyggjum að þú skulir vera varaþingmaður miðað við alla drulluna sem oltið hefur upp úr þér að undanförnu hér á blogginu.

Ég hef séð þig leggjast svo lágt að líkja þingmönnum Borgarahreyfingarinnar við hunda. Þetta er ekki varaþingmanni sæmandi.

[sandkassi (IP-tala skráð) 9.9.2009 kl. 12:18]

Lýðskrum og ekkert annað. Lýðskrum.

[Arnór Valdimarsson (IP-tala skráð) 9.9.2009 kl. 12:56]

Hvaða einelti er hér í gangi eiginlega, af fjórum af postulunum?

Þarf maður að koma með lagabreitingartillögur um einelti, á landsfund?

Nei, ég held að það sjái allir vitibornir menn (og konur) að þetta fólk á ekki heima í stjórn.

Þarna talar Þór greinilega um að hámarka tekjur þjóðarinnar af auðlindum okkar, á gegnsæjan og sangjarnan hátt. Er það ekki forgangs verkefni núna? Fyrri Ríkisstjórnir hafa með lokuðum prívat samningum við hina og þessa haft af okkur stórfé. Og meðal annars gefið kvótann. Að hártogast um hvort leigusamningur sé til 3ja, 10ára eða 20. Er fáránlegt. Þessar auðlindir okkar eru til staðar, eigum við að halda áfram með gömlu samningana eða setja lög sem neiða þá upp á yfirborðið og fá síðan fullt verð fyrir þjóðina?

Jón Kristófer, eigum við ekki að láta landsfund skera úr um hvort þið séuð með einhverja flokkseigenda tilburði. Og ætlið t.d. að halda skipuriti ykkar 12, til streitu um  alvald stjórnar á milli Landsfunda.

[Jón Kristófer Arnarson, 9.9.2009 kl. 13:33]

Mér finnst svolítið merkilegt að Gunnar Waage, verandi meðlimur í Heimsýn, hafi ekki áhyggjur af framleigu veiðiréttar til útlendinga.  En í sjálfu sér er ég ekki að ræða þau mál hér, það er kosti og galla framleigu á náttúruauðlindum, heldur einungis að benda á að það er ekki samræmi milli stefnu XO og málflutnings Þórs í þessum efnum.  Er þó ekki að skorast undan umræðum um þessi mál ef staður og stund gefst.  Bið þó menn að íhuga hvaða afleiðingar slík útboð gætu haft varðandi nýtingu tugmilljarða fjárfestingu í innlendum sjávarútvegi og aðbúnað og laun sjómanna svo eitthvað sé nefnt.  Af hverju gat Impregilo boðið lægra en Norræn fyrirtæki í framkvæmdir við Kárahnjúka?  Hvaða áhrif hefði það á langtímahagsmuni hér á landi ef þekking á fiskveðum flyttist úr landi?  Hvaða áhrif gæti það haft á verð á raforku innanlands ef nýting orkunnar og sala væri framleigð til erlendra aðila sem hefðu einokunaraðstöu hér á landi?  Man einhver eftir konu sem kölluð var Frú Margret Thatcher?

Arnór.  Ég hef starfað í þó nokkrum félögum og lesið samþykktir margra félagasamtaka, hlutafélaga osfr..  Ég held að ég megi fullyrða að eitt sé sammerkt með þessum samþykktum öllum.  Æðsta vald félagsins er aðalfundur og stjórn fer með vald félagsins milli aðalfunda.  Þetta er nánast stöðluð grein í öllum samþykktum.  Í frjálsum félagasamtökum á er þetta þó ekki eitthvað boðvald og ég held að engum detti í hug að í tillögum Jóns Þórs felist að stjórn eigi að ráða yfir þingmönnum.  Þetta vald er falið í því að stýra starfseminni og tryggja eðlilegar boðleiðir en upp á það hefur vantað innan Borgarahreyfingarinnar.

[sandkassi (IP-tala skráð) 9.9.2009 kl. 13:45]

Ég hef áhyggjur af því þegar að þessi viðskipti eru ekki gagnsæ, raforkuverð fæst ekki upp gefið ect. En ég er ekki á þeirri skoðun að Íslendingar séu betur til þess fallnir að fara fyrir fjárfestingum sem þessum. Engan vegin.

Heimssýn berst gegn Evrópusambandsaðild af mjög mörgum ástæðum. Eðlilegir arðbærir samningar um nýtingarrétt eins og þann sem hér er fjallað um, eru ekki meðal þeirra barráttumála.

Þó að svo sé í vissum málum þá áskil ég mér alltaf rétt til þess að vera á móti vissum áherslum hvort sem er í HH eða annars staðar.

