Atvinnumálin

Í dag fór fram umræða "utan dagskrár" sem kallað er en það er fyrirbæri þar sem þingmenn geta rætt við ráðherra um tiltekin mál.  Jón Gunnarsson Sjálfstæðisflokki hóf umræðuna og Katrín Júlíusdóttir iðnaðarráðherra var til svara.  Jón tilheyrir áliðjuvirkjana-armi Sjálfstæðisflokksins sem, þó eigi sér ákveðinn stuðning innan Samfylkingar, er þó á undanhaldi.  Rökin gegn virkjunum fyrir álver eru einfaldlega sterkari en svo að framhald geti orðið á.  Það eru margar aðrar leiðir til að virkja vinnuaflið sem er laust í dag eins og ég bendi á í þessum tveimur innleggjum mínum í umræðunni. Stuttur tími gaf ekki svigrúm fyrir frekari umræðu en mikilvægt er að hafa í huga að við höfum alla burði til að vinna bug á atvinnuleysinu sjálf og þurfum ekki "erlent fjármagn" og "erlenda fjárfesta" til.

Hvað um það, hér eru innlegg eitt og tvö.

Athugasemdir

[Gísli Ingvarsson, 10.3.2010 kl. 14:02]

Stuttur tími gafst til umræðu! Það var hægt að þvæla endalaust um Icesafe en svo er ekki hægt aðtala um það sem raunverulega getur skipt okkur máli til framtíðar.

[Jón G. (IP-tala skráð) 10.3.2010 kl. 20:24]

Gerum eitthvað annað eða margt annað!?!

Ein lausn er að taka fleiri ríkislán til þess að malbika vegi svo hægt sé að leggja meiri skatt/veggjöld á vegfarendur. Önnur lausn er að taka ríkislán til þess að búa til nýja Fjölmiðlastofnun. Hvað erum við annars að borg af erlendum lánum þessa dagana?

Horfumst í augu við raunveruleikann. Við höfum ekki efni á því að sleppa næsta álveri.

[Eva Sól (IP-tala skráð) 10.3.2010 kl. 21:38]

Ég held að álið sé ekki málið lengur. Við verðum að fara að horfa í aðrar áttir. Það er liðin tíð að það sé alltaf ein lausn við sama vanda.

Ef við ætlum að nota orkuna okkar verðum við að passa okkur. Við verðum líka að skoða aðrar atvinnugreinar sem eru orkufrekar og láta frekar reyna á þær en álið.

Í bili held ég að ríkið ætti að fara í mannfrekar aðgerðir eins og viðgerðir á skólum og öðrum stofnunum þar sem tiltölulega lítill efniskostnaður er en mikil vinna. Einnig þarf að nýta þessa menn sem enn eru í vinnu hjá Vegagerðinni - ég hef heyrt að þeir mæti í vinnu til að hanga og bíða, sumir koma og hengja jakkana sína á stólana og henslast svo fram eftir degi í algjöru aðgerðarleysi. Þetta gengur ekki og er mjög niðurbrjótandi fyrir þessa menn.

Hvað með alla þessa peninga sem sagðir eru í bönkunum?

[Sigurður Haraldsson, 15.3.2010 kl. 01:01]

Takk þór góð vinna.