SilfurEgilsSpeki

Fékk boð í Silfrið í dag.  Gott spjall og ekkert pólitískt argaþras eins og stundum vill verða. Ræddum Icesave (að sjálfsögðu), AGS og framgöngu hans gagnvart Íslandi og einnig bankaránið stóra sem nú fer fram í boði ríkisstjórnarinnar og nýja frjálshyggjuflokksins sem eftir yfirlýsingu Jóhönnu Sigurðardóttir í síðustu viku á þingi Viðskiptaráðs heitir Samfylkingin.  Vinstri Grænir horfa á með forundran, opinmynnt og með stór augu, alveg eins og þegar dóttir mín sá könguló í fyrsta sinn.

Einnig kom fram Finnbogi Vikar sem er fulltrúi Hreyfingarinnar í stóru Sjávarútvegssáttanefndinni með langa nafninu. Hann er sjómaður og nemi á Bifröst og einn af þeim sem útgerðarmenn hafa tilkynnt að fái aldrei aftur pláss á sjó, en hann gefst ekki upp og er með fínar tillögur í aflaheimildadeilunni.  Áfram Finnbogi Vikar.

Þátturinn er hér, góðar stundir.

Athugasemdir

[Jóhannes Laxdal Baldvinsson, 21.2.2010 kl. 17:39]

Sínum augum lítur hver silfrið þór    en framlag Finnboga var það skynsamlegasta sem ég hef heyrt annþá um fyrirkomulag á innköllun veiðiheimilda. Eins og flestir vita sem vilja þá er fyrningarleiðin bull. Til hvers að fyrna það sem aldrei var eign??? Hreyfingin á þökk skilið fyrir að tilnefna "sérfræðing" í nefndina en ekki einhvern vin eða kunningja!!! Sakna þess að Finnbogi bloggi ekki um þessar tillögur. Finnst við eiga rétt á að koma að þessari umræðu

Með kveðju

[Þórdís Bára Hannesdóttir, 21.2.2010 kl. 19:58]

....og þú hélst áfram áróðrinum og niðurrifsstarfseminni. Gömlu plötunni.

[Hulda Haraldsdóttir, 21.2.2010 kl. 22:00]

Ágæta Þórdís, þú talar um áróður, ef þetta flokkast undir áróður hvað má þá segja um ríkisstjórnina, og alla þá Elítu sem stjórnvöld eru búin að skapa og enn totta feita spena á okkar kostnað og  ríkisfjölmiðlana, auk fjölmiðla sem stjórnað er af svokölluðum fyrrum auðmennum og útrásarvíkingum. Það hefur nú aldrei talist skynsamlegt að henda steinum úr glerhúsi.

[Arnór Valdimarsson (IP-tala skráð) 23.2.2010 kl. 00:00]

Þú stóðst þig frábærlega.

Staðreyndir eru augljóslega hlutir sem samspillingarfólk eins og Þórdís þola ekki. Það má ekki setja út á vanhæfa Ríkisstjórn.

Þú ert greinilega á réttri leið. 

Finnbogi Vikar lofar góðu. Vonandi kemst nú skriður á þessi mál.

[Gunnar (IP-tala skráð) 24.2.2010 kl. 00:34]

Þú stóðst þig vel og það verður gaman að heyra meira af hugmyndum Finnboga. Ég er ekkert sannfærður en hann var þó að hugsa út fyrir kassann sem ansi margir eru fastir í.

[Örn (IP-tala skráð) 25.2.2010 kl. 10:19]

Sæll Þór Saari

Hefur ríkistjórnin heimild til að taka  Icesave málið úr þjóðaratkvæðagreiðslu nú þegar fólk er byrjað að greiða atkvæði?

 

Kjörsókn er betri en í síðustu Alþingiskosningum.