Kúgun á þingmönnum, Ásmundur Einar Daðason

Sú fáheyrða staða kom upp á þingi í gær að einn þingmaður, Ásmundur Einar Daðason úr VG fór í ræðustól eftir að hafa gert athugasemd við fundarstjórn forseta og lýsti því yfir að hann hefði verið kúgaður til þess að taka nafn sitt af þingsályktunartillögu með nokkrum þingmönnum úr Sjálfstæðis- og Framsóknarflokki um tvöfalda atkvæðagreiðslu um ESB málið, þ.e. fyrst um aðildarviðræður og svo að þeim loknum (ef samþykkt) um aðildina.  Skilaboðin sem hann fékk voru að af hans völdum yrðu stjórnarslit sem væru honum að kenna og undir slíku stendur enginn einn þingmaður.  Hér var þess krafist af þingmanni að hann segði sig frá þingmáli sem hann studdi af eigin sannfæringu undir hótun um hrikalegar afleiðingar fyrir hann og hans flokk.  Hér er að sjálfsögðu ekki um neitt nýtt að ræða heldur einfaldlega í fyrsta skipti sem þingmaður hefur kjark til að fara í ræðustól Alþingis og segi frá því.  Mættu allir þingmenn taka Ásmund Einar til fyrirmyndar.

Í framhaldinu varð framhald á umræðunni um fundarstjórn forseta þar sem ég lagði til að í svo veigamiklum málum yrði athugað með að viðhafa leynilegar athvæðagreiðslur um svo viðkvæm átakamál.  Leynileg atkvæðagreiðsla er þó í raun skref aftur á bak í þingstörfum en þetta er e.t.v. spurning um að finna leið út úr þessum vanda sem skapast þegar þingmenn eru nánast barðir til hlýðni við mál sem þeim ekki líkar.  Þetta er ekki í fyrsta skipti sem þetta gerist og það eru fleiri innan VG sem eru í sömu stöðu og Ásmundur Einar.  Við sem erum ný á þingi erum oft hreinlega forviða á vinnubrögðunum sem þar eru í gangi og á Ásmundur heiður skilið fyrir að hafa kjark til þess að vekja máls á þessu.  Leynileg atkvæðagreiðsla er að sjálfsögðu afleit aðferð og í eðli sínu ólýðræðisleg en það er þá spurning hvort er skárra sem leið til að fá þó einhvers konar lýðræðislega niðurstöðu.  Annars vegar með frjálsri atkvæðagreiðslu sem yrði leynileg tímabundið, eða hins vegar með kúgaðri atkvæðagreiðslu sem er ekki alvöru lýðræðisleg niðurstaða.  Þá má hugsa sér að leynd af atkvæðagreiðslunni yrði létt eftir einhvern ákveðin tíma, t.d. við lok hvers þinghlés í janúar og september, svo eitthvað sé nefnt.

Eitt er víst að þingræðið er veikt og það þarf að skera það niður úr þeirri snöru sem það hefur hangið í allt of lengi og það þarf að auðvelda þingmönnum, sérstaklega stjórnarmegin hverju sinni, að vera trúir sinni sannfæringu.

Hér er svo hin stórmerkilega yfirlýsing Ásmundar Einars og innlegg mitt og okkar fólks, Margrétar og Birgittu.  Öll umræðan undir þessum lið er þó einnig áhugaverð.

http://www.althingi.is/altext/hlusta.php?raeda=rad20090710T114111&horfa=1

http://www.althingi.is/altext/hlusta.php?raeda=rad20090710T115929&horfa=1

http://www.althingi.is/altext/hlusta.php?raeda=rad20090710T121214&horfa=1

http://www.althingi.is/altext/hlusta.php?raeda=rad20090710T121420&horfa=1

Fyrr um morguninn hafði umræðan hafist undir liðnum um stjórn þingsins og þar gagnrýndi ég enn einu sinni vinnubrögðin sem viðhöfð eru á Alþingi og tæpti einmitt á þessari kúgun og því að þingmenn þurfa að fá að skipta um skoðum ef þeim finnst þeir hafi rangt fyrir sér.

http://www.althingi.is/altext/hlusta.php?raeda=rad20090710T105647&horfa=1

"Þegar ég hef rangt fyrir mér þá skipti ég um skoðun.  Hvað gerir þú?" sagði hagfræðingurinn John Maynard Keynes eitt sinn við einhvern viðmælenda sinn.  Þetta mættu þingmenn og fleiri hafa til hliðsjónar.