En af hverju þú sem varaþingmaður ert á bloggi út um allar trissur hraunandi yfir sitjandi þingmenn, hefur ekkert með mínar skoðannir á þjóðmálunum að gera. Það veltir hins vegar upp þeirri spurningu hvort þú þyrftir ekki að kannast við þinn vitjunartíma í pólitík. Ég leyfi þér að hugsa það mál og býst ekki við svari hér, enda myndi ég ekki telja svarið marktækt undir þessum kringumstæðum.

[Arnór Valdimarsson (IP-tala skráð) 9.9.2009 kl. 14:04]

Jón Kristófer ég er ekkert að tala um tillögur Jóns þórs, lærðu að lesa drengur og svaraðu ekki eins og Framsóknarpólitíkus, öllu í suður þegar spurður í norður.

Ég var að tala um skipurit ykkar postulanna. Hef reyndar reynt að spyrja bæði þig og Bjarka hvort þið hyggist ætla að bera fram breitingartillögur í þá átt sem skipuritið er. En báðir hafiði vikist undan spurningunni. (eruði ekki í framboði) Ég get ekki stutt svona pólitíkusa.

[Jón Kristófer Arnarson, 9.9.2009 kl. 14:09]

Kannast ekki við að hafa hraunað yfir þingmenn Borgarahreyfingarinnar.  Vísa því á bug.  Þvert á móti hef ég margoft hælt þeim og þeirra störfum hér á blogginu og gagnrýnt annað.  Hef auk þess bréflega boðið formanni þinghóps að mæta á fund þeirra hvenær sem þau óska gegn því skilyrði að þar hafi ég málfrelsi.  Það tilboð stendur enn.

Með fullri virðingu fyrir síðueigenda þá finnst mér það nú eiginlega vera á hinn veginn að hann hafi svarað mínum málefnalegum athugasemdum með nokkrum þótta, en þar getur hver dæmt fyrir sig.

[Jón Kristófer Arnarson, 9.9.2009 kl. 14:16]

Arnór.  Skipuritið sem ég held að þú sért að tala um er fyrst og fremst myndræn framsetning á hugmyndum Jóns Þórs og félaga.  Gengur út á að stjórn fari með æðsta vald félagsins milli aðalfunda, líkt og í flestum ef ekki öllum félögum. 

Það felur þó ekki í sér að stjórn hafi boðvald yfir þingmönnum, enda stjórnarskrárvarin réttindi þeirra að fara eftir eigin samvisku.  Skipuritið gengur út á að gera starfið innan hreyfingar skilvirkara og að auka þátttöku þingmanna í því starfi. 

Ég hef ekki í hyggju að bera upp breytingartillögur við þetta skipurit því ég tel það til mikilla bóta fyrir starfsemina í félaginu.  Ekki síst vegna þess að með því þá færist vonandi umræða um innri málefni af bloggsíðum og yfir á samráðsfundi.  Það teldi ég til mikilla bóta.

[sandkassi (IP-tala skráð) 9.9.2009 kl. 14:22]

jæja góði, ég gæti svo sem týnt til og sett hér inn sum af þínum ummælum sem hafa fallið í takt við síðbúnar kosningaræður þínar inn á eigin bloggsíðu. Ég ætla að hlífa landsmönnum og því sem kannski stendur eftir af XO við þeirri lesningu. 

Hvað þú kannast við og hvað ekki hugsa ég að sé nokkuð fjarri því sem getur talist í anda þeirra sem gerðu þau mistök að kjósa þig.

[Lísa Björk Ingólfsdóttir, 9.9.2009 kl. 14:37]

Jón Kristófer - þetta er svona svipa skipurit og var í eignarhaldsfélögum bankanna:) Stjórn með svona vald getur verið stórhættuleg eins og hefur sýnt sig í íslensku samfélagi. Enda lítið eftir af hlutafélögum á landinu.

[Arnór Valdimarsson (IP-tala skráð) 9.9.2009 kl. 14:41]

Ertu að grínast í mér. Eða misskilurðu alt í ræðu og riti, eins og t.d. orð Þórs í viðtalinu?

Spurningin var einföld en ég skal endurorða hana   h    æ   g   t  .

Ætlið  þið að bera upp Lagabreitingartillögu á landsfundi, við fram komnar tillögur Jóns þórs, svo að skipurit það sem þið hafið sett fram samrýmist hans tillögum?

Ég var ekki að spurja um breitingartillögur við skipuritið sjálft. Það er ykkar túkun á tillögum Jóns Þórs og ég er ekki sammála þeirri túlkun.

[sandkassi (IP-tala skráð) 9.9.2009 kl. 14:48]

það þíðir náttúrulega ekkert að halda uppi samtali við þennan grjónagraut.

