Framboð í SV kjördæmi og lýðræðið

Það var einkennileg glíma sem við í Borgarahreyfingunni þurftum að taka þátt í með framboðslistana til yfirkjörstjórnanna þar sem túlkun á kosningalögum er yfirskjörstjórnum í sjálfsvald sett. Strax í upphafi settu tvær kjörstjórnir, kjörstjórnir suðvestur kjördæmis og Reykjavíkur suður sig upp á móti listunum vegna formsatriðis sem byggðist alfarið á "túlkun" þeirra á kosningalögum, en atriðið sem um var að ræða er ekki tiltekið í kosningalögum og skipti engu máli samkvæmt yfirkjörstjórnum hinna fjögurra kjördæmanna né heldur samkvæmt dómsmálaráðuneytinu. Þessu var að sjálfsögðu mótmælt af okkar hálfu en til einskis. Yfirkjörstjórnir túlka lýðræðið hver með sínu nefi. Þegar okkur varð ljóst að yfirkjörstjórnir eru kosnar af Alþingi, þ.e. þeim stjórnmálaflokkum sem nú sitja á þingi, varð okkur dagljóst hvað hékk á spýtunni, ný framboð voru ekki vel séð við vorum boðflennur í partíi sem fjórflokkurinn ætlaði að hafa fyrir sjálfan sig, þessi róður yrði þungur. Við tók ganga milli yfirkjörstjórna, dómsmálaráðuneytis og landskjörstjórnar þar sem berlega kom í ljós hversu lýðræðið er í einkennilegum farvegi á Íslandi þar sem þessir aðilar voru algerlega ófærir um að leysa málið.

Til vara og með gríðarlegu átaki tókst okkur að ná saman undirskriftum allra frambjóðenda á ný á tilteknu eyðublaði sem var blessað af dómsmálaráðuneytinu og náðum að leggja fram listana aftur og það tímanlega.

Freakri samskipti við yfirkjörstjórnir varðand þetta mál og hvort þeir sem framverðir lýðræðisins myndu hugsanlega beita sér fyrir því að t.d. Dómsmálaráðuneytið lagfærði þessi einföldu atriði mættu hinsvegar algerri andstöðu. "Þetta er ekki í okkar verkahring" sögðu þau og æstust heilmikið upp. "Þið getið breytt þessu ef þið komist til valda" sögðu þau líka.

Það var óþægilegt svo ekki sé meira sagt, að verða vitni að hinni hrollköldu valdapólitík þar sem meira að segja seta í yfirkjörstjórn er beinlínis notuð með því hugarfari að lýðræðisleg framganga kosninga snúist fyrst og fremst um þá sem þegar hafa völdin.

Allar flækjur í þessum málum gagnast að sjálfsögðu fjórflokknum sem þegar hefur völdin og ef þeir geta lagt stein í götu nýrra framboða með eigin afkáralegum túlkunum þá er því miður einfaldlega farið að halla ansi mikið á lýðræðið á Íslandi.

Hér er svo listinn okkar í SV kjördæmi, frábært fólk með mjög fjölbreyttan bakgrunn, og ekki vafamál að við förum langt með að slá út kúlulánadrottninguna og hennar fjármálaflæktu félaga, með sín bellibrögð.

 

1	Þór Saari	Hagfræðingur	Álftanesi
2	Valgeir Skagfjörð	Leikari	Kópavogi
3	Ingifríður R. Skúladóttir	Vörustjóri	Garðabæ
4	Ragnheiður Fossdal	Líffræðingur	Seltjarnarnesi
5	Sigríður Hermannsdóttir	Líffræðingur	Reykjavík
6	Rúnar Freyr Þorsteinsson	Bílstjóri	Hafnarfirði
7	Bjarki Þórir Kjartansson	Atvinnurekandi	Hafnarfirði
8	Guðmunda Birgisdóttir	Kennari	Reykjavík
9	Jónína Sólborg Þórisdóttir	Fulltrúi	Kópavogi
10	Margrét Rósa Sigurðardóttir	Kennari	Kópavogi
11	Sigurður Karl Jóhannesson	Verslunarstjóri	Kópavogi
12	Helga Dís Sigurðardóttir	Matsfræðingur	Mosfellsbæ
13	Friðrik Tryggvason	Ljósmyndari	Reykjavík
14	Baldur Már Guðmundsson	Nemandi	Reykjavík
15	Ásthildur Jónsdóttir		Hafnarfirði
16	Rannveig Konráðsdóttir	Þroskaþjálfi	Kópavogi
17	Konráð Ragnarsson	Rafverktaki	Reykjavík
18	Magnús Símonarson	Vefhönnuður	Mosfellsbæ
19	Ingvi Hraunfjörð Ingvason	Ellilífeyrisþegi	Hafnarfirði
20	Sólveig Jóhannesdóttir	Hjúkrunarfræðingur	Álftanesi
21	Magnús Líndal Sigurgeirsson		Hafnarfirði
22	Þórhildur Sunna Ævarsdóttir		Mosfellsbæ
23	Sigurður Ingi Kjartansson	Kerfisstjóri	Reykjavík
24	Hörður Ingvaldsson	Verslunarmaður	Reykjavík

Athugasemdir

[Sigurður Þór Guðjónsson, 17.4.2009 kl. 00:42]

Þetta er ljótt að heyra.

[sandkassi (IP-tala skráð) 17.4.2009 kl. 02:29]

Flottur listi!

Málið er að sýna bara tennurnar og berjast, berjast og berjast!

Aldrei að gefast upp, aldrei!

[Rakel Sigurgeirsdóttir, 17.4.2009 kl. 03:28]

Æi, Þór hvað getur maður sagt! Það er furðulegt að berjast við alla þessa kerfisbundnu en sérhæfðu vanhæfingu sem kemur ekki síst fram þeim í stjórnunarhætti að hver vísar á annan og enginn þykist ráða neinu! Það eru æpandi skilaboð í þessu framferð sem hljóma einhvern veginn á þessa leið: „Gefstu bara upp strax! Það er þér fyrir bestu.“ Það eru bara færustu einbeitingar- og rökræðuhundar sem ná að brjóta sér leið í gegnum þessa rammgerðu kerfisblokkir allar! Einlæga virðingu mína fyrir að vera einn af þeim

[Marinó G. Njálsson, 17.4.2009 kl. 14:16]

Þetta er bara atlaga gerð að lýðræðinu með orðhengilshátt um formgalla sem vopn.  Lítilla sanda, lítilla sanda eru slíkir aðilar.  Gangi ykkur vel og ég vona að þið fáið tækifæri til að láta rödd ykkar heyrast á Alþingi.