Svo er von á annarri færslu um ESB málið sem verið hefur unnið í alla vikuna.

Athugasemdir

[Arinbjörn Kúld, 11.7.2009 kl. 12:17]

Jebb, og hugurinn er eins og fallhlíf, virkar best opin!

[Jóhannes Reykdal, 11.7.2009 kl. 12:22]

Meðan að ástandið er svona er tilgangslaust að vera með 63 þingmenn á launaskrá, þegar að einn frá hverjum flokki dugir.

Burt með Flokkana.

[Margrét Sigurðardóttir, 11.7.2009 kl. 13:02]

Takk Þór fyrir skýra frásögn af afleitu ástandi. Mikilvægt er að fá svona upplýsingar frá fyrstu hendi um vinnulag á löggjafarsamkundu Íslendinga. Stjórnleysi, hótanir,  óheiðarleiki Steingríms sem segir í fréttaviðtali í einni og sömu setningunni að mikilvægt sé að þingmenn hlaupist ekki undan merkjum flokksins og hafi annað álit en að sjálfsögðu greiði þeir síðan atkvæði samkvæmt eigin samvisku!!!!!

[runar (IP-tala skráð) 11.7.2009 kl. 17:34]

Aumt er það ef ritskoðun er strax orðið viðurkennt og notað verkfæri nýrra og heiðarlegra þingmanna !!

Sérstaklega þykir mér það þungt því mér fannst síðustu kosningar vera það mikilvægar að ég keyrði 300 km til að gefa ykkar ágætu hreyfingu atkvæði mitt !!

Hvað var rangt, ósatt eða vont í horfna pistli mínum, minn kæri þingmaður ??

Ef þér finnst orðavalið í fyrri pistli óheflað, eða skoðun mín gangi ekki í takt við þig og félaga þína þá vil ég aðeins segja.... ef nokkurn tímann hefur þurft að segja sannleikann umbúðarlaust á okkar kæra landi þá er það Í DAG !! 

[Eiður (IP-tala skráð) 11.7.2009 kl. 23:02]

Þingmaðurinn sagðist hættur að taka þátt í umræðum  og  fór heim til að heyja !!

[Þór Saari, 12.7.2009 kl. 01:20]

Sæll runar (#6).

Ég tók út athugasemdina þína vegna þess að hún var óvægin, ósönn og orðljót árás á Ásmund Einar Daðason sem mér er ekki kunnugt um að sé til svara hér.  Ég hef ætíð látið óátalið skammir og jafnvel fúkyrðaflaum í minn garð á þessari síðu og það hefur aldrei hvarflað að mér annað en að halda athugasemdakerfinu opnu fyrir alla. Það er einfaldlega eitthvað sem fylgir þessum samskiptamáta og sem ég kann að meta og meðan menn eru ekki þeim mun ógeðslegri í málflutningi þá læt ég það óátalið og ég hef aðeins einu sinni þurft að fela athugasemd vegna mjög svo dónalegs orðbragðs.

Mér finnst hins vegar ekki rétt að gestir hér inni séu með ósvífinn fúkyrðaflaum í garð annarra á þessari síðu, réttmæt gagnrýni er hins vegar alveg sjálfsögð.

Kveðja,

Þór Saari

[Guðrún María Óskarsdóttir., 12.7.2009 kl. 03:09]

Innilega sammála þér Þór.

kv.Guðrún María.