[Jón Kristófer Arnarson, 9.9.2009 kl. 14:51]

Arnór, ég tel skipuritið sem um er fjallað í fullu samræmi við tillögur Jóns Þórs og félaga og ætla því ekki að flytja um það breytingartillögur. 

Ef þú lest athugasemd Þórs hér að ofan (nr. 59 hafi Þór ekki eytt athugasemdum nýlega) þá sérðu að hann reyndar leggur sama skilning í þetta og ég.  Hann útskýrir þar ummæli sín um að 12 menningar vilji koma á flokksræði á þann hátt að okkar stefna sé í anda tillagna Jóns Þórs.

[Lísa Björk Ingólfsdóttir, 9.9.2009 kl. 14:51]

Afsakaðu Jón Kristófer, en ef þú hefur setið í stjórn svona margra hlutafélaga og félaga þá skil ég betur af hverju fyritækin í landinu eru stödd í þessum vanda............

[Lísa Björk Ingólfsdóttir, 9.9.2009 kl. 14:56]

Fyrirgefðu, sé það við nánari athugun að þú segist nú ekki beint hafa setið í stjórn. En má ég spyrja. Þekkirðu fræðin á bakvið skipurit. Þau koma ekki fram í samþykktum félaga.

[Jón Kristófer Arnarson, 9.9.2009 kl. 14:59]

Ég þakka ykkur ágætu hjónum fyrir málefnalega umræðu og lausa við það skítkast sem þið gagnrýnið svo mjög og tek þá á mig minn hluta ábyrgðar á hruninu.  Ég sé það nú að ástæða þess að hér er allt komið til fjandans í íslensku efnahagslífi er sú að í samþykktum félag finnst gjarnan sú klausa að stjórn fari með æðsta vald milli aðalfunda.  Þarna er líka sennilega komin skíringin á heimskreppunni, því þetta tíðkast einnig í öðrum löndum.´

Vil einnig vitna í fyrrverandi forsætisráðherra, Steingrím Hermannsson, þegar hann sagði; mér finnst grjónagrautur góður.

[sandkassi (IP-tala skráð) 9.9.2009 kl. 15:03]

það er nú fullvíst að hann fjallaði ekki um þennan grjónagraut og í raun er það klámfengin málflutningur að þú skulir vitna í sjálfan Sverri Hermannsson máli þínu til stuðnings þar sem að hann var hugsjónamaður en ekki flokksdindill.

En þú átt nú en eftir að útskýra það hvað grjónagrautur sé að gera í pólitík. Ég læt þig um að útskýra það fyrir sjálfum þér.

[Þór Saari, 9.9.2009 kl. 15:05]

Jæja gott fólk. Er ekki kominn tími á smá hlé.  Legg til að þið kynnið ykkur nýjustu færsluna á síðunni um uppruna fánans merkilega.

Þakka ykkur kærlega fyrir innlitið, og munið, það er alltaf opið.

[Arnór Valdimarsson (IP-tala skráð) 9.9.2009 kl. 15:14]

Nú ertu farinn Jón Kristófer að leggja Þór orð í munn.

Hann minnist reyndar ekkert á Jón þór, eingöngu á tillögur sem fram eru komnar.  Kanski er hann að tala um glæru sýninguna ykkar. Sem vissulega verða að skoðast sem framkomnar tillögur og ykkar forsendur, þetta eru jú að mínu mati ykkar kosninga loforð ekki satt? Og um margt eru þær öðruvísi en tillögur Jóns Þórs.

Þetta sagði hann reyndar sem vert er að endurtaka:

 "Hvað varðar punkt 2 þá er mjög margt í þeim tillögum að samþykktum sem komnar eru fram sem gera Borgarhreyfinguna miðstýrða og mjög í anda hefðbundinna stjórnmálaflokka.  Hópur fólks hefur lýst sig hlynntan því og boðið sig fram í stjórn á þeim forsendum.  Ég persónuleg tel þetta ekki farsæla leið en sé ekki hvað er niðrandi við að minnast á það, þetta heitir einfaldlega að vera ósammála á málefnalegum forsendum."

[Arnór Valdimarsson (IP-tala skráð) 9.9.2009 kl. 15:17]

Sammála þór.

Þetta er flottur fáni.

[sandkassi (IP-tala skráð) 9.9.2009 kl. 15:57]

Tek undir það Þór, þetta er búið mál.

[Sigurður Þórðarson, 9.9.2009 kl. 20:23]

Vegna gagnrýni sumra á framsal náttúruauðlinda þá hljómar sú gagnrýni hol úr munni þeirra sem leynt og ljóst stefna að því að afhenda Brussel allt forræði yfir fiskimiðunum sem eru okkar helsta auðlind og tilheyra Íslandi í dag.

[sandkassi (IP-tala skráð) 9.9.2009 kl. 20:28]

Segðu