[Halldór Egill Guðnason, 12.7.2009 kl. 03:58]

Ef þingmenn, sem kjörnir eru vegna eigin verðleika og hugsjóna, fá ekki að tjá vilja sinn í þinginu, er Alþingi ónýtt og nánast marklaust plagg í augum þjóðarinnar. Er stjórnarkreppa núna eitthvað verri en fyrir einhverjum mánuðum síðan? Við erum í djúpum skít og fólk á Alþingi er að rífast um hvort við eigum að ganga í ESB eða ekki!? Leggjum bara niður þessa niðurrifsstofnun Alþingi. Þar virðist varla heil brú halda lengur. Má fólk ekki lengur hafa skoðun? Haltu áfram að deila með þjóðinni hvernig kaupin ganga fyrir sig í þinginu. Það gleymdist nefnilega fyrir margt löngu, að ÞÚ og allir sem við Austurvöll vinna, eruð í vinnu hjá MÉR, en ekki öfugt.

[Sigurður Þórðarson, 12.7.2009 kl. 09:50]

Mér finnst ánægjulegt hvað margir af nýju þingmönnunum hafa staðið sig vel og vaxið með vanda hverjum. Af öðrum ólöstuðum langar mig að nefna þig, Birgittu og Ásmund. Mér segir svo hugur að kæmi til kosninga núna myndi Borgarahreyfingin vinna mikið á á kostnað Samfylkingarinnar sem hefur ekki beinlínis reynst þjóðholl.

[Guðmundur Jónsson, 12.7.2009 kl. 10:37]

Þetta er fín greining Þór og takk fyrir hana.

Það má samt ekki líta framhjá því að flokkarnir halda utan um meginstefnur sem hjálpar fólki sem hefur engan áhuga á pólitík að kjósa.  Eins má segja að þrístingur á þingmenn um að kynna sér betur þau mál sem fara geng stefnu flokkana eða stjórna verið til góðs. Þannig gæti verið að Ámundur sjá eftir að hafa stokkið heim í fússi.  Því stundum hefur meirihlutinn nefnilega rétt fyrir sér (meirihlutastjórnin í þessu tilfelli).

En ég er ánægður með bóndann.

[Solvi Kjerulf (IP-tala skráð) 12.7.2009 kl. 11:06]

Annað er að sjálfsögðu í boði fyrir þennan ágæta þingmann,en það er einfaldlega að ganga í sjálfstæðisflokkinn og vera þar,ekki virðist það standa í þessum manni ,að það er verið að féfletta launafólk á Íslandi með því að leyfa þjófahyskinu í sjálfstæðisflokknum að ráða því hvers virði þeir peningar eru, sem notaðir eru til að greiða verkafólki laun á Íslandi,eða er hann kannski hræddur um að skotleyfi landbúnaðar á neytendur verði fellt úr gildi!það gæti kannski komið við bóndahjartað.Það er eins og hver sjái sjálfan sig var eitt sinn sagt.

[Jón Aðalsteinn Jónsson, 12.7.2009 kl. 11:31]

Sölvi hvað hefur verðgildi krónunar minkað mikið síðan Harde stjórnin var hrakin frá völdum í ólöglegri stjórnarbyltingu sem við nú súpum seyðið af

[Sigurður Þorsteinsson, 12.7.2009 kl. 11:45]

Ásmundur vildi þjóðaratkvæðagreiðslu um það hvort við vildum fara í aðildarviðræður. Þar sem afstaða Ásmundar er alveg skýr sé ég ekki hættuna á því að hann væri meðflutningsmaður að tillögu um þjóðaratkvæðagreiðslu. Mér er jafn mikið hulin ráðgáta að Borgarahreyfingin sem telur sig koma með ,,þjóðina á þing" styður ekki að málið sé borið undir þjóðina. Svona stuttu eftir kosningar er málið orðið ,, of flókið" fyrir þjóðina.

[runar (IP-tala skráð) 12.7.2009 kl. 12:32]

Takk fyrir svarið Þór.

Það er vissulega rétt að fyrri pistill minn var harðorður. En ég er þó það mikill kjáni að ég verð kjaftstopp þegar þingmaður viðurkennir það að hann fylgi ekki sannfæringu sinni, heldur gerir hann aðeins það sem  húsbóndinn leyfir honum um að gera.

Minnir óneitanlega á dýr sem gengur um í bandi og dillar skottinu þegar eigandinn sendir honum bros, ætli steingrímur hafi með sér poka þegar þeir fara saman út að ganga ??

Þetta get ég einfaldlega ekki skilgreint sem hetjudáð, svona er maður nú skrítinn...

Aftur á móti ef Ásmundur hefði staðið fast á sinni skoðun eftir allt sem undan hefði gengið, hefði haldið áfram, þá hefði ég hengt upp mynd af honum yfir hjónarúminu.

Þá væri hann hetja í mínum augum !!!!

[Guðbjörn Jónsson, 12.7.2009 kl. 12:58]

Sæll Þór, og takk fyrir góða grein.  Það er reyndar ekki ný tíðindi að stjórnmálaflokkar á Íslandi virði ekki ýmis ákvæði stjórnarskrár, s.s eins og persónufrelsi einstaklingsins. Slíkt hefur oft verið til umræðu áður, en þingmenn aldrei þorað að fylgja eftir, frá ræðustóli Alþingis, þeim flokkafjötrum sem á þá eru lagðir í störfum þeirra inni á þinginu.  Svolítið merkileg samtrygging, því ekki hefur heldur verið hægt að fá þingmenn sem skipt hafa um stjórnmálaflokk - sem iðulega hefur verið vegna skoðanakúgunar - til að knýja fram opna umræðu um þessi stjórnarskrárbrot ALLRA stjórnmálaflokka sem á Alþingi hafa starfað fram til þessa.

Það er í raun nokkuð stór biti fyrir þjóðina að kingja því að löggjafarþing þjóðarinnar skuli fótum troða mikilvægustu mannréttindi lýðræðsskipulagsins, í þeim eina tilgangi að halda hér FLOKKSRÆÐI, álíka því sem viðgengst víða og við köllum yfirleitt kúgara.

Það fólk sem þorir að ganga fram fyrir skjöldu og berjast gegn þessum spillingaröflum, verða að vera viðbúin því að vera ekki í miklu uppáhaldi hjá spillingaröflunum um tíma. Sá tími verður hins vegar frekar stuttur, ef einarðlega er á málunum haldið.

Grundallarregla lýðræðis í stjórnskipan okkar er leynileg atkvæðagreiðsla. Ég varð því nokkuð hissa á afstöðu þinni til slíks. Leynileg atkvæðagreiðsla er mikilvægasta trygging sem hægt er að fá, fyrir því að hver og einn geti greitt atkvæði eftir sinni sanfæringu EINNI, og þurfa ENGUM að gera grein fyrir afstöðu sinni. Slík regla er undirstaða þess að uppræta megi þá skoðanakúgun sem nú viðgengst í störfum Alþingis.

Einnig ætti að koma á fullkomnu banni við opinni atkvæðagreiðslu í þingflokkum. Slíkt myndi strax slá vopn úr höndum á forystuklíkum flokkanna og gera málatilbúnaðinn lýðræðislegri og heiðarlegri.

Ef slík vinnubrögð væru sem grundvallarregla, værum við líklega ekki í spennustöðu vegna ESB umsóknar, eða á leið að jarða efnahagslegt sjálfstæði þjóðarinnar, að óþörfu, með því að ætla að samþykkja ríkisábyrgð á þeim Icesave samningum sem fyrir liggja.

Gangi ykkur vel í þingstörfum ykkar 

[Solvi Kjerulf (IP-tala skráð) 12.7.2009 kl. 16:19]

Ólögleg stjórnarbylting hvað?!það hefur allveg farið fram hjá mér,meirihluti alþingis stjórnaði landinu og svo var kosið í vor,er eitthvað alvarlegt í gangi? veruleikaskynið ekki í lagi?

[(IP-tala skráð) 12.7.2009 kl. 18:25]

Ég tek ofan fyrir hinum unga bónda vegna skoðanna hans, en finnst miður að hann skildi ekki standa við sína sannfæringu og láta þá reyna á stjórnarslit, ef ekki ekki þurfti meira til þess en það, er eins gott að ljúka því af strax, því fyrr því betra.

Ég ætla rétt að vona að þingmenn borgarahreyfingarinn styðji allir sem einn tvöfalda atkvgr. 

[Valsól (IP-tala skráð) 12.7.2009 kl. 21:26]

Það voru tveir þingmenn sem ruku á dyr, Ásmundur óðalsbóndi og Ásbjörn Óttarsson kvótagreifi. Það vissu allir að þessir menn myndu taka afstöðu með sjálfum sér en ekki hvað væri best fyrir almenning. Að vera inn á þingi og hugsa bara um rassgatið á sjálfum sér er orðið daglegt brauð. Hvers vegna heldur fólk að það hafi verið farið fram á það við þingmenn að þeir gæfu upp hagsmunatengsl sín, það var til þess að fólk gæti betur áttað sig á hegðun þeirra inn á þingi og hvort þeir væru að haga vinnu sinni eftir eigin hagsmunum eða eftir því hvað kæmi almenningi til góða. Gott fólk, þó þessir hottintottar hafi sýnt það í verki að þeir eru á þingi fyrir sjálfa sig en ekki almenning, þá þarf ekki allt að fara í háaloft þó þessir menn fari í fílu. Þeir ættu báðir að skammast sín!

[Valsól (IP-tala skráð) 12.7.2009 kl. 21:28]

Leynileg atkvæðagreiðsla kemur ekki til greina. Við almenningur eigum skilyrðislaust að fá að sjá hvað menn eru að gera þarna inn á þingi.

[Einar Björn Bjarnason, 12.7.2009 kl. 21:46]

Framtíð hagvaxtar í Evrópu

Glæný hagspá er kominn frá Framkvæmdastjórn Evrópusambandsins, en einnig Alþjóða Gjaldeyris-Sjóðnum.

"Directorate General for Economic Affairs: : Quarterly Report"

"IMF : Recession Loosens Grip But Weak Recovery Ahead "

Fyrst, spá Alþjóða Gjaldeyris-sjóðsins:

Eins og sést af tölunum, inni í bláa rammanum, þá er AGS (IMF) búið að lækka hagspá sína fyrir Evrópu. Núnar, er spáin, að kreppan á Evru svæðinu, nái ekki botni, fyrr en á næsta ári. Með öðrum orðum, enginn hagvöxtur á næsta ári, eins og áður var spáð. Í öðrum samanburðarlöndum eða svæðum, virðist kreppan hafa náð botni í ár, og er spáðin að hagvöxtur hefjist á næsta ári. 

Útkoman virðist vera svo, að ekkert svæði í öllum heiminum, komi ver út, af þeim sem eru í samanburðinum, heldur en Evrusvæðið. Ég er hér, ekki með nein sérstök svör um 'af hverju' - einungis að benda, á hver rás atburða virðist vera.

Sannarlega, er útkoman mismunandi, fyrir einstök ríki Evrusvæðisins - Frakkland, virðist vera t.d. undantekning, og skv. spá AGS hefst hagvöxtur þar á ný, þegar á næsta ári. En, meðaltónninn, er klárlega, samdráttur einnig á næsta ári, þó minni en á þessu. Hagvöxtur, hefst því ekki, að meðaltali á Evrusvæðinu fyrr en 2011.

Spá Hagfræðisviðs-Framkvæmdastofnunar Evrópusambandsins:

Samkvæmt þessari spá, eru afleiðingar heimskreppunnar, á Evrópu, miklu mun alvarlegri, en ég hélt; en taldi ég þó þær alvarlegar fyrir.

Eins og sést, á spánni fyrir restina af árinu, er gert ráð fyrir að meðal samdráttur fyrir sameiginlegt hagkerfi ESB, verði 4%, á þessu ári. Ljóst er af tölunum, að Evrópa, er í bullandi kreppu þetta árið.

p. 10                                          2009   2010

GDP                                             -4.0     -0,1

Private consumption                    -0,8    -0,3

Government consumption           -4,2   

Gross fixed capital formation      -8,1

Exports of goods and services  -13,5

Imports of goods and services  -10,5

Samkvæmt skýrslunni, hefur heldur dregið úr bankakrísunni, sem hratt kreppunni af stað, og kreppan í dag, sé nú að stærstum hluta samdráttur hagkerfanna sjálfra, sem sé afleiðing tjónsins, á hagkerfunum sem bankakreppan orsakaði. Bankarnir, séu þó enn í mjög viðkvæmri stöðu, einkum hvað varðar hátt hlutfall af slæmum lánum, sem mun þurfa að afskrifa.

"Overall, the most acute phase of the crisis in the banking sector has now receded, but the situation remains fragile. Euro-area banks are still highly leveraged and persistent concerns about the quality of their assets have fuelled fears about the overall health of their balance sheets. Additional problems for banks have emerged as the financial crisis has extended to the real economy. The operating environment for banks is likely to remain challenging, in particular in respect of credit losses linked to their loan portfolios."

Áhugavert, er að skoða kostnað stjórnvalda, af endurreisn banka, í samanburði milli landa innan ESB, sem hlutfall af Vergri Þjóðarframleiðslu (VÞF).

Austria             32,8

Belgium           79,2

Cyprus              0

Germany         23,2

Greece            11,4

Spain              12,1

Finland           27,7

France            18,1

Ireland        230,3

Italy                1,3

Luxemburgh  19,3

Malta               0

Netherlands  52,2

Portugal       12,5

Slovenia       32,8

Slovakia         0

Euro Area    24,6

EU 27          30,5%

Hallarekstur og skuldaaukning

Kreppan í Evópusambandinu, hefur valdið mikilli aukningu á hallarekstri ríkissjóða meðlima landanna, og mun skuldaaukning af þessa völdum, á komandi árum, bætast ofan á þá skuldaaukningu sem orsakaðist ef fjáraustri til að bjarga bönkunum. Forvitnilegt, er að skoða yfirlit yfir halla af ríkissrekstri, hjá meðlimalöndum ESB, sem hlutfall af landsframleiðslu, áætlun fyrir árin 2009 og 2010.

                       2009 2010 

Belgium           -4.5   -6.1

Denmark         -3.9   -5.9 

Ireland          -12.0 -15.6

EL                   -5.1   -5.7

Spain              -8.6   -9.8

France            -6.6   -7.0

Italy               -4.5   -4.8

Cyprus           -1.9   -2.6

Luxemburgh   -1.5  -2.8

Malta              -3.6  -3.2 

Netherlands   -3.4  -6.1

Austria           -4.2  -5.3

Portugal         -6.5  -6.7

Slovenia         -5.5  -6.5

Slovakia         -4.7  -5.4

Finland           -0.8  -2.9

Euro Area       -5.3  -6.5 

Næst, er forvitnilegt, að bera saman, spá um skulda-aukningu, á þessu ári og hið næsta, sem hlutfall af VLF.

                       2008  2009  2010 

Belgium            89.6   95.7  100.9

Denmark          65.9   73.4    78.7

Ireland             43.2   61.2    79.7

EL                    97.6 103.4  108.0

Spain               39.5   50.8    62.3

France             68.0   79.7    86.0

Italy               105.8 113.0  116.1

Cyprus             49.1  47.5    47.9

Luxemburgh    14.7  16.0    16.4

Malta               64.1  67.0    68.9

Netherlands    58.2  57.0    63.1

Austria            62.5  70.4    75.2

Portugal         66.4  75.4     81.5

Slovenia         22.8  29.3     34.9

Slovakia         27.6  32.2     36.3

Finland           33.4  39.7    45.7

Euro Area      69.3 77.7  83.8

Verða afleiðingar kreppunnar, varanlegar?

Samkvæmt rannsóknum á kreppum, þá hefur kreppa sem byrjar sem fjármálakreppa alvarlegri afleiðingar, en kreppur af öðrum rótum: "Financial crises are deeper and last longer than other recessions……and they tend to have a permanent negative effect on the level of output."

Kreppan er talin munu orsaka, að það muni draga úr hæfni hagkerfa Evrópu til hagvaxtar (growth potential) vegna aukningar á fjölda varanlega atvinnulausra og vegna þess, að fjármagn muni ekki skila sér til hagvaxtar með eins skilvirkum hætti og áður.

Potential Growth Stuctural unemployment Investment ratio as percentage of output

2007  1,8%                   8,7%                                       8,7%

2008  1,3%                  9,0%                                        9,0%

2009  0,7%                 9,7%                                         9,7%

2010  0,7%                10,2%                                        10,2%

Helmingun, hæfni hagkerfanna, til að vaxa - jafnvel þó hún sé einungis tímabundin, er að sjálfsögðu alvarlegur hlutur. Það sem þetta þýðir, að þó svo að kreppan taki enda, þá muni fylgja henni, nokkur ár í viðbót þ.s. hagvöxtur verður skaðaður, þ.e. minni en hann var fyrir kreppu.

Líklegast er talið "A sharp drop in potential growth in the short term……followed by a slow return to pre-crisis potential growth". Með öðrum orðum, að hagkerfi Evrópu, muni ná sér á endanum, af afleiðingum kreppunnar, þó það muni taka nokkur extra ár, eftir að hinni eiginlegu kreppu líkur.

Niðustaða, Framkvæmdastjórnarinnar, er þó að skaðinn verði varanlegur, í þeim skilningi, að hagkerfi Evrópu muni aldrei ná þeim stað, þ.e. ríkidæmi, sem þau hefðu náð, ef kreppan hefði aldrei orðið.

Framkvæmdastjórnin, varar þó við, að þó hún á þessum tímapunkti telji líklegra en ekki, að hagkerfi Evrópu nái aftur þeirri hæfni til hagvaxtar, sem þau höfðu fyrir kreppu, þá sé það alveg hugsanleg að minnkun hæfni til hagvaxtar, muni reynast varanleg, þ.e. "Risks of a permanent downshift in potential growth should not be played down." Á þessum tímapunkti, sé það einfaldlega ekki vitað, hvor útkoman verði reyndin.

Áhrif óhagstæðrar mannfjöldaþróunar

Eins og margir vita, þá stefnir í fólksfækkun í flestum löndum Evrópu, þ.s. konur eignast færri börn en þarf til, að halda fólksfjölda í horfinu. Afleiðing þessa, er smám saman að verða sú, að það fækkar í þeim aldurshópum sem eru að koma nýir inn á vinnumarkaðinn. Á sama tíma, smám saman eldist restin af fólkinu. Það kemur síðan að því, að þeir sem ekki eru á vinnandi aldir, þ.e. annaðhvort of ungir eða og gamlir til að vinna, verða fleiri en þeir sem í dag, er á vinnandi aldri. Ein afleiðingin, er sú, að það dregur úr hæfni hagkerfanna smám saman, til hagvaxtar.

"The projections show a significant reduction in the population aged 15-64 (from 2010 - 2060) …… and an increase in the number of elderly persons aged 65 or more…… leading to a doubling of the old-age dependency ratio in the euro area" - "The largest increase is expected to occur during the period 2015-40. This means that the euro area would move from having 4 persons of working-age for every person aged over 65 to a ratio of only 2 to 1. When adding the number of children to the calculation, the ratio of dependent to active is projected to rise by about 50%."

Afleiðingin, verður ekki eingöngu, að hæfni hagkerfanna til hagvaxtar minnkar, heldur gerist það einnig að kostnaður af því að halda uppi fólki, sem ekki er vinnandi, cirka tvöfaldast.

"Even without incorporating the potential negative impact of the current economic crisis, the annual average potential GDP growth rate in the euro area is projected to fall from 2.2% in the period 2007-2020, to 1.5% in the period 2021-2030 and to a meagre 1.3% in the period 2041-2060."

Aukinn kostnaður, af uppihaldi þeirra sem ekki eru vinnandi, ásamt því að hæfni hagkerfanna til hagvaxtar minnkar, gerir það að verkum að mjög erfitt verður fyrir ríkin - ef þau á sama tíma, þurfa einnig að standa undir verulegri skuldabyrði. Ríkin eru í dag, rekin með verulegum halla, og þau skulda núna, af völdum kreppunnar mörg hver umtalsvert, og framtíðin virðist bera í skauti sér, fátt annað en auknar byrðar og einnig aukinn kostnað; á sama tíma og tekjur skreppa saman. Rekstru ríkjanna, á því greinilega eftir að verða mjög snúinn.

Víxlverkun kreppunnar við fólksfjöldaþróun

Þrem möguleikum er velt upp:

• "permanent shock"
• "lost decade",
• "rebound"

Í 'rebound' þá kemur hagkerfið sterkt inn, í kjölfar kreppunnar, og nær að vinna upp tapið af kreppunni að fullu á stuttum tíma.

Í 'lost decate' þá tekur það hagkerfið nokkur ár að aflokinni kreppu, að ná sér á ný, þarf að takast á við nokkur ár þ.s. hagvöxtur er tiltölulega hægur, en nær síðan aftur fyrri hæfni til hagvaxtar. En afleiðing þess, er að ekki næst að vinna upp tapaðann hagvöxt af völdum kreppunnar.

Í 'permanent shock' þá nær hagkerfið sér aldrei almennilega á strik aftur, og lækkun getu hagkerfisins til hagvaxtar verður varanleg.

                  2010 2015 2020 2040 2060
Rebound       -3    -5        0      0       0
Lost decade  -3    -7      -8     -8      -8                                                                     Permanent                                                                                                                        shock            -3    -7     -10   -14    -18

Einungis 'rebound' mun ekki skaða getu ríkjanna, til að fást við kostnaðar-auka, af völdum fólksfjöldaþróunar. Í 'lost decade' verður skaðinn, einungis af töpuðu árunum. En, í 'permanent shock' muni bilið jafnt og þétt breikka, í samanburði við aðstæður ef kreppan hefði aldrei orðið.

Þeir, af þessum sökum, leggja áherslu á:

"(i) reducing debt at a fast pace;

(ii) raising employment rates and productivity; and

(iii) reforming pension, healthcare and long-term care systems. "

Þeir eru, með öðrum orðum, að reyna að hvetja ríkisstjórnirnar til dáða. Eins og áður er fram komið, er 'lost decade' talin líklegasta útkoman, eins og málum er háttað í dag. 

Ef svo verður, þá enda slæmu árin mjög óþægilega nærri þeim tíma, þegar reiknað hefur verið út fyrir löngu, að geta þjóðanna til hagvaxtar, fer að skreppa saman, af völdum fólksfjölda-þróunar, þ.e. eftir 2020; þ.s. í dag, er eftir allt saman, 2009 og ljóst er orðið, að hagvöxtur mun ekki hefjast að meðaltali á Evrusvæðinu fyrr en 2010. Þannig, ef það er svo 'lost decade' þaðan í frá. Ég, held að málið sé alveg krystal klárt.

Niðurstaða

Ríki Evrópu, eru þegar í dag, komin óþægilega nærri þeim tíma, þegar hagvöxtur í ríkjum Evru svæðisins, mun byrja að skreppa saman, af völdum fólksfjölda-þróunar; þ.e. eftir 2020. Kreppan nú, getur því vart komið á verri tíma. 

Glataður hagvöxtur, af völdum kreppunnar, og einnig, auknar skuldir; geta ekki annað, en gert ríkjum Evrusvæðisins, enn erfiðara en áður var búist við, að aðlaga sig þeim breytingum sem munu óhjákvæmilega eiga sér stað.

Hætta, er veruleg, að  kreppan muni, leiða löndin út í sund vaxandi skulda og vaxandi efnahagslegs vanmáttar, sem engin auðveld leið verður út úr.

Þetta skiptir okkur miklu máli, einnig; þ.s. nú um þessar mundir stefnir í að teknar verði mikilvægar ákvarðanir, þ.e. um aðild að ESB eða ekki.

Ljóst verður að teljast, að sú slæma þróun, sem talin er líklegust og einnig, sú verri sem talin er mjög möguleg; getur ekki annað en gert, aðild að Evrusvæðinu, minna áhugavert fyrir okkur, en áður var talið.

Kv.

[Þorsteinn Ingimarsson (IP-tala skráð) 15.7.2009 kl. 11:49]

"Stefna Borgarahreyfingarinnar í Evrópumálum er að ekki sé hægt að taka afstöðu til málsins nema að undangengnum aðildarviðræðum. Stefna einangrunarsinnana einkennist af hræðslu við umheiminn og hræðslu við að treysta fólkinu í landinu og er í alla staði ólýðræðisleg. Sá fyrirsláttur Sjálfstæðisflokks að það þurfi fyrst að kjósa um aðildarviðræður er ömurleg birtingarmynd kjarkleysis." - Þór Saari fyrir kosningar